Stud.kz

Күншілдің күнін итке берсін.



Той тоянасымен қызық.



Атыңды сат, тоныңды сат,
Жатарыңда бір тойып жат.



Сыныққа — сылтау,
Кереңге — мылқау.



Қазанға түскен
Қапқа түспейді.



Бас — бөріктің қалыбы.



Қадіріңді білгің келсе,
Көршіңнен қарыз сұра.



Инең болса — иінің бүтін



Шаш — бастың көркі
Тұз — астың көркі.



Алтыда тісім түсті,
Алпыста ағайынға ісім түсті.



Табақ тартқан
Тамақ сұрамайды.



Жетіскен жеті көсеумен көсейді.



Алғанға бар,
Бергенге жоқ.



Төркіні тентек келіннің
Тілі ұзын
Төркіні момын келіннің
Жібі ұзын.



Шақырмаған қонаққа
Шайдан артық тамақ жоқ.



Дәуден үлкен көп екен,
Дәмнен үлкен жоқ екен.



Өзі қаңбақ болсын,
Онда қандай салмақ болсын?!



Жұт — жетеу, содырмен сегіз,
Салақпен — тоғыз, олақпен — он.



Өткелім саяз деме,
Таяғыңды салып бойлат.
Ісім мақұл деме
Ағайынға салып, ойлат.



Балықшының үйіне қонсаң,
Қарма жерсің.
Тарышының үйіне қонсаң,
Жарма жерсің.



Ерінбеген, елекпен су ішеді.



Ұялмас бетке,
Талмас жақ береді.



Сараңның қолы қалтырауық.



Ақылы елден артылған,
Ақылық болса, бір мақтан.
Жұрттығы жұрттан артылған
Жақының болса, бір мақтан.



Жаныңды қинасаң,
Ерлік оңай.
Жақыныңа бұрмасаң,
Билік оңай.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz