Электржарақаты кезіндегі алғашқы медициналық көмек

Электржарақаты кезіндегі алғашқы медициналық жәрдем және осы кездегі қауіпсіздік ережелерін сақтаған кезде адам өмірін арашалай аламыз.
Электржарақаты– найзағай немесе жоғарғы кернеулі электр тогы әсер етуі кезінде пайда болған электр тогымен зақымдалу. 100 В-тан жоғары кернеулі ток әсері қауіпті, ал 500 В-тан жоғары ток әсері апатқа соғады деп есептелінеді.
Электржарақаттың жиі кездесетін себептері – қауіпсіздік техникасы ережелерін және жеке қорғану ережелерін сақтамау, электр құралдарының, аппараттардың істен шығуы. Бірқатар жағдайлар – терінің ылғалдылығы, су киім немесе аяқ киім, шаршау, жүдеу зақымдануға себепші болады. Ток әсері нәтижесінде ауырлығы жағынан әр түрлі термикалық (күйіктер) тіндердің химиялық және механикалық зақымдалуы болады.
Токпен жарақаттану белгілері:
– жалпы құбылыстарға: естен тану, артериялық қан қысымының төмендеуі, есінен айырылу, тыныс алудың тоқтауы, шок, құрысып қалу, сол болып қалу;
– арагіздік белгілерге: термикалық күйік түріне (көбіне үшінші дәрежелі) тіндердің бұзылуы, терідегі тармақталған ағаш түріндегі қызыл немесе ақ сұр түсті жолақтар түріндегі ток белгісі немесе найзағай белгісі. Токпен ауыр жарақатттанғанда адам жүректің сол болып қалуынан дереу өліп кетуі мүмкін. Бірақ көбінесе клиникалық өлім байқалады.
Шұғыл көмек оқиға болған орында көрсетіледі және ол өмірге қауіп төндіретін құбылыстарды жоюға бағытталуы тиіс. Медициналық жәрдем көрсеткен кезде токты ажыратып, зардап шегушіні ток көзінен абайлап айыру керек. Зардап шегушіні электр сымынан босатқан кезде көмек көрсетуші өз қауіпсіздігін қамтамасыз етуі тиіс – қолға резинка қолғап киуі, резиналанған материалмен немесе матамен орау қажет. Резина аяқ киім кию немесе құрғақ тақтай, әйнек үстіне тұру болмаса құрғақ таяқша пайдалану керек.