Оқушыларды ұлттық құндылықтарды құрметтеуге тәрбиелеу жолдары

Ел басшысы Н.Ә. Назарбаев "Ғасырлар тоғысында" ғылыми -теориялық еңбегінде " Тәрбиенің түп мақсаты -қоғамның нарықтық қарым-қатынасқа көшу кезінде саяси-экономикалық және рухани дағдарыстарды жеңіп шыға алатын, XXІ ғасырды құрушы іскер, өмірге икемделген, жан-жақты мәдениетті, жеке тұлғаны тәрбиелеп, қалыптастыру" деген тұжырым жасаған.
Тәуелсіздікке қол жетіп қаз тұрған Қазақстан мемлекетінің ертеңгі болашағы бүгінгі ұрпақ тәрбиесіне тікелей байланысты. Ал, қазіргі кезде қоғамда болып жатқан тарихи-әлеуметтік өзгерістер, ғылымдағы жаңалықтар бүгінгі ұрпақ тәрбиесіне жаңаша көзқараспен қарауды қажет етеді.
Бүгінгі таңда жас ұрпақтың бойына өз халқының тарихын, тегін, салт-дәстүрін, тіл-білімін, адамзаттық мәдениетті, адами қасиеттерді, ұлттық құндылықтарды терең түсінетін шығармашылық тұлға етіп тәрбиелеу өмір талабы, қоғам қажеттілігі. Осы орайда тәрбие іс-шаралары арқылы оқушы тұлғасына ұлттық құндылық қасиеттерді қалыптастырып, оны құрметтеуге тәрбиелеудің маңызы ерекше.
Қазіргі жағдайда қоғамда болып жатқан өзгерістерді терең тану, оның рухани дамуының дәрежесін айқындау, халқымыздың дәстүрлі мұраларынан сусындай отырып, өзі өмір сүріп жатқан қоғамның даму үрдісіне елеулі үлес қоса алатын, оқушының жеке тұлға болып қалыптасуы үшін - қоғамдық сананың, адамның тұрмыс тіршілігінің барлық түрлерінен, ұлттық құндылық қасиеттер мен оны құрметтеу мәселесі бойынша хабардар болуы керек.
Адам бойына жақсы адамгершілік қасиеттерінің қалыптасуына, өнер-білімді игеруі- тәрбиеге, өскен ортаға, үлгі-өнеге берер ұстазына байланысты. Осыны жақсы түсінген халқымыз “Ұстазы жақсының - ұстамы жақсы”, “Тәрбие басы – тал бесі” деп ұлағатты ұстаздың еңбегін текке кетпейтіндей өсиет еткен. Тәрбиенің түп қазығы үлгі берер ұстазда, “Ұстазға қарап шәкірт өсер” деп халқымыз ұстазға үлкен жүк артқан. Ұстаз үшін өз еңбегінің жемісін көруден артық бақыт жоқ.
Қазіргі таңда тәлімгер ұстаз оқушылардың тәрбие жұмысын ұйымдастырушы болып табылады. Оған негізінен мынандай үш түрлі басты міндет жүктеледі:
1. Тәрбие жұмысын үйлестіріп отыру;
2. Сыныпта оқушылармен бүкіл тәрбие жұмысын ұйымдастырып, оған бағыт беру;
3. Мектеппен отбасының байланысын жасау- деп қарастырған.
Педагогика ғылымдарында сынып жетекшісі жұмыстарынның ғылыми негіздерін Н.И. Болдырев, Н.В. Кузьмин, В.А. Сластенин, Л.Ф. Спирин, Н.М. Таланчук т.б. ғалымдар қарастырса, отандық ғалымдардан Б.А. Ақназаров, Н.Д. Хмель, Т.С. Сабыров, К.Ж. Қожахметова т.б. педагог еңбектерінен орын алған. Әлде де сынып жетекшісінің қызметін заман талабына сай жаңарту –заңды құбылыс.

1. Қожахметова К.Ж. Мектептің ұлттық тәрбие жүйесі: Теория және практика –Алматы: РБК, 1997, 242 б.
2. Асанов Ж. Сынып жетекшілері мен кураторлар жұмысын этнопедагогикалық негізде жүргізу әдістемесі // Этнопедагогика.-2005/04 С. 52-58.
3. Жарықбаев Қ.Б., Қалиев С. Қазақ тәлім-тәрбиесі / Оқу құралы –Алматы: Санат, 1995, 352 б.