Stud.kz

Адам қайғысы - заман қайғысы.



Жасық адам жасына жетпей қартаяр,
Асыл адам жасына жетпей марқаяр.



Он адам жүрген жерде із қалады,
Жүз адам жүрген жер - соқпақ,
Мың адам жүрген жерде жол қалады.



Бейтаныс кісі -
Бітеу жаңғақ.



Ақылсыз адам айқай келеді.
Жан-жағын жайпай келеді.
Ақылды адам жай-жай сөйлейді,
Жан жағын байқай келеді.



Қағазға тіл бітірген - қалам,
Жансызға жан бітірген - адам.



Адам ойға тоймас,
Бөрі қойға тоймас.



Жаман адам кетсе,
Дүние кеңіп қалғандай.
Жақсы адам кетсе,
Дүние кеміп қалғандай.



Жақсы сыйлағанның құлы,
Жаман қорыққанның құлы.



Адам деген ардақты ат.



Адамгершілікке арналған үш сауал бар:
Шөлге құдық қазған бір сауап,
Өзенге көпір салған бір сауап,
Жолға ағаш еккен бір сауап.



Еңбек адамның көркі,
Адам заманның көркі.



Талабы жоқ жас -
Қанаты жоқ құс.



Ормансыз жер - жалаңаш,
Армансыз ер - жалаңаш.



Бітер істің басына,
Жақсы келер қасыңа.



Ақ сауыттың жағасы бар,
Жеңі жоқ.
Шын жақсының ашуы бар.
Кегі жоқ.



Болар адам – он бесінде бас болар,
Болмас адам – қырық бесінде жас болар.



Айла алтау,
Ақыл жетеу,
Айла мен ақыл қосылса,
Алдырмайтын екеу.



Өзін ғана ойлаған,
Жамандықтың белгісі.
Өзгені де ойлаған,
Адамдықтың белгісі.



Көргенді кісі,
Көргенін айтар.
Көргенсіз кісі,
Бергенін айтар.



Жақсының айтқаны келмейді,
Жаманның сандырағы келеді.



Біреуге ор қазба, өзің түсесің.



Жаман болса алғаның,
Шын досың да шеттейді.



Жақсыны жамандасаң,
Аруағы тасады.
Жаманды жамандасаң,
Құты қашады.



Жыланға түк біткен сайын,
Қалтырауық болады.
Жаманға мал біткен сайын,
Бақырауық болады.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz