Stud.kz

Отан үшін күрес — ерге тиген үлес.



Отан үшін отқа түс — күймейсің,
Арың үшін алыссаң — өлмейсің.



Отанын сатқан оңбас.



Отанын сүйген: отқа жанбайды, суға батпайды.



Отаның тыныш — сен тыныш.



Акқу көлін аңсайды,
Адам туған жерін аңсайды.



Ата қоныс — алтын мекен.



Атамекен — анаң екен,
Қысылғаңда панаң екен.



Атамекен туған жер:
кір-қоңыңды жуған жер,
кіндігіңді кескен жер,
кісі болып өскен жер.



Әркімнің өз жері — Мысыр шаһары.



Әркімнің өз жері — ұжмақ.



"Бақыр қазан кайнаса бәріміздің бағымыз,
Туған жердің әр тасы біздің алтын тағымыз".



Бақа батпағына, балық көліне.



Баланың өскен бесігі кең дүниенің есігі.



Басқа жердің отынан туған жердің түтіні артық.



Дарақ бір жерден көгереді.



Дуадақ шөлін мақтайды,
Көкала каз көлін мақтайды.
Кемеңгер елін мақтайды,
Дихан жерін мақтайды.



Ерінен айрылған көмгенше жылайды,
Елінен айрылған өлгенше жылайды.



Жалықтырса ұзақ сапар, жат мекен
Туған елдің түтіні де тәтті екен.



Жат жерде жаның қиналса —
ел қадірін білерсің.
Жұтым суға зар болсаң —
көл қадірін білерсің.



Жат жердің қаршығасынан,
өз жеріңнің қарғасы артық.



Жекен жерінде көгерер,
Ер елінде көгерер.



Ит екеш ит те туған жерін аңсайды.



Ит тойған жеріне,
Ер туған жеріне.



Кісі елінде күркірегенше, өз еліңде дүркіре.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz