Қазақстандағы ең дәулетті адамдар

Семей қаласының Шәкәрім атындағы мемлекеттік университеті

Орындаған: Құрманбекова Алуа

ОП-215

Семей 2015

Forbes журналы ғаламшардың шіріген байларының жаңа тізімін жария етті. Биылғы жылдың наурыз айындағы жағдай бойынша ақшаның бетіне қарамайтын адамдардың қарасы көбеймесе, азаймаған. Демек, ғаламдық дағдарыс жекелеген жандарға анау айтқандай әсер етіп жатпаған екен…

Осы тізімнің жуан ішіде бір топ қазақстандық қалталылардың болғандығына мақтанып отырмыз. Әлемнің ең бай адамдарының тізіміндегі отандастарымыздың тізімі былай анықталады:

Болат Өтемұратов - 2, 6 млрд. АҚШ доллары бар, әлемдік тізімде 714-орында тұр.

Алиджан Ибрагимов - 2, 2 млрд. АҚШ доллары бар, әлемдік тізімде 847-орында тұр.

Тимур мен Динара Құлыбаевтар - 2, 1 млрд. АҚШ доллары бар, әлемдік тізімде 894-орында тұр.

Владимир Ким - 1, 8 млрд. АҚШ доллары бар, әлемдік тізімде 1054-орында тұр.

Болат Өтемұратов

Қазақстан Республикасы Президентінің Іс басқарушысы, сонымен қатар Қазақстантеннис федерациясының президенті.

Forbes журналының 2008 жылғы дәулетті адамдар тізіміне енген (1 млрд АҚШ доллары бар) .

Дипломат әрі банкир Болат Өтемұратов Қазақстан президенті Нұрсұлтан Назарбаевтың «сенімді көмекшісі» ретінде мәлім. Ол алғаш рет «Форбс» журналы жариялаған әлемдегі бай адамдардың тізіміне 2008 жылы 1 миллиард АҚШ долларына тең байлығымен енген. Daily Telegraph басылымының жазуынша, енді Өтемұратовтың байлығы Тимур Құлыбаевтан да, лондондық ірі тау-кен корпорациясы ENRC-дің тең құрылтайшылары Александр Машкеевич, Патох Шодиев және Алимжан Ибрагимовтерден де асып түспек.

Болат Өтемұратов та Нұрсұлтан Назарбаев сияқтытеннисті жақсы көреді, ол - елдегі теннис федерациясының президенті. Болат Өтемұратов Қазақстанның Швейцариядағы елшісі қызметін атқарған. Бұдан соң елдегі ең табысты банктердің бірі - АТФ банкін құрды. 2008 жылдың аяғына дейін 3 жыл бойы президенттің іс басқарушысы болып қызмет істеді. «Өтемұратов АТФ банкіндегі акцияларын италиялық Unicredit банкіне сатқаннан бері әлемнің миллиардерлері қатарына енді» деп жазады ұлыбританиялық басылым.

Болат Өтемұратов 2009 жылы Мәскеуде «Ritz-Carlton» қонақ үйін 350 млн АҚШ долларға сатып алды

Чилидің Сантьяго қаласында Халықаралық теннис федерациясының (ITF) президенті мен федерацияның директорлар кеңесінің мүшелерін сайлау өтті. ITF директорлар кеңесінің мүшелігіне төрт жылға 25 кандидаттың ішінен Қазақстан теннис федерациясының президенті Болат Өтемұратов сайланды. ITF директорларының жаңа құрамына түрлі елдердің 13 кандидаты кірді.