Web-қосымшаларын құру технологиялары

HTML (HyperText Markup Language) тілі – бұл гипермәтінді белгілеу тілі. Бұл тілде компьютердің программалық және ақпараттық қамтуларының айырмашылықтарын ойламайтындай құжат құруға болатындай жасалынған. HTML технологиясы кәдімгі мәтіндік құжатқа басқарушы символдар (тэги – tage) орналасқан құрылымнан тұрады. Тэгтер мәтінінің өлшемін, сызылымын, түсін, мәтіннің орналасуын, беттегі графикалық бейнені, жасанды қозғалысты, дыбыс, видео енгізу мүмкіндігін береді, сонымен қатар, осындай Web-беттермен мағыналы байланыс орнатады. Web-бет браузерде HTML тэгі арқылы берілген түрде қарастырылады. Мұндай Web-бетті HTML-файл деп атаймыз. HTML-файлының кеңейтілуі .htm немесе .html.
HTML-файлдарының жетістігі:
• Аз ақпараттық көлем;
• Кез келген дербес компьютерден көру мүмкіндігі;
• Интерактивтілігі.

HTML гипермәтінінің тіл белгілеу дамуы жалғасуда. Осылайша DHTML (Dynamic HTML), XML, VRML және т.б. тілдер пайда болды.
Белгілеуі кеңейтілген XML (Extensible Markup Language) тілі HTML гипермәтін белгілеуінің кеңейтілуі болып табылады, сондай-ақ кеңейтілген басқарушы символдарды енгізу мүмкіндігі және де құжаттың дұрыстығын тексеру мүмкіндігі бар. Виртуалды шынайы тіл VRML (Virtual Reality Modeling Language) HTML гипермәтін тілінің белгілеуімен құрылған, ол көлемі 3D-графикті пайдалану мүмкіндігін береді.
Құрылымдық тэгтер
HTML тілінің командасы – тэг деп аталады. Тэг – ол браузерге тэг ішінде орналасқан мәтіндегі бейнелеуді көрсететін басқарушы символ. Тэг «кіші» (<) белгісінен басталады және «үлкен (>) белгісімен аяқталады (). Тэг жазылуында бас және кіші әріптердің айырмашылықтары болмайды. Тэгтер жұп және жұп емес болады. Жұп тэг тек ашылатын және слэш символымен жабылатын тэгтерді қамтиды. Жұп емес тэг тек ашылатын тэгті қамтиды. Жұп тэг ашылатын тэгтің басынан жабылатын тэгтің арасындағы мәтінге әсер етеді.
Тэгтер: құрылымдық, абзацты форматтау, символдар, гипермәтінді анықтау, графиканы қою, тізім құру және сол сияқтылар болады.