Тадао Касио және Casio компаниясының қалыптасуы мен технологиялық жетістіктері

Тадао Касио

Тадао Касио 1917 жылы 26 - шы қарашада, Жапонияның батысында, Уда ауылында, Кочи әкімшілік бөлігінде дүниеге келген.

Тадао туған қабыршақ үй көрікті жерлермен қоршалған еді. Үйдің терезесінен ортағасырлық қамалдың көрінісі көрінетін.

Карио отбасы 1923 жылға дейін ауылда тұрды. Токиолық жер сілкінісінен кейін Касио отбасына қалаға көшуге мүмкіндік туады.

Бірақ, қаладағы өмір жеңіл болмады, құрылыста әкесіне аз төлейтін.

Тадаоның оқуын төлеу үшін, әкесі трамваймен жүру арқылы ақшасын үнемдеп жүрді.

Тадао әкесін үмітін ақтады, ол сыныпта ең үздік болды.

Мектеп бітіргенде оны озат оқушы ретінде Тадаоны бірден қозғалтқыш жасайтын зауытқа алды. Ол жұмысқа бірінші келіп, ең соңынан қайтатын. Өйткені ол завод төлеп беретін кешкі техникалық курстарға барып жүрді.

Тадао бар күшін аямай жұмысқа, оқуға саламын деп, денсаулығын құртып алып, әскер қатарына жарамай қалған еді. Сол замандағы жапондық үшін бұл өте ұят нәрсе болатын.

Екінші дүниежүзілік соғыстың қайнап тұрған шағында, 1942 жылдың жазында Тадао өзінің кәсіпорнын ашты. Осыған дейін істеген зауыттан токарь станогын сатып алып, оны ауладағы сарайға орнатады.

Көп ұзамай Тадао әскери ұшақ бөлшектерін жасап, несиесін қайтарып, үйлену тойына ақша жинап алады.

Аяқ астынан, Тадаоға фрезерлік станогын ұсынады. Бұл станок өте пайдалы болды : онымен табақтар, ас пісіретін аспаптар жасап шығаруға болатын.

Осы станоктан түскен қаражат Карио отбасына соғыстан кейінгі қиын-қыстау заманды өткізуге және болашақты қамтамасыз етуге де жетті.

1949 жылы Тадао мен оның бауырлары Токиода өткен бизнес-көрмеден электрлі калькуляторды көреді. Олар өздері калькулятор жасап шығарып, содан пайда көргісі келді. Сол кездегі калькуляторлардың көбі қолмен немесе мотордың көмегімен басқарылды.

Ағайынды Касиолар соленоидтің көмегімен жұмыс істейтін калькулятор жасап шығаруға бел буады. Бірінші жұмыс үлгісі 1954 жылы аяқталды.

Бұл бірінші жапониялық электромеханикалық калькулятор болатын.