Жүн және тері, ішіктік шикізаттардың микрофлорасы. Ет және тері – ішік шикізаттары өндірістерін ветеринариялық бақылау

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ СЕМЕЙ ҚАЛАСЫНЫҢ ШӘКӘРІМ АТЫНДАҒЫ МЕМЛЕКЕТТІК УНИВЕРСИТЕТІ АГРАРЛЫҚ ФАКУЛЬТЕТ «ВЕТЕРИНАРИЯЛЫҚ САНИТАРИЯ» КАФЕДРАСЫ

БӨЖ

1. Жүн және тері, ішіктік шикізаттардың микрофлорасы. Ет және тері - ішік шикізаттары өндірістерін ветеринариялық бақылау.

2. Қи микрофлорасының сандық құрамы. Қидағы микробиологиялық үрдістер. Қиды биотермиялық өңдеу.

Орындаған :Сырымова. Б. Е

Тексерген :Омарбеков Е. О

Тері бетіне түк, май және май бездерінің өзектері шығады. Сау мал терісінің қабатында микробтар түк ұясында және өзектерде болады. Шел қабық стерилды, оның бетіне микробтар мал терісін сыдырғанда және теріні өңдеу кезінде түседі.

Ыдырау процесі терінің ластанған, бүлінген, бүктелген жерлерінен басталады. Осындай жерлерден протеолитты мезофилды бактериялардың 20-ға жуық түрі болады. Без өзектері және түк ұясы арқылы микробтар тканға өтеді. Егер орта әлсіз сілтілі болса, онда олар өте тез дамиды. Ткандар ыдырай бастағанын тері түсінің өзгеруіне, шірік иісіне қарай анықтауға болады.

Теріде болатын микроорганизмдер құрамы әр түрлі болады. Микробтардың шар тәрізді және таяқша тәрізді формалары, саңырауқұлақтар, аэробтар, анаэробтар кездеседі.

ЖҮН МИКРОФЛОРАСЫ

Тері, аң терісі инфекция таратушы ретінде.

Тері, аң терісі ауру малдікі болса, инфекция таратуы мүмкін, кейде ауру тудырушылар тері бетіне ұшаны мүшелегенде және басқа жолдармен түседі. Қоздырғыштары спора түзетін мал аурулары адам үшін өте қауіпті, өйткені олар ұзақ уақыт қоршаған ортада сақталады және ауру тудыруы мүмкін.

Патогенді микробтарды бір теріден екінші басқа теріге шыбын, тышқан таратуы мүмкін.

Қи микробиологиясы. Қида көп органикалық заттар болады, осыған байланысты қида микроорганизмдер дамуына өте қолайлы жағдай туады. Микробтар қидың қоректік заттарын пайдаланумен қатар оны қалыптастырады. Микробтар тіршілік әрекетінің арқасында қи органикалық тыңайтқышқа айналады.

Қиды мал астынды сақтау. Қи мал астында тығыздалады, анаэробты жағдай туғызады, онда микробиологиялық процесс баяу жүреді. Бұл жағдайда қида пайдалы заттар көп сақталады, соның арқасында қи жақсы органикалық тыңайтқышқа айналады. Қиды осылай сақтағанда қи ыдырайды. Қора ауасында аммиак және басқа газдар көбейеді, бұлар малдың сілекей қабықтарын ісіндіреді және сөйтіп малға инфекция түсуіне мүмкіндік туады.

Тығыз сақтау. Қиды қи қоймасына қатарлап салып үйеді, тығыздайды. Қи үйіндісінде анаэробты жағдай туады, онда микробиологиялық процесс баяу жүреді және температура сәл көтеріледі. Органикалық заттар баяу ыдырайды, клеткада нашар минералданады. Фосфор қышқылы сақталады, азот шығыны кемиді, өйткені аммиак гумин қышқылына қосылады. Тығыз қида спора түзбейтін бактериялар әсері күшті жүреді.

Борпылдақ тығыз сақтау. Қиды алғашқы кезде үймеге тығыздамай салады. Ауа келуі арқасында микробиологиялық процестер қауырт жүреді, температура 50-60 С-қа дейін көтеріледі. 4-5 күннен кейін жиылған қиды тығыздайды. Қидың екінші қабатын борпылдақ етіп салады, бұл қабат қызғаннан кейін тағы тығыздайды, үйме дайын болғанша осылай істей береді. Қи қызғанда органикалық заттар шығыны арта түседі, спора түзбейтін микробтар, соның ішінде патогендік бактериялар өледі.

Борпылдақ сақтау. Қиды борпылдақ етіп салады, бұл аэробты жағдай туғызады және микробиологиялық процестің қауырт жүруіне әсер етеді. Аммонификаторлар белокты аммиакқа дейін ыдыратады. Уробактериялар мочевинаны ыдыратқанда да аммиак түзіледі. Аммиак нитрофикаторларға қорек болады, олар аммиакты нитриттер мен нитраттарға дейін тотықтырады.