Қоймадағы материалдық қор есебі



МАЗМҰНЫ
Бет
Кіріспе. 3
І.бөлім. Қоймадағы материалдық қор есебі
1.1. Қоймадағы материалдық қорлар жайлы тусінік. ... ... ... ... ... ... ... ... .. 5
1.2. Қоймадағы материалдар қозғалысының есебі және оларды
құжаттау ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... 13
1.3. Қоймадағы материалдық қорлар бухгалтерлік есепте мына
әдістері ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... ... . 20
1.4. Қоймадағы материалдық қорларды түгендеу ... ... ... ... ... ... ... ... ... ... 23
ІІ.бөлім. «СКПП» ЖШС.қа қысқаша мінездеме ... ... ... ... ... ... ... ... ... .. 26
2.1. «СКПП» ЖШС қоймасындағы материалдық қорлар есебінің
жүргізілу тәртібі. ... ... ... ... ... ... ... ... ... ... ... ... ... ... ... ... ... ... ... ... ... ... ... 28
2.2. «СКПП» ЖШС қоймасындағы материалдық қорлар
қозғалысының құжаттары мен рәсімделуі. ... ... ... ... ... ... ... ... ... ... ... ... . 31
2.3. «СКПП» ЖШС қоймасындағы материалдық қорларды бағалау ... 35
2.4. «СКПП» ЖШС қоймасындағы материалдық қорларды түгендеу
және оларды есеп беруде ашып көрсету. ... ... ... ... ... ... ... ... ... ... ... ... ... . 37
ІІІ.бөлім.
3.1 СКПП ЖШС Қоймасындағы материалдық қорлар есебін сәйкестендіру бойынша ұсыныстар ... ... ... ... ... ... ... ... ... ... ... ... ... ... ... ... ..40
Қорытынды ... ... ... ... ... ... ... ... ... ... ... ... ... ... ... ... ... ... ... ..44
Пайдаланылған әдебиеттер тізімі ... ... ... ... ... ... ... ... ... ... ... ... .45
Қосымшалар

Пән: Экономика
Жұмыс түрі:  Курстық жұмыс
Тегін:  Антиплагиат
Көлемі: 42 бет
Таңдаулыға:   
Қазақстан Республикасының Білім және Ғылым министрлігі
Шығыс Қазақстан облысының білім департаменті
Семей Бизнес колледжі
Тауартану коммерциялық және экономикалық-есепті пәнде кафедрасы

Курстық жұмыс
Қоймадағы материалдық қор есебі
атауы
Бухгалтерлік есеп пәні
бойынша

Тегі, аты, әкесінің аты Тухиева А.С.
Студент күндізгі бөлімі
______ІІІ________курс
__34_экбух______ топ
Жетекші:
Тегі, аты, әкесінің аты Байжигитова А.А.

Баға
_______
_______ ____________ 2007 ж.

Семей қаласы 2007 ж.
МАЗМҰНЫ
Бет
Кіріспе.
3
І-бөлім. Қоймадағы материалдық қор есебі
1.1. Қоймадағы материалдық қорлар жайлы тусінік.
... ... ... ... ... ... ... ... .. 5
1.2. Қоймадағы материалдар қозғалысының есебі және оларды
құжаттау ... ... ... ... ... ... ... ... ... ... ... ... ... ... ... ... ... ..
... ... ... ... ... ... ... ... ... ... 13
1.3. Қоймадағы материалдық қорлар бухгалтерлік есепте мына
әдістері ... ... ... ... ... ... ... ... ... ... ... ... ... ... ... ... ... .
... ... ... ... ... ... ... ... ... ... .. 20
1.4. Қоймадағы материалдық қорларды
түгендеу ... ... ... ... ... ... ... ... ... ... 23
ІІ-бөлім. СКПП ЖШС-қа қысқаша
мінездеме ... ... ... ... ... ... .. ... ... ... 26
2.1. СКПП ЖШС қоймасындағы материалдық қорлар есебінің
жүргізілу тәртібі.
... ... ... ... ... ... ... ... ... ... ... ... ... ... ... ... ... ... ... ..
... ... ... ... 28
2.2. СКПП ЖШС қоймасындағы материалдық қорлар
қозғалысының құжаттары мен рәсімделуі.
... ... ... ... ... ... ... ... ... ... ... ... .. 31
2.3. СКПП ЖШС қоймасындағы материалдық қорларды бағалау ... 35
2.4. СКПП ЖШС қоймасындағы материалдық қорларды түгендеу
және оларды есеп беруде ашып көрсету.
... ... ... ... ... ... ... ... ... ... ... ... ... .. 37
ІІІ-бөлім.
3.1 СКПП ЖШС Қоймасындағы материалдық қорлар есебін сәйкестендіру бойынша
ұсыныстар ... ... ... ... ... ... ... ... ... ... ... ... ... ... ... ... ..40
Қорытынды ... ... ... ... ... ... ... ... ... ... ... ... ... ... ... ... ... ... ... .. 44

Пайдаланылған әдебиеттер тізімі ... ... ... ... ... ... ... ... ... ... ... ... .45

Қосымшалар

Кіріспе.
Бұл курстық жұмысты жазғанда, қоймадағы материалдық қорлардың есебі
жайлы толық түсінік бердім.
Курстық жұмыс үш бөлімнен тұрады.
І-бөлім. Қоймадағы материалдық қор есебі, мында
1.1. Қоймадағы материалдық қорлар жайлы тусінік, яғни қоймадағы
материалдық қорлардың жіктелуі материалдарды есептеудің негізгі міндеттері,
материалдардың наменклатурасы материалдары есептеуді ұйымдастыру жайлы
толық қарастырылды.
1.2. Қоймадағы материалдар қозғалысының есебі және оларды құжаттау. Бұл
бөлімшеде қоймадағы материалдық қорларды босатқанда рәсімделетін құжаттар,
материалдардың өнімдерді әзірлеуге цехтарға, сыртқы өңдеуге немесе артығын
сатуға босатқан кезде, материалдар цехтан цехқа берілгенде, тауарлы
материалдық қорлар келіп түскенде рәсімделетін құжаттар жайлы толық
анықтама берілді.
1.3. Қоймадағы материалдық қорлар бухгалтерлік есепте мына әдістері,
бөлімшесінде бағалау әдістерінің төрт түріде қарастырылды.
1. Арнайы сәйкестірілген есептеу әдісі.
2. Орташа өзіндік құнын есептеу әдісі.
3. ФИФО әдісі.
Бұл бағалау әдістері жеке-жеке түрінде қарастырылды.
1.4. Қоймадағы материалдық қорларды түгендеу, бөлімшесінде қоймадағы
материалдық құндылықтарды түгендеудің жүргізілу тәртібі, жайлы
қарастырылды.
ІІ-бөлім. СКПП ЖШС-қа қысқаша мінездеме берілді.
2.1. СКПП ЖШС қоймасындағы материалдық қорлар есебінің жүргізілу
тәртібі.
2.2.СКПП ЖШС қоймасындағы материалдық қорлар қозғалысының құжаттары мен
рәсімделуі.
2.3. СКПП ЖШС қоймасындағы материалдық қорларды бағалау.
2.4. СКПП ЖШС қоймасындағы материалдық қорларды түгендеу және оларды есеп
беруде ашып көрсету.
ІІІ-бөлім. Ұсыныстар мен қорытынды, яғни осы курстық жұмыс бойынша өз
ұсыныстарым мен шығарылған қорытынды нәтижелері. Бұл курстық жұмыста
қоймадағы материалдық қорлар есебі толығымен қарастырылды.

І-бөлім. Қоймадағы материалдық қор есебі.

1.1. Қоймадағы материалдық қорлар жайлы түсінік
Кәсіпорындар мен ұйымдардың қызметі барысында өздерінің өндірген дайын
бұйымдары, сату үшін сатып алған тауарлары, сатып алған бірақ әзірге
қоймаға келіп түспеген тауарлары (жолдағы тауарлар), аяқталмаған өндіріс,
басқаларға көрсеткен қызметгері, сондай-ақ жұмыстарды орындау және
қызметтерді көрсету барысында пайдалануға арналған қосалқы бөлшектері,
отындары, ыдыс және ыдыстық материалдары, жартылай фабрикаттар және басқа
да материалдары сол ұйымның тауарлық-материалдық қоры түріндегі ағымдағы
активі болып табылады.
Олардың өндіріс құралдарынан өзге еңбек заттары өндірісте
пайдаланылған кезде өздерінің бастапқы құнын түгелдей өндірілетін өнімге
ауыстырады. Шығарылатын өнімнің, атқарылатын жұмыстың өзіндік құнының көп
бөлігі еңбек заттарының құнынан тұрады. Сонымен қатар еңбек заттары
өндірістік қор болып табылады.

Қоймадағы материалдарды есептеудің негізгі міндеттері:
1. Дайындалған, келіп түскен және өндіріске немесе сыртқа
босатылған материалдарды уақытында есептеп, кіріске алу немесе
есептен шығару.
2. Материалдардың қоймада және тасымалдау кезінде түгел сақталуын
бақылау.
3. Материалдық қорлар қалдығының белгіленген мөлшерден
артып немесе төмендеп кетпеуін бақылау.
4. Материалдарды өндірісте пайдаланған кезде олардың техникалық жолмен
анықталған мөлшерін және тұтыну мөлшерінің қорын анықтау.
5. Материалдардың өңдірісте ұтымды пайдаланылуын бақылау.
6. Дайындалған материалдардың өзіндік құнын анықтап және
олардың жоспарлы есептеу бағасынан айырмашылығын тауып,
пайдаланылған материалдар құнын әр объектінің шығынына қосу.
Жақсы және дұрыс ұйымдастырылған есеп материалдардың түгел сақталуына,
үнемді пайдаланылуына көмегін тигізеді. Материалдардың түгел және дұрыс
сақталуы, сондай-ақ ұтымды пайдаланылуы, жұмсалуы үшін алдын ала мыналарды
жасау қажет:
- тиісті түрде жабдықталған материалдық-қорларды сақтайтын қойма
немесе бөлме болуы қажет және бөлмелердің әрқайсысы
материалдардың белгілі бір түрін сақтауға арналған болуы керек;
- материалдар қойманың әр бөлігінде өздерінің түрлері, сорттары,
өлшемдері бойынша керекті кезінде тез алуға және босатқаннан
кейінгі
кезде қалдығын тексеруді қамтамасыз ететіндей етіп орналастырылуы
керек.
Кәсіпорындар мен ұйымдардың әкімшілігі материалдарды сақтайтын қойманы
таразымен, өлшеу аспаптарымен және ыдыстар мен жабдықтап және оларды жиі
тексеріп, дұрыстығын қадағалап отыруы керек. Ұйымның басшысы материалдарды
қабылдайтын және босататын адамдардың топтарын белгілеп, олармен
материалдарға жауапкершілік туралы шарт жасайды. Сондай-ақ кәсіпорын
басшысы материалдарға жауапты адамдарды жұмысқа алу, жұмыстан босату
барысында ұйымның бас бухгалтерімен алдын ала келісіп отыруы қажет.
Материалдарды кіріске алу және қоймадан босату құжаттарына қол қою құқығына
ие болған қызмет иелерінің тізімін белгілеу кэсіпорын басшысының немесе ол
сенім білдірген адамның жұмысы болып табылады.
Қоймадағы материалдардың есебін дұрыс және ұғымды ұйымдастыру үшін
мыналар керек:
- материалдардың бірыңғай номенклатурасы мен жоспарлы есеп айырысу
бағасын белгілеу;
- құжат айналымының дәл жүйесін белгілеу және материалдарды есепке
алу мен есептен шығару операцияларының тәртібін сақтау;
- бірыңғайланған алғашқы есеп құжаттары нысандарының түрлерін
белгілеу және олармен ұйымның барлық бөлімін қамтамасыз ету.
Сонымен қатар материалдарды алдағы уақыттарда пайдалану үшін өндіріске
босату және басқа жаққа берілетін мөлшерін белгілеп, оларды жетілдіріп
отыру керек. Белгіленген тәртіп бойынша материалдардың қалдығын жаппай
түгендеу, бақылау арқылы тексеріп және олардың нәтижесін дер кезінде есепке
алып отыру қажет.

Материалдық қорлардың жіктелуі

Еңбек заттары біртекті емес. Олардың бір-бірінен өндірісте атқаратын
міндеттеріне қарай, сондай-ақ физикалық және химиялық қасиеттеріне қарай
өзара айырмашылықтары бар. Сондықтан да материалдар есебін дұрыс
ұйымдастырудың ең басты мәселесі – оларға экономикалық жағынан дәлелденген
жіктеу жасау болып табылады. Өздерінің өзгешеліктері мен өнім дайындауда
атқаратын міндетгеріне қарай материалдар:
- шикізат;
- негізгі материал;
- көмекші материал;
- жартылай фабрикат және тағы да басқалар болып бөлінеді.
Негізгі материалдар мен шикізаттар өндірілетін өнімнің құрамына кіріп
оның материалдық негізін жасайды.
Шикізаттар деп бұрын азды-көпті еңбек сіңірілген заттарды атайды.
Бүлардың құрамына кен өндіруші өнеркәсіп пен ауыл шаруашылығы мекемелерінің
өндірген өнімдері — мұнай, кен, мақта, жүн, тері, ағаш және тағы да басқа
материалдар жатады.
Негізгі материалдардың қатарына өнімнің өзіндік құнын құрайтын өңдеуші
өнеркәсіп өнімдері – ұн, мата, кірпіш және тағы да басқалар жатады.
Өндірістік үдерістің бір сатысынан толық өтіп әрі қарай өндеуді қажет
ететін материалдар жартылай фабрикаттар деп аталады.
Материалдардың бұл түрін әрі қарай өңдеу арқылы дайын бұйымдар алынады.
Олардың аяқталмаған өнімнен айырмашылығы, оны сол күйінде сатуға болады.
Бұндай жағдайда жартылай фабрикатты сатып алған ұйымдар оны әрі қарай
өңдейді. Сондықтан да әрі қарай өндеуге арналған ұйымның өзінің өндірген
немесе басқалардан сатып алған заттары еңбек заттарының қатарында
есептеледі. Жартылай фабрикаттар қатарына құрылыс ұйымдарында – бетон және
ағаш бұйымдарын, металлургияда шойын мен болатты жатқызуға болады.
Көмекші материалдарға – әр түрлі химикаттар мен майлайтын, сүртетін
және жөндеуге керекті басқа да материалдар жатады. Көмекші материалдардың
негізгі материалдардан өзгешелігі, олар өнімнің материалдық (заттық)
негізін құрамайды. Олар өндіріс үрдісінде қолданылуы барысында негізгі
материалдарға өзінің қандайда бір тиісті әсерін тигізіп, негізгі
материалдардың түсін тағы да басқа жақтарын өзгертеді. Материалдардың бұл
түріне бояуларды, әктерді (известь) жатқызуға болады.
Материалдық қорлардың ішінде бөлек топ болып отындар, ыдыс және
ыдыстық материалдар, қосалқы бөлшектер, құрылыс материалдары және тағы да
басқалар есептеледі. Отындар тобына техникалық мақсатта энергия өндіруге,
үй-жайларды жылытуға пайдаланатын материалдардың барлық түрі жатады.

Қоймадағы материалдарды есептеуді ұйымдастыру

Ұйымның типтік бухгалтерлік есепшоттар кестесінің екінші белімінде
Материалдар есебі мына шоттарда жүргізіледі.
- шикізат пен материалдар;
- сатылып алынған жартылай фабрикаттар;
- отындар;
- ыдыс және ыдыстық материалдар;
- қосалқы бөлшектер;
- басқадай материалдар;
- өңдеуге берілген материалдар;
- құрылыс материалдары.
Шикізаттар мен материалдар шотында өндірілетін өнімнің құрамына кіріп,
оның негізін жасайтын немесе өнімді дайындағанда оның керекті құрастырушысы
болып табылатын шикізаттар мен негізгі материалдардың, өнім өндіруге
қатысатын немесе шаруашылық қызметіне сондай-ақ техникалық мақсатқа
пайдаланатын, өнім өндіру үрдісіне әсер ететін материалдардың ұйымдардағы
есебі, олардың кіріске алынуы мен шығыс етілуі есептеледі.
Сатылып алынған жартылап фабрикаттар шотында өндіріліп шығарылатын
өнімді жинақтау үшін сатылып алынған өңдеу және жинақтауды керек ететін
жартылай фабрикаттардың, жинақтауыш бұйымдардың, бөлшектердің кәсіпорындағы
есебі жүргізіледі.
Отындар деп аталатын шотта тасымалдау құралына пайдаланатын, сондай-ақ
өндірістің технологиялық қажетіне, энергия өндіруге және үйді жылытуға
пайдаланатын (мұнай өнімдері мен фтор, газ, көмір тағы да басқа) отындардың
қалдығы және кірісі мен шығысы есептеледі.
Ыдыс және ыдыстық материалдар шотында ұйымдағы ыдыс және ыдыстық
материалдардың барлық түрлерінің (шаруашылық құралы ретінде
пайдаланатындардан басқасы), сондай-ақ ыдыстарды өндіріп (жасап) шығаруға,
оларды жөндеуге арналған материалдар мен бөлшектердің кіріске алынуы мен
шығыс етілу есебі жүргізіледі. Жабдықтаушы, өткізуші немесе саудамен
айналысатын кәсіпорындар тауарлар салынған ыдыстарды сатылып алынған
тауарлар шотында есептейді.
Қосалқы бөлшектер деп аталатын шотта ұйымның пайдалануындағы машиналар
мен жабдықтарды, тасымалдау құралдарын және тағы сол сияқтыларды жөндеуге,
мүжілген жерлерін ауыстыруға арналған қосалқы бөлшектердің кірісі мен
шығысы және қалдығы есептеледі.
Басқадай материалдар деп аталатын шотта өндіріс қалдықтары,
түзетілмейтін өндіріс ақаулары, ұйымның өзінде материал, отын немесе
қосалқы бөлшек ретінде пайдалануға жарамайтын есептен шығарылған негізгі
құралдарды бұзғаннан алынған материалдардың, металл сынықтарының есебі
жүргізіледі
Сонымен қатар бұл шотта ауыл шаруашылық кәсіпорындары өз өндірісіне
қажетті тұқымдарды, отырғызылатын көшеттерді, мал азығын дайындаудағы
тыңайтқыштарды, ауыл шаруашылық дақылдарын дайындауда зиянын тигізетін
жәндіктермен күресу үшін пайдаланатын улы химикаттар мен дәрі-дәрмектерді
және тағы да басқа материалдарды есептейді.
Өңдеуге берілген материалдар шотында қайта өндеу үшін басқа ұйымдарға
берілген, келешекте өндеуден алынған бұйымның өзіндік құнының құрамына
кіретін материалдар есептеледі.
Құрылыс материалдары атты шотта тікелей құрылыс салуға және монтаж
жұмыстарына, сондай-ақ құрылыс бөлшектерін дайындауға пайдаланатын
материалдар және құрылыс қажетіне керекті басқадай материалдар есептеледі.

Қоймадағы материалдардың номенклатурасы

Қоймадағы материалдар есебін дұрыс ұйымдастыру үшін материалдар-дың
номенклатуралық тізімі мен баға көрсеткішін дайындаған дұрыс.
Материалдардың номенклатурасы деп өндірісте пайдаланатын
материалдардың белгілі бір түрлеріне олардың аты, сапасы, мөлшері тағы да
басқа көрсеткіштері бойынша жасалған жіктеу тізімін айтады. Номенклатуралық
тізімде әр материалдың дұрыс аты, оған берілген номенклатуралық нөмірі мен
өлшем бірлігі көрсетіледі. Сонымен қатар номенклатуралық тізімде әрбір
материалдың бухгалтерлік есепте есептелетін бағасы көрсетіледі. Сондықтан
номенклатуралық тізімді номенклатуралық баға көрсеткіші деп те атайды.
Кәсіпорындар мен ұйымдарда пайдаланатын материалдар номенклатуралық
тізімде, әдетте белгілі бір өздерінің топтары бойынша және ішкі топтары
аттары, сапалары немесе мөлшерлері бойынша жіктеліп көрсетілуі тиіс. Әрбір
топқа тиісті сан жүйесі яғни шифр белгіленеді. Шифр жүйесіндегі сандық
белгілер саны әрбір топқа жататын материалдар санына байланысты.
Материалдарға берілген шифрлар бұл материалдар жазылған алғашқы құжаттарда,
есеп тіркелімдерінде және әр түрлі кестелерде көрсетілетін болғандықтан,
есеп қызметінің жұмысын жетілдіру үшін сан жүйесінің және оның цифрларының
аз болуы ыңғайлы әрі дұрыс болады. Материалдарға шифрлар тағайындағанда сол
шифрдан материалдың қай шотқа, сондай-ақ қандай аралық шотқа жататынын
көрсететіндей етіп тағайындау керек. Материалдардың номенклатуралық нөмірін
жеті цифрдан құрастыру ыңғайлы болып табылады. Оның алдыңғы үш цифры шоттың
келесі екі цифры қай топқа жататынын көрсетсе, соңғы екі цифры
материалдардың осы топ ішіндегі реттік санын көрсетеді. Номенклатуралық
нөмірді бес саннан да құрастыруға болады. Ол жағдайда оның алдыңғы бірінші
цифры шоттың келесі екі цифры қай топқа жататынын, ал соңғы екі цифры
материалдың топ ішіндегі реттік санын көрсететіндей болып тағайындалуы
керек. Номенклатуралық баға көрсеткіштерінде материалдар өздерінің
статистикалық есеп берудегі қаралған тізімдердегі тәртібі бойынша
топталғаны дұрыс. Номенклатуралық тізімде материалдың әр тобы бойынша
жаңадан алынатын материалдарға бос орын және реттік сан қалдырылады. Егер
бағаларында көп айырмашылық болмаса бір номенклатуралық нөмірге түрлері бір
тектес, бірақ бағасы мен сортында аздап айырмашылығы бар материалдарды
біріктіруге болады. Бұл жағдайда олардың есептеу бағасы орташа бағаға
сәйкес тағайындалады. Материалдарға қойылатын номенклатуралық нөмірі, өлшем
бірлігі ол материалдың барлық кіріс-шығыс құжаттарында, қоймадағы есеп
карточкасында (үлгілі түрі М-17) және материалдық есеп беруде көрсетіледі.
Егер ұйымдарға кейбір материалдар басқа өлшем бірлігімен келіп түссе ондай
материалдар номенклатуралық нөмірде көрсетілген өлшем бірлігі бойынша
қайтадан саналып кіріске алынады. Материалдардың номенкла-туралық баға
көрсеткіші, әсіресе материалдар есебін оперативтік (жедел) қалдық тәсілін
қолдану арқылы жүргізгенде өте тиімді.

1.2 Қоймадағы материалдар қозғалысының есебі және оларды құжаттау
Кәсіпорындар мен ұйымдарда материалдық-техникалық жабдықтармен
қамтамасыз ету жұмысымен арнайы бөлім және мамандар шұғылданады. Олар
ұйым бойынша келер жылы өндірілетін өнім көлеміне қарай белгіленген өлшем
бойьшша өндіріске керек болатын материалдардың көлемін алдын ала анықтап,
жабдықтаушы мекемелермен қажет болатын материалдар көлемі туралы шарт
жасайды. Шартта материалдардың аты, көлемі, бағасы, жеткізіліп берілетін
уақыты көрсетіледі. Кәсіпорындар мен ұйымдардың жабдықтау бөлімі шартта
көрсетілген келісімдердің орындалуын қадағалап отырады. Ол үшін
материалдарды алып келген тасымалдау көлігінің жолдама құжаты, теміржол жүк
құжаты (накладнойы), көліктік жүк құжаты, жабдықтаушыдан келген басқа да
құжаттар алдымен жабдықтау бөліміне табыс етіледі. Бұл жерде, яғни
жабдықтау бөлімінде келген құжатгар М-1 түрлі келген жүкті есептеу
журналына тіркеледі. Одан кейін бұл құжаттарды материалды алып келетін
экспедиторға береді. Сонымен қатар экспедиторға материалдарды алу үшін
сенімхат беріледі. Экспедитор алған жүк құжаттары мен сенімхатты алғаны
үшін М-1 түрлі журналға қол қояды.
Жабдықтау бөлімі келген материалдарды қабылдап алуды да қадағалап
отырады. Ол үшін жоғарыда аталған журналға материалдардың қабылданған
уақыты (күні, айы, жылы) мен ол үшін толтырылған құжаттың атын (үлгілі
түрі) және нөмірін жазады. Жабдықтаушы мекемеден және жүк тасымалдаушы
ұйымдардан материалдарды немесе жүктерді алу үшін кәсіпорыннан
тағайындалған экспедиторға немесе жүкті алатын басқа адамға үлгілі түрі М-2
немесе М-2А сенімхаты беріледі. М-2 түрлі сенімхаты лауазымды адамның
материалдық қорларды қабылдап алуға ұйымның сенімді адамы ретінде қатысу
құқығын рәсімдеу үшін беріледі. Бұл сенімхатты бухгалтерия бір дана етіп
жазады. Сенімхатты алған адам оны алғаны үшін хаттың бухгалтерияда қалған
түбіршегіне қол қояды. Сенімхаттың М-2А түрі жабдықтаушы ұйымдардан
белгіленген мерзім ішіндегі материалды тұрақты алып тұратын экспедиторға
беріледі. М-2А түрлі сенімхат алдын ала нөмірленген барлық парағы арқылы
жіп өткізіп тігілген, және үлгілі түрі М-3 Берілген сенімхаттарды есептеу
журналына тіркелуі керек. Кәсіпорындар мен ұйымдардың экспедитор немесе
басқа да қызметкері сенімхатты алғаны үшін осы журналға қол қояды.
Кейіннен олар осы журналға сенімхатта көрсетілген материалдарды алған
уақытын (күні, айы, жылы), кіріс ету құжатының нөмірін жазады. Қоймаға
қабылданған материалдық қорларға жауапты адам сол күні үлгілі түрі М-4
Кіріс ету ордерін бір дана етіп толтырады.
Жабдықтаушы ұйым тауарлық-материалдық қорларды автомобиль көлігі
арқылы жеткізіп беретін жағдайда жіберілетін материалдарға 4 (төрт) дана
етіліп Тауар-көлік жүкқұжаты (накладной) толтырылады. Оның бірінші данасы
жіберілген материалдарды есептен шығару үшін материалдарды жіберушіде
қалдырылады: екінші, үшінші және төртінші даналары материалдарды жіберуші
(босатушы) ұйымның мөрі (мөртаңбасы) және лауазымды адамдардың қолымен
расталып, сондай-ақ жүкті қабылдап алғаны жайлы көлікті жүргізушінің қолы
қойылып жүргізушіге тапсырылады.
Жүргізуші тауар-көлік жүк құжатының екінші данасын материалдарды
қабылдап алушы ұйымға тапсырады. Бұл құжаттың негізінде ұйым келген
материалдарды кіріске алады.
Құжаттың үшінші және төртінші даналары материалдарды қабылдап алғанын
растайтын қүжат ретінде ұйымның мөрі (мөртаңбасы) басылып және тиісті
адамдардың қолдары қойылып, жүкті тасымалдаушы автомобиль көлігі тіркелген
ұйымға тапсырылады.
Кейіннен ол құжаттың үшінші данасы материалдық құндылықтарды
тасымалдауға тапсырыс берген ұйымға тасымалдау құнын төлеуге табыс етілетін
шотқа негіздеме ретінде қосылып беріледі.
Құжаттың төртінші данасы автомобиль көлігінің жол қағазына (путевой
лист) тіркеліп, жүргізушіге еңбекақы және автомобиль көлігінің атқарған
жұмысьша сәйкес түрлі есептеулер есептеу үшін пайдаланылады.
Егер келіп түскен материалдардың нақты саны, көлемі, сапасы онымен
келген құжаттағы дерекке сәйкес келмесе үлгілі түрі М-7 қабылдау актісі
жасалынады. Сонымен қатар үлгілі түрлі М-7 қабылдау актісі жіберу
құжатынсыз келген материалдарға да толтырылады. Бұл акт екі дана етіліп
міндетті түрде материалдарды қабылдап алған кісінің және материалдарды
жіберген жабдықтаушы кәсіпорын өкілінің қатысуымен, егер де жабдықтаушы
ұйымның өкілі болмаған (келмеген) жағдайда бұл ұйымға ешқандай қатысы
(мүдделілігі) жоқ ұйым өкілінің (адамның) қатысуымен жасалады.
Материалдарды қабылдап болғаннан кейін бұл актінің бір данасы
материалдармен бірге келген жөнелтпе құжатымен бірге қабылданған
материалдарды есепке алу үшін ұйымның бухгалтериясына, ал екінші данасы
кәсіпорынның жабдықтау бөліміне келіп түскен материалдардың
жетіспейтіндігін жабдықтаушы ұйымға хабарлау үшін табыс етеді. Кәсіпорындар
мен ұйымдарға жаңылыс келіп түскен немесе ұйымның алудан бас тартқан
материалдары уақытша қабылданып, бәлек жиналады. Ондай материалдар үлгілі
түрі М-4 Кіріс ету ордері бойынша қабылданып, ба-ланс сыртындағы Уақытша
сақтауда тұрған материалдық қорлар деп аталатын шотта есептелінеді.
Материалдар кәсіпорындар мен ұйымдардың ішіндегі цехтарына,
бөлімшелеріне, өзінің аумағы (территориясы) сыртындағы шаруашылықтарына,
сондай-ақ басқа ұйымдарға үлгілі түрі М-15 А материалдарды босату (ішкі
ауыстыруды) Талап ету жүк құжаты бойынша босатылады.
Материалдарды босату (ішкі ауыстыруды) Талап ету жүк құжаты екі дана
етіліп жазылып, оған бас бухгалтердің немесе ол сенім білдірген тұлғаның
қолы қойылуы арқылы шешіледі.
Егер материалдар қоймадан кәсіпорынның өзінің шаруашылықгарына
(цехтарына, бөлімшелеріне) босатылатын жағдайда үлгілі түрі М-15А
материалдарды босатуды (ішкі ауыстыруды) Талап ету жүк құжатының бір
данасы материалдарды алушыға беріледі де, ал екінші данасы қоймада
қалдырылып, кейіннен бухгалтерияға табыс етіледі. Бұл жағдайда толтырылатын
құжаттарды материалдарды босататын қойманың (цехтың) сол материалдарға
жауапты тұлғасы толтырады.
Үйлерді, ғимараттарды, құрылыстарды бұзғаннан, бөлшектегеннен алынатын
іске жарамды материалдарды кіріске алу үшін үлгілі түрі М-35 санды акт
толтырылады.
Кәсіпорындар мен ұйымдардың өндірісінде жиі пайдаланылатын материалдық
құндылықтар үшін толтырылатын талап ету қағаздарының санын кемітіп, есеп
жұмысын жеңілдету үшін және материалдарды өндіріске босату лимитінің
сақталуына ағымдағы бақылау жүргізу үшін шектеулі-заборлық (шектеу
карталары) карталарды қолдануға болады. Шектеулі-заборлық картаның үлгілі
түрі М-8 бойынша ұйымның қоймасынан босатылатын материалдардың санын
(көлемін), ол материалдар арқылы өндірілетін өнімнің және оның біреуіне
жұмсалатын материалдардың көлеміне қарап экономикалық жоспарлау бөлімі
есептеп шығарады. Шекгеулі-заборлық карта бойынша материалдар онда
көрсетілген мөлшер шегінде (бойынша) ғана босатылады. Онда қаралған
материалдардан артық өндіріске керек болған материалдар бөлек талап ету
қағазы бойынша босатылады. Шектеулі-заборлық картаның негізіне сүйене
отырып, өндіріске босатылатын материалдарды қойманың есебінен шығарады.
Шекгеулі-заборлык карта қоймадан бір ай бойы босатылатын материалдарға жаса-
лынады. Бұл картада шығарылатын өнімнің, шығынның немесе тапсырыстың коды
көрсетілуі тиіс. Шектеулі-заборлық картаның бір данасы жаңа айдың басына
дейін материалдарды алатын цехқа немесе бөлімшеге, ал екінші данасы
материалдарды босататын қоймаға табыс етіледі. Материалдар қоймадан
өндіріске цехтың өкілі өзіндегі шектеулі-заборлық картаны әкелгенде ғана
босатылады.
Қоймашы шектеулі-заборлық картаның екі данасына да материалдардың
босатылған уақыты (күні, айы, жылы) мен олардың санын номенклатуралық
нөмірі бойынша жазады. Содан кейін шектеулі-заборлық картаның цехтағы
данасына қоймашы, ал қоймадағы данасына цех басшысы немесе оның өкілі қол
қояды. Материалдарды есептеуге осы күнгі санайтын машиналар пайдаланылған
жағдайда толтырылатын алғашқы құжаттардың санын азайту үшін қоймадан
босатылатын материалдарды тікелей қойманың карточкасына жазу жүйесі де
қолдануға болады. Бұл жағдайда материалдарды қоймадан босатуға ешқандай
құжат жазылмайды. Шектеулі-заборлық картаға барлық бір дана болып жазылатын
бухгалтерлік құжаттар негізделініп жасалады. Материалдарды босату лимитін
қоймадағы картаның өзінде де көрсетуге болады. Бұл карточканың үлгілі түрі
- М-17. Цехтың өкілі материалдарды алған кезде қоймашының есептеу
карточкасына қол қояды да, ал қоймашы цехтың шектеулі-заборлық карточкасына
қол қояды. Сондай-ақ шектеулі-заборлық карточкада өндірісте пайдаланылмай
қоймаға қайтарылып берілген материалдар да есептелінеді. Қоймадағы есеп
карточкасына материалдардың әрбір номенклатуралық нөмірі бойынша
босатылғаны, қоймада қалғаны, материалдарды цехқа әрбір босатқан уақыт
сайын немесе шектеулі-заборлық картаны жапқаннан кейін, бірақ келесі айдың
біріне дейін жазылып отырылуы тиіс. Бұл жағдайда шектеулі-заборлык картаны
қоймалық есептің тиісті карточкаларымен бірге сақтау керек. Лимитті
пайдаланып болғаннан кейін қоймадағы шекгеулі-заборлық картаның қорытынды
дерегі шектеулі-заборлық картаның цехтағы данасымен салыстырылады. Егер бұл
шектеулі-заборлық картадағы деректер өзара сәйкес болса, екі жақтың
өкілдері, яғни қоймашы мен цех өкілі деректердің дұрыстығын мақұлдап қол
қояды.
Айдың аяғында шектеулі-заборлық картада керсетілген мате-риалдардың
пайдаланылған-пайдаланылмағанына қарамастан барлық шекгеулі-заборлық
карталар бухгалтерияға тапсырылады.
Құрылыс ұйымдарында көбіне шектеулі-заборлық картаның М-28 және М-28А
нөмірлі үлгілі түрлері қолданылады. Үлгілі түрі М-28 нөмірлі шектеулі-
заборлық карта материалдарды салынып жатқан құрылысқа ол құрылыс
басталғаннан бастап, аяқталғанға дейін босатуға арналған. Шектеулі-заборлық
картаның бұл түрі құрылыс жұмысын жүргізуші прорабтар немесе мастерлер тағы
да басқа жұмыс жүргізушілердің біреуінде болады. Сонымен қатар ай сайын
үлгілі түрі М-28 шектеулі-заборлық карта жазылады да, ол қоймада
сақталынады. Материалдарды қоймадан босатқанда қоймашы үлгілі түрі М-28А
шектеулі-заборлық картаға қол қояды, ал материалдарды қабылдап алушы
құрылыс бөлімінің өкілі үлгілі түрі М-28А шектеулі-заборлық картаға қол
қояды. Айдың аяғында жұмыс жүргізуші мастер, прораб пайдаланылмаған
материалдарға түгендеу жүргізіп, оның нәтижесі бойынша үлгілі түрі М-28
түрлі шектеулі-заборлық картадағы 14 бағанды (графаны) толтырады. Ай бойы
нақтылы пайдаланылған материалдар санының көлемі карточканың әрбір жолы
бойынша алынған материалдардан қоймаға қайтадан тапсырылған материалдармен
оның айдың аяғында пайдаланылмай қалған қалдығын алып тастау арқылы
табылады. Қоймашы мен жұмыс жүргізуші тиісті жазулары жазылып дайын болған
шектеулі-заборлық картаны алғашқы құжаттармен бірге материалдар жайында
берілетін есепке тіркеп, бухгалтерияға тапсырады. Бухгалтерияда қойманың
берген есебі бойынша жұмсалған, өндіріске босатылған материалдардың есептен
дұрыс шығарылуы тексеріледі. Сонымен қатар үлгілі түрі М-28 түрлі шектеулі-
заборлық карта арқылы әрбір объекті бойынша құрылыс басталғаннан бастап
жұмсалынған материалдар жайлы деректер анықталады. Салынып бітпеген
объектінің шектеулі-заборлық кар-тасы жұмыс жүргізушіге қайтарылып
беріледі. Шектеулі-заборлық картаның М-28А нөмірлі үлгілі түрі
материалдарды орталық қоймадан немесе құрылыс бөлімшесінің қоймасынан
құрылыс объектілеріне бір ай бойы уақыт аралығында босатуға арналған.
Шектеулі-заборлық картаның үлгілі түрі М-28 және М-28А санды нөмірлерінің
ішіне материалдардың ай бойы босату санына қарап, қосымша парақ тігуге де
болады. Шектеулі-заборлық карта бойынша материалдарды әрбір босатқан сайын
пайдаланбағаннан қалған қалдығы шығарылып отырылады. Егер материалдар
шектеулі-заборлық картада көрсетілгеннен артық мөлшерде керек болса, ондай
материалдарға үлгілі түрі М-10 санды Материалдарды ауыстыруды (қосымша
босату) талап ету актісі толтырылады. Шектеулі-заборлық картада
көрсетілгеннен артық керек болған материалдар үшін немесе бір
материалдардың орнына екінші бір материалдарды алу немесе пайдалану керек
болған жағдайда кәсіпорын басшысының немесе оның өкілетті қызметкерінің
рұқсаты болуы керек. Мұндай материалдарға да жоғарыда айтылған үлгілі түрі
М-10 түрлі Материалдарды ауыстыруды (қосымша босату) талап ету актісі
толтырылады. Сонымен материалдарды өндіріске лимит бойынша босату кәсіпорын
басшысының өндірісте болып жатқан кемшіліктерді уақтылы білуіне мүмкіндік
береді. Кәсіпорындар мен ұйымдардың ішінде құ-рылыспен айналысатын өндіріс
орындарында ашық қоймаларда сақталынатын материалдар көп пайдаланылады
(құм, тас, қиыршық, кірпіш және т.б). Бұлар қоймашының жауапкершілігінде
далада сақталынады. Олардың әр құрылыс бөлігіне берілетіндері бойынша бөлек
сақтағаны дұрыс. Мұндай материалдарды талап ету қағазы бойынша босатады. Ай
сайын олардың қалдық көлемін өлшеу арқылы құрылысқа босатылған
материалдардың көлемі, мөлшері анықталады. Ол үшін айдың аяғында түгендеу
жүргізіп материалдардың ай бойы талап ету қағазы бойынша босатылғанның саны
мен көлемін нақтылы пайдаланылған материалдардың санымен салыстырып отыру
керек. Көп жағдайларда ашық жерде сақталынатын материалдарды өлшеп тұруға
мүмкіндік болмайды. Сондықтан да оларды тікелей құрылыс салынып жатқан
объектіге түсіреді де, пайдаланғаннан қалған қалдығын өлшеу аркылы көлемін
біледі.

1.3 Қоймадағы материалдық қорлар бухгалтерлік есепте мына әдістері
Материалдық қорлар бухгалтерлік есепте мына әдістер негізінде
бағаланады:
1. Арнайы сәйкестіртген есептеу әдісі
2. Орташа өзіндік құнын есептеу әдісі
3. ФИФО әдісі
4. ЛИФО әдісі
Арнайы сәйкестірілген есептеу әдісі
Арнайы сәйкестірілген есептеу әдісі әдетте бірімен-бірін алмастыруға
болмайтын немесе кәсіпорында ерекше тәртіппен пайдаланылатын (асыл
металдардың, асыл тастардың және т.б.) нақтылы бір материалдық қорлардың
бағасын есептеуге арналған. Бұл әдіс жұмсалған материалдар мен істелген
жұмыстардың бұл есептеу әдісі сатылып алынғанына немесе кәсіпорынның өзінде
өндірілгеніне қарамастан арнаулы жоспарлауға арналған материалдардың
өзіндік құнын есептеуге арналған.
Орташа өзіндік құнын есептеу әдісі
Орташа өзіндік құнын есептеу әдісі бойынша кәсіпорынға кіріске алынған
әрбір материалдық қорлардың бағасы олардың кіріске алынғандағы шоты бойынша
бағасын анықтау мүмкін болмаған жағдайда жүргізіледі. Материалдық қорлар
тобының (түрінің) орташа өзіндік құны ұйымдағы материалдардың есепті айдың
басындағы қалған қалдығының құнымен ай бойы кіріске алынған материалдар
құнының жиынтығын (қосындысын) мате-риалдардың ай басындағы сандарының
қалдығымен ай бойы кіріске алынған тиісті материалдардың сандарының
қосындысына бөлу арқылы анықталады.
ФИФО әдісі
ФИФО есептен шығарылған материалдық қорларды олардың алғашқы кезекте
кіріске алынғандарының өзіндік құны бойынша бағалау әдісі болып табылады.
Бұл әдіс қағидасы бойынша материалдық қорлардың бірінші кезекте кіріске
алынғаны алғашқы болып, яғни бірінші кезекте шығыс етіледі деп
жорамалданады. Басқаша айтатын болсақ, барлық келіп кіріске алынған
материалдар бірінен соң бірі кіріске алынғандағы кезегі бойынша шығыс
етіледі деп есептелінеді. Бұл жағдайда ай соңында кәсіпорынның қоймасында
қалған материалдардың езіндік құны соңғы кіріске алынған материалдардың
бағасымен бағаланады.
ЛИФО әдісі кәсіпорынға ең соңғы кезекте кіріске алынған материалдар
тобы бірінші болып шығыс етіледі немесе жұмсалады деген қағидаға
негізделген, яғни алғашқы жұмсалатын немесе шығыс етілетін материалдар
кәсіпорынға ең соңғы кіріске алынған материалдардың тиісті өзіндік құны
бойынша бағаланады. Ал ай соңында кәсіпорында қалған материалдар алғашқы
кіріске алынған материалдардың өзіндік құны бойынша бағаланады.
Өндіріске босатылған және материалдардың қоймадағы қалдықтары ФИФО және
ЛИФО әдістері бойынша мына түрде есептелінеді. Мысалы: А - түрлі
материалдар тобы Кесте 1.3.1
Саны (дана)Бағасы Сомасы
(теңге) (теңге)
А) Қаңтар айының бірінші
жұлдызына кәсіпорынның 50 100 5000
қоймасындағы материалдардың
қалдығы
Қаңтар айында кіріске алынған материалдық қорлар
1-топтамада 100 110 11000
2-топтамада 80 120 9600
3-топтамада 90 130 11700
4-топтамада 100 140 14000
5-топтамада 70 150 10500
Кіріске алынған материаддық қорлардың жиыны
440 --- 56800
Бастапқы қалдық пен қоса есептегендегі қалдығы
490 --- 61800
Ай бойы материалдық корлардың шығыс етілгені
ФИФО әдісімен бағалағанда 250 28200
ЛИФО әдісімен бағалағанда 250 34900
Ай соңындағы материалдық қорлардың қалдығы
ФИФО әдісімен бағалағанда 240 33600
ЛИФО әдісімен бағалағанда 240 26900

Бұл кестеден көріп отырғанымыздай шығыс етілген 250 дана материалдық
қорлардың құны былайша есептелінеді.
ФИФО әдісі бойынша:
Бірінші кіріс етілгендер, соның ішінде: айдың басындағы кәсіпорынның
қоймасындағы материалдардың қалдық саны 50 дана сомасы 5000 теңге, бірінші
топтамада кіріске алынғаны 100 дана сомасы 11000 теңге, екінші топтамада
кіріске алынғаны 80 дана сомасы 9600 теңге, үшінші топтамада кіріске
алынған материалдардың тек қана 20 данасы сомасы 2600 теңге шығыс етіледі.
Барлығы 250 (50+100+80+20) дана, сомасы 28200 (5000+11000+ +9600+2600)
теңгенің материалдары.

1.4 Қоймадағы материалдық қорларды түгендеу
Тауарлы-материалдық кұндылықтарды түгелдеу – меншіктің сақталуын,
құндылықтардың сапалы күйін, олардың қоймалық және бухгалтерлік есепке
алынуын қамтамасыз ететін бақылаудың бір тәсілі. Оны меншік нысанына,
қызмет түріне және жұмыстың режимділігіне қарамастан барлық ұйымдар мен
кәсіпорындарда жүргізеді. Түгелдеу комиссиясы тауарлы-материалдық
құндылықтардың түгелдеу тізімін жасайды. Түгелдеу тізімі тауарлы-
материалдык құндылықтардың (шикізаттың, материалдардың, дайын өнімнің және
басқалардың) нақты қолда барын көрсету үшін қолданылады. Түгелдеу тізімін
комиссия материалдық құндылықтарды әрбір тұрған орны мен материалдық
жағынан жауапты тұлғалары бойынша жүргізіледі. Түгелдеу басталғаннан бұрын
әрбір материалдық жағынан жауапты адамнан қолхат алынады, ол үлгінің бас
жақ бөлігінде көрсетілген. Тауарлы-материалдық құндылықтар түгелдеу
тізіміне әрбір жеке атау бойынша номенклатуралық нөмірі, түрі, тобы,
артикулы, сорты және саны көрсетіледі. Түгелдеу кезінде анықталған жарамсыз
немесе бүлінген материалдар мен дайын өнімдерге тиісті актілер жасалады.
Нысанның соңғы бетінде комиссия төрағасының қолын қояр алдында тауарлы-
материалдық құндылықтарды түгелдеу кезінде қозғалысқа түскен жағдайда
құжаттардың соңғы нөмірлерін жазу үшін екі бос жол қалдырылады.
Егер кем шыққан материалдар түгелдеу барысында табылса, онда оны
тізімге енгізеді.
Белгіленген тәртіппен рәсімделгеннен кейін түгелдеу тізімін салыстыру
тізімімен салыстыру үшін бухгалтерияға беріледі.
Түгелдеу нәтижелерін бухгалтерияда мынадай тәртіппен реттейді:
- артық қалдықтар мен жетіспеушіліктің өзара есебі (зачеты) Материалдар
бөлімі шоттарының дебеті мен кредиті бойынша бейнелейді;
- артық болып шыққан құндылықтар кірістелуі тиіс және олардың пайда болу
себептері мен кінәлі тұлғалары ашылады; артылып қалған құндылықтардың
сомасына Материалдар бөлімшесінің шоттары (1310-1317) дебеттеліп,
Негізгі емес қызметтен алынатын басқа табыстар, яғни 6280-шот
кредиттеледі. Құндылықтардың жетіспеушілігі, зияны мен бүліну сомасына 2160
Басқа дебиторлық қарыздар шотының, Құндылықтардың бүлінуінен болған
жетіспеушіліктер мен зиян деген аралық шот дебеттеліп, 20-шы Материалдар
ішкі ... жалғасы

Сіз бұл жұмысты біздің қосымшамыз арқылы толығымен тегін көре аласыз.
Ұқсас жұмыстар
Материалдардың қоймадағы есебі
Материалдық қорлар
Материалдық құндылықтардың қоймадағы есебі
Қорлар жайлы түсінік
Материалдардың номенклатурасы
Материалдық қорлардың қозғалысын құжаттау
Тауарлық-материалдық қорлар жайлы
Тауарлық-материалдық қорлар жайлы тусінік туралы ақпарат
Тауарлы-материалдық қорлардың бухгалтериядағы есебі
Тауарлық-материалдық қорлар есебінің теориялық негізі
Пәндер