Шетелдегі корпорациялық табыс салығы

1. Корпорациялық табыс салығы. (салық салудағы бөліктердің түрлерге бөлінуі).
2. Дамығын мемлекеттердегі корпорациялық табыс салығы.

Көптеген мемлекеттерде заңды тұлғалардың табысына салынатын салық (корпорациялық салық) компанияның таза пайдасына үйлесімді салық ставкасымен алынады. Салық салынатын таза пайда жалпы түсім мен өндіріс процесі барысында жұмсалған шығындар арасындағы айырма негізінде анықталады. Ал компанияның пайдасы бөлінетін және бөлінбейтін деген екі бөліктен тұрады. Салық салу барысында бұл бөліктер өз алдына мынадай түрлерге топталады:
1. Классикалық жүйе, компанияның бөлінетін пайдасына корпорациялық және жеке табыс салығы салынады. Бұл жүйе негізінен Бельгия, Люксембург елдерінде кеңінен таралған.
2. Компания деңгейінде салық салынатын пайданы кеміту жүйесі екі нұсқада қолданылады:
- Әр түрлі ставкалар негізінде, әсіресе пайдаға салық төмендетілген ставкамен салынады. Бұл жүйе Португалия, Австрия елдерінде қолданылады;
- Бөлінетін пайданы салық салудан ішінара босату негізінде. Бұл жүйе Ирландия, Финляндия елдерінде қолданылады;
3. Акционерлік деңгейінде салық салынатын пайданы кеміту жүйесі дивиденттер түрінде қолданылады:
- Корпорациялық табыстан ұсталған – ұсталмағанына қарамастан, дивиденттерді салықтан ішінара босату;
- Салық несиесі немесе импутациялық жүйеде дивидент жеке табысқа қосылып есептеледі.
4. Бөлінетін пайданы салықтан толығымен босату мына деңгейде жүргізіледі:
- Компания (Греция, Норвегия);
- Акционерлер (Финляндия, Дания).
Корпорациялардың пайдасына салық салудың импутациялық жүйесі – корпорациялардың пайдасына қос салық салынуын жою мақсатымен енгізілген. Бельгияда, Ұлыбританияда, Данияда, Ирландияда және Францияда қолданылады.