egov.kz арқылы мемлекеттік қызметтердің цифрлануы және қолжетімділігі

Мемлекет басшысы халыққа қызмет көрсетудің неғұрлым жедел де сапалы, тиімді әдістерін ұйымдастыруды міндеттеді. Осындай тапсырмаға орай ашылған халыққа қызмет көрсету орталықтарына көпшілік сан түрлі шаруасымен келеді.

Бұрын адамдар зейнетақы жарнасынан ақпар алу үшін өзінің жұмыс жасайтын мекемесіне, болмаса зейнетақы қорына баратын болса, қазір олардың бәрін тікелей халыққа қызмет көрсету орталығынан біле алады.

Заманның талабына сай күнделікті өмірде осындай техникалардың көптеп пайда болуы адамзатты бірте-бірте қағазбастылықтан арылтып келеді. Қызметтердің электронды нұсқаға айналуы, онлайн қызметінің тәулік бойы қосылып тұруы қазіргі күнде қолжетімді болды. Сондай-ақ, сервистер мен қызметтердің бір жерде, бір тетікпен басқарылуы www. egov. kz порталында жүзеге асырылған.

«Электрондық үкімет» - мемлекеттік қызметтерді онлайн көрсетуге арналған мемлекеттік органдардың ақпараттық жүйелерін біріктіретін жалпы мемлекеттік жүйе. www. egov. kz веб - порталы арқылы әрбір қазақстандық тәуліктің кез келген уақытында, еліміздің, тіпті әлемнің кез келген нүктесінен өтініш бере, анықтама ала, салық немесе айыппұл төлей алады немесе қандай да бір қызметті қалай алуға болатыны туралы біле алады.

Порталда ұдайы түрде жылжымайтын мүлік, отбасы қатынастары, білім беру және инновациялар, мәдениет, жұмысқа орналасу және жұмыспен қамту әлеуметтік қамсыздандыру, азаматтық, көлік, денсаулық, туризм және адамның өмір сүруіне қажетті салалар бойынша тақырыптық тарауларда ондаған электрондық қызмет түрлері пайда болып отырады.

Зейнетақы аударымдары туралы анықтама.

Бұл анықтаманы алу арқылы азаматтар ай сайынғы салым сомасын қадағалай алады. Сондай-ақ, басқа мақсаттарға да алуға болады. Келесі - жылжымайтын мүліктің болуы немесе болмауы туралы анықтама. Көпшілік арасында мұны «№1 форма»деп те атайды. Бұл - белгілі бір тұлғаның тұрғын үй, жерін дәлелдейтін, қашан тіркелгенін растайтын анықтама.

Жылжымайтын мүлікке ауыртпалықтар туралы анықтама

Ол тұрғын үй немесе жердің кепілде тыйым салынғандығы немесе салынбағандығын, одан бөлек тұрғын үйдің пайдалы алаңы мен тұрғын алаңы жайлы ақпар береді.