ӘНҰРАН – ЕЛДІК ПЕН ЕГЕМЕНДІКТІҢ БЕЛГІСІ

ӘНҰРАН - ЕЛДІК ПЕН ЕГЕМЕНДІКТІҢ БЕЛГІСІ

Зерттеу тақырыбының өзектілігі. Біздің алып отырған тақырыбымыз «Әнұран - елдік пен егемендіктің белгісі» осы заманның өзекті мәселелерінің негізгісі. Олай дейтініміз, әнұранның әуенінен отанға деген суйіспеншілік, атамекенге шексіз берілгендік аңғарылса, сөзінен рухани жан дүниемізді танытар ұлттық қасиетіміз бен бейбіт пейіліміз, досқа ашық құшағымыз, еркіндікке құштар кең көңіліміз жақсы көрініс табу керек.

Біз жұмыста қазақ тарихындағы әнұран рөлін атқарған патриоттық тұрғыдағы әндер және кеңестік дәуірдегі коммунистік идеология тұрғысында шығарылған Қазақ Советтік Социалистік Республикасының мемлекеттік әнұраны, тәуілсіздігімізді алғаннан кейінгі яғни, 1992 жылғы және 2006 жылғы әнұрандардың шығу тарихын салыстыра отырып зерттедік. Осы тұрғыдан алғанда біз ұсынып отырған тақырып заманымыздың өзекті мәселесі болып табылады.

ЗЕРТТЕУДІҢ МАҚСАТЫ МЕН МІНДЕТТЕРІ

Біз осы тақырыпты басшылыққа ала отырып мынандай мақсат, міндеттерді алға қойдық:

Мемлекеттік әнұран егеменді еліміздің туы мен елтаңбасының сазды баламасы екендігін дәлелдеу;

Осы қызметті «Менің Қазақстаным» әні мінсіз атқарып отырғанын дәлелдеу;

Осы мақсатқа жету жолында біз мына төмендегідей міндеттерді алға қойдық:

Әнұранның мән-мағынасын ашу;

Қазақ тарихындағы әнұран қызметін атқарған әндерге талдау жасау;

Қазақ Советтік Социалистік Республикасының тұсында 70 жыл бойы халқымыз шырқап келген әнұранның көсемшілдік, идеологиялық мәнін ашып көрсету;

Тәуелсіздігімізді алғаннан кейінгі яғни, 1992 жылы қабылғанған әнұранның қоғамдағы рөлін, атқаратын қызметін, ауыстырылу себептерін жан-жақты қарастыру;

«Менің Қазақстаным» әнінің халық жүрегінен шыққан әнұран ретінде зор шабытпен, патриоттық сезіммен, азаматтық мақтанышпен айтылатын әнұран екендігіне шек келтірмеу;