«Қазақстанның болашағы – қазақ тілінде»

2008 жылдың 15 сәуірінде Шығыс Қазақстан облысының тілдерді дамытыту жөніндегі басқармасы «Жексенбілік мектеп тыңдаушыларының мемлекеттік тілді меңгеруі: концептуалды жолдар және дидактикалық мүмкіндіктер» атты “дөңгелек үстел” отырысын өткізді. Оның негізгі мақсаты - Қазақстан Республикасы Президентінің 2006 жылғы 23 қазандағы Қазақстан халқы Ассамблеясының ХII сессиясында мемлекеттік тіл саясатын одан әрі жетілдіру бойынша Қазақстан Республикасының Үкіметіне берген тапсырмаларын жүзеге асыру жөніндегі Үкіметтің 2006 жылғы 28 қазандағы №1025 қаулысының орындалу жайына талдау жасап, ұлттық - мәдени орталықтардың жексенбілік мектептерінде мемлекеттік тілді оқытуды жақсарту шараларын белгілеу болды.
«Дөңгелек үстел» отырысына ұлттық-мәдени орталықтардың, саяси партиялар мен қоғамдық бірлестіктердің жетекшілері, мемлекеттік органдардың және бұқаралық ақпарат құралдарының өкілдері қатысты.
«Дөңгелек үстел» мәжілісін Шығыс Қазақстан облысының тілдерді дамыту жөніндегі басқармасының бастығы Манарбек Әзімбекұлы Мұхамеджанов ашып, жүргізді. Талқылауға ұсынылған мәселе бойынша Шығыс Қазақстан халқы Кіші Ассамблеясының атқарушы хатшылығының меңгерушісі А.Рукин, С.Аманжолов атындағы ШҚМУ-дың біліктілікті арттыру институтының директоры, педагогика ғылымының кандидаты, доцент Ғ.Тоқтарова, ішкі саясат басқармасы бастығының орынбасары А.Турищев, Семей қаласының мәдениет және тілдерді дамыту бөлімі меңгерушісінің орынбасары А.Самаев, «Нұр Отан» ХДП облыстық бөлімшесі төрағасының орынбасары С.Әубәкіров, Өскемен қаласындағы білім беру бөлімінің бас маманы Н.Сатыбалдина, «Квансон» колледжінің директоры, Достық үйі кеңесінің төрағасы Н. Кан, Өскемен қаласының «Возрождение» мектебінің қазақ тілі пәнінің мұғалімі Ә. Айтуғанова, Шемонаиха ауданындағы Первомайка оқу-өндірістік комбинатының директоры Г.Қасиманова, Риддер қаласындағы «Шаңырақ» көп салалы мектеп-гимназиясы оқу бөлімінің меңгерушісі С.Мұздапарова ойларын ортаға салды.