«бизнес аңыздары. говард шульц»

Говард Шульц (1953жылы 19 шілдеде өмірге келді) - американдық бизнесмен, халыққа көбінесе Starbucks директорлар кеңесінің төрағасы және CEO деген лауазымымен белгілі.
1975 жылы жоғарғы оқу орнын бітіріп, Солтүстік Мичиган Университетінен бакалавр дәрежесін алып шықты.
Шульц 1982 жылы Starbucks компаниясына жұмысқа тұрды. Ал 1985 жылы II Giornale компаниясының негізін қалады. Сондағы мақсаты сол кездегі Sturbucks-тың негізгі саласы кофе дәндерін сатумен шектеліп қана қоймай, итальяндық тәрізде үздік қызмет көрсететін кофеханалар желісін ашу еді.
2 жылдан кейін Starbucks бұрынғы басшылығы жұмыс орнын ауыстыруды және Peet’s Coffee & Tea-ге көшуді жөн көрді. Starbucks болса Говард Шульц пен Il Giornale-ге сатылды.
Шульц II Giornale-ні Starbucks-қа өзгертіп агрессивтi өктемдiк жолымен құрама штаттардың барлық аумағында Starbucks маркасымен кофеханаларының желiсiн кеңейттi .
2006 жылы Forbes журналы Говард Шульцті АҚШ-тағы 354-ші аса бай адам деп жариялады, ал оның қаражаты 1.1 миллиард долларға бағаланады.
1966 жылы голландтық кофе маманы Альфред Пит Беркли қаласында (Калифорния штаты) Peet’s Coffee & Tea деген атауға ие кофехана ашады. Ал оның достары ағылшын тілі мұғалімі Джерри Болдуин, тарих мұғалімі Зев Сигл және жазушы Гордон Боукер кофенің дайындау сипатына қызығып, 1971 жылы Сиэтлде Starbucks-тың алғашқы кофеханасын ашады. Болашағы жарқын болған компанияны Говард Шульц есімді салымшы 1984 жылы 4 миллион АҚШ долларына сатып алады. Сол жылы Болдуин, Сигал және Боукер сатудан түскен бар қаржысын Peet’s Coffee & Tea кофехана бизнесіне салады. Қазіргі кезде Peet’s Coffee & Tea табысы Starbucks табысының елуден біріне тең.
Starbucks «Моби Дик» романындағы капитан Ахав көмекшісінің есіміне қатысты екенін көпшілік біледі. Дегенмен, ол компанияның алғашқы атауы болмағанын ешкім де ескере қоймаған болар. Болдуин, Сигал және Боукерлер жаңа дүкеннің ашылуына бизнес жоспар түзіп жатқанда, Pequod (Пекод) деген атау ғана бар болған. Пекод та «Моби Дик» романындағы кеменің атауы болған.
1986 жылы бар жоғы алты дүкені ғана болды. Компанияның өрістеуі 1987 жылдан басталады. Ванкувер, сосын Чикаго қаласында ашылады. Ал 1989 жылы олардың саны 46-ға жеткен болса, қазіргі кезде 23 174 дүкенді құрап отыр. Бұл соңғы 25 жылда, орта есеппен, әр күні екі дүкеннен ашылғанын білдіреді. Әзірге Қазақстанда ашылмағанымен, АҚШ-та ол әр көшенің бұрышында жұмыс істеп тұр.
Санта фе Спрингс - Лос-Анджелес маңында орын тепкен кішкене қалашық. Жергілікті тұрғындар мұнда онша көп болмаса да, 560 орынға ие компанияның ең үлкен кофеханасы осында салынған. Егер статистикалық ақпаратқа сүйенер болсақ, Санта фе Спрингстің әрбір 29-ншы тұрғынына кофеханада орын табылады.
Starbucks-ка келгеніңізде бес түрлі көлемдегі 87 000 кофенің бір түрін таңдау мүмкіндігіне ие боласыз. Бір қызығы, әрбір қаланың өзіндік сусыны бар. Мысалы, Нью-Йоркта классикалық Pike Place сусынын ішкенді ұнатады. Шарлоттада жеңіл латте, Омахада мокка кофесі ең сүйікті болып табылады. Starbucks-тың ең қымбат кофесі 57,75 АҚШ долларын құрайды.
Гранде дайындалған сусыны 330 мг кофені құрайды. Бұл шамамен 4 Red Bull кұтысына тең. Әрине, кофе құрамы әр түрлі жағдайға қарай өзгеруі мүмкін. Дегенмен, кофе мамандары оның ең орташа деңгейін сақтап тұруға тырысады. Ең жоғары кофе құрамы Пайк Плейс сусынында болса, ең азы шәй мен энергетикалық сусындарда болады. Ұсынылып жатқан сусынның көлеміне қарай, сіз кем дегенде 15-30 мг кофеин қабылдайтын боласыз.