Құс етінің классификациясы. Жұмыртқаны жинау,сорттау,буу,сақтау және тасымалдау

1. Құс етінің классификациясы;
2. Жұмыртқаны жинау, сорттау, буу, сақтау және тасымалдау.
3. Пайдаланылған әдебиеттер тізімі.

Құс еті -әрі жұмсақ, әрі дәмді ет. Құс еті әрқашан бағалы жеңсік ал саналып келді. Құс шаруашылығы мықтап дамыған қазіргі уақытта тауық етін де, басқа құс еттерін де халықтың көбі тұтынатын болды. Құс етінің тағамдық неғұрлым бағалы заты – белок, құс етінде ол санатына қарай — 17,6—19,7%, тауық етінде 18,2-20,8%, бөдене етінде 18,0 %. Құс етіндегі аминқышқылы құрамы өте сіңімді. Суда жүзетін құстардың етінде май көп болады.Тауық етінде басқамен ауыстырылмайтын құнды, қанықпаған май қышқылдары сиыр және қой етіне қарағанда бірнеше есе артық. Құс етінде В тобындағы витаминдер мол болады. Онда минералдық элементтер де (ең алдымен фосфор, күкірт және мыс) аз емес. Басқа кез келген ет сияқты, құс етін де қуырады, пісіреді, бұқтырады. Піскенде құс еті (әсіресе, бройлер еті) елжіреген жұмсақ болады, өйткені онда жалғастырма тканьдер аз, 8%-дан аспайды (сиыр етінде ол 15%). Олар, әсіресе төс етінде аз, сондықтан одан сүйкімді тағамдар әзірлейді. Өндіріс орны, құс фабрикасы және басқа шаруашылықтар шығарған құс еті сауда, көпшілік тамақтандыру орындарында және өндірістік өңдеуге арналған құс етінің (тауық, күркетауық, мысыр тауығы, үйрек, қаз) сапасы МЕМ СТ 21784-76. «Құс еті» Техникалық шарты және МЕМ СТ 25391 - 82 «Бройлер балапандарының еті» техникалық шарт талаптарына сәйкес анықталады. Құс еті стандарт және техникалық шартқа сәйкес санитариялық ережені сақтаумен өңделуі тиіс. Сойылатын құс түрі МЕМ СТ 18292 -85. «Союға арналған ауыл шаруашылығы құстары» және техникалық шарт бойынша құстар түрі анықталады.
Қоңдылығы және өңдеу сапасы бойынша барық құс түрлерін бірінші және екінші категорияларына бөледі.
Сауда және көпшілік қолданылатын тамақтандыру орындарында қоңдылығы стандартқа сәйкес келмейтін, өңдеу сапасы төмен, белі, төсі майысқан, белінде тырналған із, бір реттен көп мұздатылып - жібітілген бөгде түсі (күркетауық пен мысыр тауығынан басқа) бар құс еті жіберілмейді.
Жасына байланысты құс еті жас және ересек құс еті болып бөлінеді. Жас құстың етіне үйрек, қаз, күркетауық, мысыр тауығы балапандарының, балапан - бройлерінің, терісі жұмсақ ұшалары жатады.

1.Дүйсембаев С.Т. «Ветеринариялық-санитариялық сараптау»;
2.Толысбаев Б.Т.,Бияшев Қ.Б., Мықтыбаева Р.Ж...Ветеринариялық санитарлық микробиология Оқулық.-Алматы-2008;