Әлия Молдағұлова Мәншүк Маметова

Әлия Молдағұлова

Мәншүк Маметова

1-ші қорғаныс

министрі.

Армия генералы.

Кеңес одағының батыры

Халық қаһарманы

Мәскеу түбінде генерал-майор И. В. Панфилов қолбасшылық еткен даңқты 316-атқыштар дивизиясы ерлікпен шайқасты. 1941 жылғы қарашада Дубосеково түбінде ұрыс салған 1075-атқыштар полкінің танк жоюшылар тобының ерлігі елге мәлім болды. Осы топта болған ротаның саяси жетекшісі В. Г. Клочковтың: “Ресей кең-байтақ, бірақ шегінерге жер жоқ, артымызда - Мәскеу”, -деген жалынды сөзі бүкіл майданды шарлаған ұранға айналып кетті.

Біздің Қарулы Күштеріміздің ерлік тарихы Екінші дүниежүзілік соғыс жылдарындағы қазақстандықтардың батырлығында толық және айқын аңғарылады. Қазақстаннан майданға 1 млн 200 мың адам кетіп, оның 600 мыңнан астамы оралған жоқ. Олар Отан үшін, біздің болашағымыз үшін өздерінің өмірін қиды. Әскери борышқа шексіз берілгендіктің, батылдық пен жаппай батырлықтың бірден - бір мысалы - Екінші дүниежүзілік соғыс кезінде фашист-неміс басқыншыларының қуатты соққысына төтеп берген Брест қамалы, Мәскеу, Сталинград, Новороссийск және басқа да қалалардың қорғаушылары - қазақстандық жауынгерлердің өшпес ерлігі. Қазақстандықтардың көрсеткен ерлігі мен теңдесі жоқ табандылығы туралы талай жазылады. Әсіресе Мәскеу түбіндегі 28 гвардияшыл-панфиловшылардың аңызға айналған ерлігін ерекше атап айтуға болады.