Stud.kz

Ағайының бай болса,
Асағаның май болар.



Ағайының барда "дұшпаным жоқ" деме,
Абысының барда "күндесім жоқ" деме.



Ағайының көп болса қоғам бол, бірің оған, бірің бұған бол.



Ағайының көп болса
ұлы шерік қолмен тең.
Білімді туған жақсылар
аз да болса көппен тең
(Ақтамберді)



Ағайыныңмен алыстан сыйлас.



Ақша қарда көп жүрсең көзің бір күн қарығар.
Ағайыннан шет жүрсең көңілің бір күн тарығар.



Алты малта ас болмас,
Өзіңмен туған жат болмас.



Алыстағыңа сиын,
Жақындағыңа сүйін.



Араласпаса ағайын жат.



"Артқы айылым берік болса атым тулап не етерсің?
Ағайында бірлік болса жатым маған не етерсің?"



Ат арқасына ер батса аяңшыл,
Ерге жаттың тізесі батса ағайыншыл.



Ат үйірін сағынса, артқы аяғын қағынар.
Ер үйірін сағынса, айыл-тұрман тағынар.



Ауыр жүкті бөлісу —ақ атанның парызы
(Майқы би)



Бажаны бажа көрсе басы қышиды.



Бала белде, бауырды маған кім береді?



Балдыз — балдан шырын.



Бар қарындас жақында болмасын,
Жоқ қарындас алыста болмасын.



Бауыр шырын, бас тәтті,
Ағайынмен ішкен ас тәтті.



Бедері жоқ қамқадан бек тоқыған бөз жақсы.
Бейкемі жоқ туғаннан бек сөйлескен сөз жақсы.



Бетің қисық болса айнаға өкпелеме.
Ниетің қисық болса ағайынға өкпелеме.



Бөлемісің, бөлені көре тұра өлемісің.



Бір ауылда мың туысың болғанша,
Әр ауылда әр туысың болсын.



Бір көрген — біліс, екі көрген — таныс.



Емшек берген әрі жат, еңсе берген бері жат.



Жайыңды білген карындас, ол қарындас һәм жолдас.
Жайынды білмес қарындас, өзі дұшпан, өзі қас
(Шалкиіз).



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz