Паскаль тіліндегі бағдарламаның құрылымы мен операторлар түрлері

Паскаль тілінде программа

дайындау жолдары

Паскаль тіліндегі кез - келген программаның тақырыбы, одан кейін сипаттау бөлімі және begin және end сөздерімен қоршалған операторлар бөлімі болуы керек.

Сипаттау бөлімі 7 бөліктен тұрады:

Программамен байланысатын кітапханалық модульдер атауларының тізімі (ол uses түйінді сөзімен басталады)

Белгілерді (label) сипаттау

Тұрақтыларды (const) сипаттау

Мәліметтер типтерін (type) анықтау

Айнымалыларды (var) сипаттау

Процедураларды (procedure) сипаттау

Функцияларды (function) сипаттау

Белгілерді сипаттау. Белгі программаның бір жолын, яғни операторын ерекшелеп белгілеу үшін қолданылады. Бұл белгі арқылы қажетті жағдайда программаның кез келген жолынан осы белгісі бар операторға көшіп, оны қайталап кезексіз орындауға болады.

Белгіні сипаттау пішімі:

label 1-сан, 2-сан, к-сан, 1-атау, 2-атау, n-атау;

2. Тұрақтыларды сипаттау. Программадағы тұрақтылар өз мәнімен немесе оған қойылған атау арқылы берілуі мүмкін.

Тұрақтыны сипаттау пішімі:

const атау1=мәні; атау2=мәні; …; атауn=мәні;

3. Айнымалыларды сипаттау. Программада пайдаланылатын айнымалы шамалардың атаулар тізімі және олардың топтастырылып көрсетілген типтері төмендегі пішімде сипаттау бөлігінде көрсетілуі қажет.

Айнымалыларды сипаттау пішімі:

var айнымалы атауларының тізімі: тип;

Паскаль тілінде операторлар дегеніміз - программаларға енетін айнымалылар мен тұрақтыларды, сандарды пайдаланып түрлі әрекет орындай алатын сөйлемдер.

Оператор дегеніміз - алгоритмді жүзеге асыру барысында орындалатын іс - әрекеттерді анықтайтын тілдің қарапайым сөйлемі.

Операторлар бөлімі Begin және End түйінді сөздерінің ортасында жазылады.

Олар жазылу ретіне қарай біртіндеп бірінен кейін бірі тізбектей орындалады. Операторлар бір - бірінен нүктелі үтір (; ) арқылы бөлініп жазылады. Оқуға, түсінуге қолайлы болу үшін бір жолға бір оператор жазылады.

Begin

1-оператор:

2-оператор:

n-1-оператор:

n-оператор;

End.

Операторлардың жалпы жазылу түрі:

End түйінді сөзінің алдындағы барлық операторлардың соңына нүктелі үтір қойылуы қажет. Егер End программа соңы болса, онда одан кейін міндетті түрде нүкте (. ) қойылуы керек.

Программада жол арасына не соңына жүйелі жақшаға ({ }) немесе (* *) алынған түсініктеме сөздер жазуға болады.