А.С.Пушкин көшесі

Енді міне А.С.Пушкин көшесімен танысайық. Бұл көшенің де өзіндік тарихы бар. А.С. Пушкин (1799-1837) – орыстың ұлы ақыны. Ол Мәскеуде дүниеге келген. Оның «Евгений Онегин», «Руслан и Людмила » атты поэмаларын және т.б. көркем туындыларын әлі күнге дейін халық сүйіп оқиды. 1899 жылдан бастап, яғни Пушкиннің 100 жылдығына арнап, көше аты берілген. Көшенің ескі аты – Бульварная. Бұл көшенің жалпы ұзындығы 7800метрді құрайды. Алмалы, Әуезов, Медеу аудандаоын қиып өтеді. Пушкин көшесімен бет алатын болсақ, мұндағы зәулім ғимараттарының бірі – Орталық мешіт. Бұл мешіт ғимаратын өткен ғасырда аты беймәлім бір азамат өз қаражатына салдырған. Бұл мешіт порталды күмбезді, әрі мұнаралы құрылыс үлгісіне жатады. Алдыңғы жағы әсем безендірілген аркалы портал, төрт бұрышында төрт мұнара, қырлы және дөңгелек өос барабан үстінен шығарылған көгілдір түсті үлкен күмбез және порталдың оң жағынан азан шақыратын дербес биік мұнарасы бар. Ішкі көріністері ұлттық ою-орнектермен және арабша жазу нақыштарымен безендірілген. Қазір алматылықтар үшін бұл мешіттің маңызы зор.
Пушкин көшесімен жүріп келіп, біз «Орталық Көкбазарды» көреміз. Орталық Азия мен Қазақстанның сауда орны болып табылған бұл үлкен базардың ауданы – 3,8 гектар. Жаздың 700сауда орны мен қысқы 900 орны бар нарық сауда түрінің барлығымен айналысып, кооперативтік және бөлшектік сауда жүргізіледі. Осыған сәйкес қазіргі заманға сай сауда үйлері «Асем», «алма» бар. Сонымен қатар көкбазарға қарсы Алматының Ш.Чумбаков атындағы ұлттық ірі дәріханаларының бірі бар.