Қоршаған орта ластаушыларының көздері

Адамның тіршілігінде қоршаған ортаның ластануы ерекше орын алады. Бір немесе бірнеше ластаушы заттар немесе олардың қоспалары белгілі бір мөлшерде қоршаған ортаға түсіп және ұзақ сақталса,ол адамға,жануарға,өсімдіктерге үлкен қауіп туғызады.
Қоршаған ортаның ластануы ластаушы заттардың көзі мен олармен байланысты факторлардың әсерінен болады. Жалпы, қоршаған орта екі түрлі жолмен ластанады: табиғи және антропогенді.
Табиғи ластаушы заттардың көзі болып табылады:
 Космохимиялық (фотохимиялық процестер,шаңды борандар немесе желдер)
 Вулкандық құбылыстар
 Геохимиялық процестер(жердің беткі қабатындағы Озон,SO2,ауыр металдар,H2S,NO2,CO,табиғи радиациялық фон,полициклді ароматикалық көмірсулар-табиғи концарогенді заттардың көзі ретінде,ормандағы өрттер және т.б.)
 Биотикалық процестер(гуминді заттар, өзендердің табиғи эвтрофикациясы).
Өзендердің эфтрофикациясы кезінде болатын табиғи биологиялық процестер әсерінен токсинді заттар қоршаған ортаға түседі. Сонымен қатар, қоректік заттардың көбеюінен (немесе мөлшерінің артуынан) суқоймаларда тозуы байқалады,цианобактериялардың өсуі күшейеді, судағы еріген оттегінің түсу және пайдалану кезіндегі балансы бұзылады,осының салдарынан суқойманың түбінде тотықсыздандырғыш анаэробты жағдай түзіледі.
Цианобактериялардың шектен тыс бөлінуі әрі қарай токсин бөлінуімен жалғасуы мүмкін. Зең саңырауқұлақтардың токсиндері қоршаған ортаға кері әсерін тигізеді. Алкалоидтар мен басқада қосылыстардың да консерогендік және токсикалық әсері бар. Споралы саңырауқұлақтық микотоксині-алкалоидтар және Asperdillus niger зең саңырауқұлағынан түзілетін Bi афлатоксині дәнді-дақылдардың паразиттері болып табылады. Микотоксиндер қоректік тізбек бойынша айналады, сонымен қатар, ластаушылар ретінде микотоксиндер емес, олардың өнімдері болады,яғни топырақта таралған өнімдері: жоғары сатыдағы өсімдіктердің тамырында активті түрінде және спора түрінде кездеседі.
Жемнің құрамында микотоксиндер көп болғанда, жануар мен құстардың организміне түсіп,сүт,ет және басқада азық-түлік өнімдерін ластауы мүмкін.
Ауыр металдардың экожүйеге түсуінің бір себебе,табиғи биологиялық процестер болып табылады. Мысалы,сынаптың түсуі, микробиологиялық процестер кезінде белгілі бөлігі атмосферада ұшқыш органикалық қосылыс формасында болады.