Мақал-мәтелдер | Жан-жануарлар

Мақал-мәтелдер /
Жан-жануарлар

Әр түлкінің өрісі басқа,
Әр ауылдың қонысы басқа.

Біреу малға зар,
Біреу басқа зар.
Мал баққандікі,
Қоян қаққандікі.

Бағайын десе, малы жоқ,
Ыңыранайын десе, ауруы жоқ.

Сатарманның жаман малы жоқ.

Жері семіздің — малы семіз.

Жазда жайлауды же,
Қыста қойнауды же.

Шабатын көлік күй тілейді.

Жерім — малға жай,
Елім — жанға жай.

Күзде көлік жүгіреді.

Малым жанымның садағасы,
Жаным арымның садағасы.

Малым бар деп мақтанба,
Нарым бар деп мақтан,
Нарым бар деп мақтанба,
Арым бар деп мақтан.

Қоралы мал — елдікі,
Қорасыз мал — желдікі.

Мал тапқанның айыбы жоқ.

Басы аманның малы түгел.

Дала көркі — мал,
Қала көрісі — тал.

Шаруа
Жазда жазылады,
Қыста қысылады.

Малдың қонысын тапқан —
Шөптің сонысын тапқан.

Кендірмен байлама,
Жыңғылмен айдама,
Кендірмен байласаң,
Жыңғылмен айдасаң,
Мал бітер деп ойлама.

Мал мекенін іздейді.

Ұры болмаса — бөрінікі.
Иесіз мал — ұрынікі.

Ақсақ алсаң, сау туар.

Сауып отырған малы бар
Тоқтық көрмесе де,
Жоқтық көрмейді.

Бар малына сенеді,
Жоқ қарнына сенеді.

Қорасында айыры жоқтың
Малға қайыры жоқ.

Малдың белшеден бейнеті дебар,
Көрсетер зейнеті де бар.

Пәндер

Қазақ тілінде жазылған рефераттар, курстық жұмыстар, дипломдық жұмыстар бойынша біздің қор #1 болып табылады.

Ақпарат

Қосымша

Email: info@stud.kz