Токарлы станоктардың құрылымының ерекшелігі

1.Техникалық сипаттамасы.
2.Станоктың негізгі түйіндері мен құрал.жабдықтары
3.Станоктағы қозғалыс

Токарь кәсібі – металды өңдеумен байланысты кәсіптің арасындағы кең таралғандардың бірі.
Токарь дайындаманың үстін кесумен өңдейді, яғни артық материалды кеседі. Кесумен өңдеудің бірнеше тәсілдері бар, және тәсілдердің әрқайсысына нақты станоктар сәйкес келеді. Токарлы станоктар жеке токарлы операцияларды орындайтын арнайы және барлық токарлы жұмысты орындауға болатын әмбебап станоктары болады. Орындалатын жұмысына қарай және қандай да бір станок түрін пайдалануына байланысты токарлық мамандықтардың бірнеше топтарын айыруға болады: токарь-әмбебап, токарь-карусельщик, токарь-револьверщик, токарь-жонушы және т.б.
Ең қиын және көп таралған мамандық токарь әмбебап болып табылады. Токарлы-бұрандакескіш станоктарда токарь-әмбебап әртүрлі металдарды, қоспаларды, пластмассаларды және басқа да металл материалдарын өңдеп, барлық токарлық жұмыстарды орындайды. Ол дайындамаларды цилиндрлік, конустық немесе күрделі фасондық пішінге келтіре отырып сыртқы қыруын өткізеді, тесіктерді бұрғылайды, бұйымның ішкі жонып өңдеушілікті істейді, сыртқы және ішкі жыраларды кеседі, сыртқы немесе ішкі ойма, бұйымдарды қырнайды және т.б. Сонымен қатар токарь бөлшектерді толығымен дайындайды немесе жартылай өңдеуді жүзеге асырады. Өңделетін бөлшектердің өлшемі әртүрлі болуы мүмкін – миллиметрдің он бөлшегінен бірнеше метрге дейін.
Токардың жұмысы сызуды немесе технологиялық картаны оқудан басталады. Сызу фртүрлі проекцияда көрсетілген бөлшектердің бейнесін береді: онда өлшемдер, нақтылық және өңдеу тазалығының талаптары, металл маркасы көрсетіледі. Токарь өндірістік процессті және өнімнің сапасын арнайы өлшеуіш құрылғылармен бақылайды. Бақылау-өлшеуіш операциялары жұмыс уақытының көп бөлігін алады. Нақтылыққа жоғары талаптар ұқыпты өлшеуді де қажет етеді.
Соңғы жылдары токардан информатика негіздерін білуді талап ететін санды бағдарламалы басқару станоктары кең таралған.