Stud.kz

Алыс деп ауылыңа бармаймысың.



Ауыл аймағымен, бота тайлағымен.



Ауыл болсаң — қауым бол.



Ауылға айтсаң — асар,
Көршіге айтсаң — қосар.



Ауылға барсаң қона бар,
Қамысты көлде сона бар.



Ауылға жақындағанда ит озады.



Ауылда лақ туылса адырдың шөбі көгереді.



Ауылдан шыкқан күні байға қонба, сайға қон: бай пәле болады, сай пана болады.



Ауылдас, ауылдаспен қауымдас.



Ауылдастың анты бір.



Ауылдасың жақсы болса ағайының не керек.
Алғаның жақсы болса айтың, тойың не керек.



Ауылдың жақсылығы жолынан білінер.



Ауыл иті ала болса да бөрі келгеңде бірігеді.



Ауыл итінің достығы сүйек тастағанша.



Ауыл итінің құйрығы қайқы.



Ауыл қарайлас, шаруа орайлас.



Ауыл малы бұралқы ақылы жоқ жаманға
(Шортанбай).



Ауыл толы есектен,
Арық та болса ат жақсы.



Ауыл түбі — бірлік,
Қауым түбі — тірлік.



Ауылы араластың койы қоралас.



Ауылы басқа алдырмас,
Ауылың сені қалдырмас.



Ауылы бүтінді аман де,
Елі бүтіңді есен де.



Ауылы бірдің — аузы бір.



Ауылын көріп азаматын таны.



Ауылыңда қария болса, жазып қойған хатпен тең.
Ауыл сыртында төбе болса, ерттеп қойған атпен тең.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz