Ғаламтор және халықаралық терроризм

Бүгінгі таңға дейін əлеуметтік-философиялық жəне саяси ілім қоғам туралы көптеген тұжырымдамалар мен теорияларды өмірге алып келсе, бұл ой-түйін авторлары бізге заманауи қоғамның мəні мен оның негізгі белгілерін түсіндіруге талпыныс жасауда. Бұндай теориялар қатарына Элвин Тоффлердің «толқынды теориясын» [1], Дэниел Беллдің«постиндустриалдық қоғам» теориясын [2], Мануэль Кастельстің «ақпараттық
капитализм» теориясын [3], жəне де Жан Бодрийярдың теориясы [4] секілді постмодернистік теорияларды жатқызуға болады. Аталынған теориялардың авторлары шындықты əртүрлі бағалауы немесе əртүрлі əдістемелік негіздемелерге сілтеме жасағандықтарына қарамастан, олардың барлығы да заманауи қоғамның дамуы үрдісіндегі ақпараттың рөлінің артқандығын бір ауыздан мақұлдайды. Жаңа ақпараттық жəне телекоммуникациялық технологиялардың қарқынды дамуы мен таралуы бүгінгі таңда жаһандық ақпарттық төңкеріс мазмұнына ие бола отырып, ұлттық шекаралар жəне де жалпы əлемдік деңгейде саясат, экономика, басқару, қаржы, ғылым, мəдениет жəне де қоғам өмірінің басқа да салаларына ықпал ете бастады.
Netcraft» агенттігінің 2008 жылдың ақпанындағы ақпараты бойынша ғаламтордағы сайттар саны 162 662 053 жетіп, сол жылғы қаңтар айымен салыстырғанда 4,5 млн. сайтқа артқан. Зерттеушілердің пікірінше олардың санының артуы екінші деңгейлі домендік атауы бар қарапайым сайттардың санына ған қатысты емес, пайдаланушыларды өзіне «тартып» алатын танымал əлеуметтік сайттар есебінен болып отыр [5]. 2009 жылдың сəуірінде жүргізілген осы тектес зерттеулер желідегі тіркелген сайттардың саны 231 510 169 жетіп, 2009 жылдың наурыз айымен салыстырғанда 6 млн. сайтқа өскендігін көрсеткен [6].