Қисық арба жол бұзар,
Қыңыр жігіт ел бұзар.
Толығырық



Мешіттің азаншысы болғанша,
Халықтың қазаншысы бол.
Толығырық



Ашыққан не жемейді,
Ашынған не демейді.
Толығырық



Жесір қатын ер болар,
Жетім бала ел болар.
Толығырық



Ел иесіз болмайды,
Сөз жүйесіз болмайды.
Толығырық



Бұрынғыны айтпай,
Соңғы еске түспейді.
Толығырық



Әсем мінез аққуды
Айдын шалқар көлде көр.
Жаны сұлу аруды
Жадырай қонған елде көр.
Толығырық



Оттың қасынан от жақпа,
Елді бұзады.
Құдық қасынан құдық қазба,
Жерді бұзады.
Толығырық



Қарын қамын ойлаған —
Қаралықтың белгісі
Халық қамын ойлаған —
Саралықтың белгісі.
Толығырық



Жетесіз бала «жерден алдым» дейді,
Жетілген бала «елден алдым» дейді.
Толығырық



Жемісті ағаш,
Жерге иіліп тәжім етеді.
Жетелі жігіт,
Елге иіліп тәжім етеді.
Толығырық



Жұртпен жүрген жүдемес.
Толығырық



Арқанның ұзыны жақсы,
Әңгіменің қысқасы жақсы.
Толығырық



Екі елді жол қосады,
Екі адамды қол қосады.
Толығырық



Ашылмаған ұра жоқ,
Атадан қалған мұра жоқ.
Толығырық



Ел аралаған — сыншы болар,
Орман аралаған — үйші болар.
Толығырық



Құлақ баланікі,
Бас ағанікі,
Жақ қатындікі,
Жанбас батырдікі.
Толығырық



Ел-жұртыңның қадірін
Іс түскенде білерсің
Сары тонның қадірін
Қыс түскенде білерсің.
Толығырық



Ынтымақ — елдікке жеткізер,
Елдік ерлікке жеткізер.
Толығырық



Қала — халқының салтанаты,
Бала — ата-ананың қолқанаты.
Толығырық



Тұңғиықты қара су,
Түйе бойлап шыға алмас.
Кім атадан кем туса,
Оның сөзін пұл алмас.
Толығырық



Сынасуға жараған,
Сыйласуға да жарайды.
Толығырық



Жұртқа қолыңды жайғанша,
Жұрттан жұрқа терген артық.
Толығырық



Бетеге, жусан — бел көркі,
Білімді ұл, қыз — ел көркі.
Толығырық



Халықты дана қосады,
Қатын мен ерді бала қосады.
Толығырық



Пәндер