Мақал-мәтелдер | Су

Мақал-мәтелдер /
Су

Судың басы бұлақ болса, аяғы құяр теңізге.
Жақсыдан жаман туса да, тартпай қоймас негізге.

Судың жолын құм бөгер,
Ердің жолын сұм бөгер.

Судың терең саязын ағысынан білерсің,
Аттың жақсы, жаманын шабысынан білерсің.

Судың түбін шым бекітеді,
Сөздің түбін шын бекітеді.

Суды өзі кешіп ішпей мал қоңданбайды,
Шөпті өзі орып жемей мал жонданбайды.

Суды шым бөгейді, дауды қыз бөгейді.

Суды шым тоқтатар,
Сөзді шын тоқтатар.

Су жүрген жер молшылық, абат емей немене.
Жақсылардың сөздері қанат емей немене.

Су жүрген жер шүлен.

Су — зер, сушы — зергер.

Су кезегінен қалған он екі ай аш.

Су келтірер мәрт кісі,
Егін егер ер кісі.

Су кетсе тас қалады,
Сүрме кетсе қас қалады.

Су — қан, еңбек — жан.

Су қатайса мұз болар
(Марабай ақын).

Сулы жердің қасиеті сағасында,
Нулы жердің қасиеті ағашында.

Сулы жер қүрақсыз болмас,
Таулы жер бүлақсыз болмас.

Сулы жер — нулы жер,
Бұлақты жер — тұрақты жер.

Сумен ойнама — батарсың,
Отпен ойнама — жанарсың.

Су патшасы — мұрап,
Түн патшасы — шырақ.

Су перісі сұлтан.

Сусағанның түсіне су кіреді.

Су сағасы — бұлақ,
Сөз сағасы — құлақ.

Сусыз жердің оты арам.

Сусыз жердің шөбі сұйық,
Суайт адамның сөзі сүйық.

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz