Stud.kz

Жарақтыда жау жолықпас.



Оң көзіңе
Сол көзің қарауыл болсын.



Жыланның уы басында,
Бейқамның жауы қасында.



Айла — алтау,
Ақыл — жетеу.



Жау жоқ деме
Жар астында,
Бөрі жоқ деме
Бөрік астында.



Үй менікі демеңіз,
Үй артында кісі бар.



Кезенген жаудың көзінен сақтан,
Сойқанды сұмның сөзінен сақтан.



Айтқан жерде бәле жоқ,
Ақ жүргенге жала жоқ.
Қауіп қайдан болса
Қатер сонан.



Бәледен машайық та қашыпты.



Жауды аяған-жаралы.



Үйреніскен жау атыспаққа жақсы.



Мың жаудан бір жансыз жаман.



Сыр ашу оңай,
Сыр түю қиын.



Сақтықты сұңқардан үйрен!



Жаман көзден,
Жалған сөзден сақтан.



Жамандықты жасырма,
Жаманды басыңнан асырма.



Сабын кірді ашады,
Сабырсыз сырды ашады.



Орынсыз ашу — от шашу.



Асығыс түбі — өкініш.



Жасы жетпей
Шал болғаннан без,
Тақымында тайы жоқ
Сал болғаннан без,
Қомдығы жоқ, өркеші жоқ
Нар болғаннан без.



Қалғымағанға қатер жоқ.



Арамзаның арқанымен құдыққа түспе.



Асығыс іске әзәзіл араласар.



Оқығанның көзі төртеу.



Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

google play appstore

MasterCard Visa

Ақпарат

Қосымша


Email: info@stud.kz