Stud.kz

Батылдық батырлықтың сауыты.



Батыл жігіт жол бастар,
Ақын жігіт той бастар.



Батыр аңғырт, бай саңғырт.



Батыр бастас, бай қоныстас.



Батыр болатын бала ерге үйір,
Қызтеке бала зерге үйір.



Батыр болған ханға қас,
Мерген болған аңға қас.



Батыр болсаң жауды қайтар,
Шаруа болсаң малды қайтар,
Шешен болсаң дауды қайтар.



Батыр бір оқтық,
Бай бір жұттық.



Батырға да жан керек,
Пақырға да жан керек.



Батырға оқ дарымайды,
Батылға жау жоламайды.



Батырдан барымташы туар даңғой
(Абай).



Батырдан сауға, мергеннен сыралғы.



Батырдан хат — достарға қуат.



Батыр деме батырды шеп құрған дауға батпаса.
Төре деме төрені ел тілегін таппаса
(Дулат).



Батырды бәрекелді өлтіреді.



Батырды жауда,
Шешенді дауда сына.



Батырдың атын жау шығарады,
Шешеннің атын дау шығарады.



Батырдың бір ісі тентек,
Қорқақтың екі ісі тентек.



Батырдың да басы екеу емес.



Батырдың көзі өмірге түседі,
Қорқақтың көзі өлімге түседі.



Батырдың өмірі қысқа.



Батыр елдің ажары,
Бал құрақ көлдің ажары.



Батыр елінде, балық көлінде.



Батыр жарасыз болмас.



Батыр жарқырап жүреді,
Қорқақ қалтырап жүреді.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz