Stud.kz

Ата мекен – анаң екен,
Қысылғанда панаң екен.



Құртақандай торғай да,
Өз ұясын қорғайды.



Егілмеген жер – жетім,
Елінен айрылған ер – жетім.



Туған жердің
Түйе жейтін жапырағы да дәрі,
Түйе аунайтын
Топырағы да дәрі.



Тұғырына саңғыған сұңқар оңбас,
Үйірінен айрылған тұлпар оңбас.



Туған жердің күні де ыстық,
Күлі де ыстық.



Ат үйірін сағынса
Артқы аяғын қағынар,
Ер үйірін сағынса
Ер-тұрманын тағынар.



Туған жер – тұғырың,
Туған ел – қыдырың.



Елінен безіп, елсізде өлгеннің
Екі көзін қарға шұқиды.



Кісі елінде сұлтан болғанша
Өз еліңде ұлтан бол.



Ел іші — алтын бесік.



Елде болса ерінге тиеді,
Ауылда болса, ауызға тиеді.



Ел аузына
Елек қойып болмас.



Ел құлағы — елу.



Елді жерде
Түлкі аштан өлмес.



Адассаң,
Еліңмен адас.



Ақ бөкенді жатыр деме,
Көшпелі елді отыр деме.



Елде бір тентек жүрмей ме.



Елу жылда — ел жаңа,
Жүз жылда — қазан.



Ел аузы — дуалы,
Көп аузы — куәлі.



Қырықтың бірі — қыдыр.



Жұтаған ел — жұртын мақтайды,
Ашыққан ел — құртын мақтайды.



Екі тентек, елге сыймас.



Ел ағасыз болмас,
Тон жағасыз болмас.



Елдестірмек елшіден,
Жауластырмақ жаушыдан.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz