Мақал-мәтелдер | Eңбек пен кәсіп

Мақал-мәтелдер /
Eңбек пен кәсіп

Еңбек ет те, егін ек,
Жарымасаң маған кел.
Белді бу да бейнет қыл,
Байымасаң маған кел.

Еңбекте қорлық жоқ.
Шындықта зорлық жоқ.

Еңбектен алғанның бүйірі шығады.
Кісіден алғанның екі көзі шығады.

Еңбек түбі —қуаныш,
Сауда түбі — реніш.

Еңбегіне қарай — құрмет.
Жасына қарай — ізет.

Халық — қазы,
Еңбек — таразы.

Екі көзің ойнаса,
Жақұт емей немене?
Екі қолың ойнаса
Бақыт емей немене?!

Еңбек — өмірді ұзартады,
Ұят бетті қызартады.

Еркін еңбек —
Баршаны жеңбек.

Жер — өмірдің бесігі.
Еңбек — ердің несібі
Еңбек еткен —
Мұратқа жеткен.

Кедейлік кетсін десең, еңбек ет.
Молшылық жетсін десең, еңбек ет.

Еңбек етсең — еленерсің,
Еңбегіңе кенелерсің.
Есің жиып, етек жауып,
Елге жетіп теңелерсің.

Еңбексіз өмір жоқ.
Ауырсыз жеңіл жоқ.

Көндікпесең бейнетке,
Қолың жетпес зейнетке.

Алтын әзәзіл— аздырар...
Адал еңбек – бойыңдыжаздырар.

Қатты жерге қақ тұрар,
Қайратты ерге бақ тұрар.

Ерте тұрған жігіттің
Ырысы артық,
Ерте тұрған әйелдің
Бірісі артық.

Көз қорқақ
Қол батыр

Жүйесін тауып, жұмыс қыл.
Жерін тауып, тыныс қыл.

Күшіңе сенбе,
Ісіңе сен.

Өзен жағалағанның
Өзегі талмас.

Түйменің инесіз күні жоқ.

Жігіттің жұмсаған күшін сұрама,
Бітірген ісін сұра.

Елге қылған жақсылық,
Еленбей қалмайды.
Еңбек еткен ерінбей —
Кенелмей қалмайды.

Ергенек болмаса,
Есік тұра ма?
Еңбеккер болмаса,
Несіп тұра ма?

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz