Сэм Уолтон (1918-1992): Wal-Mart пен Sam’s Club негізін қалаған кәсіпкердің өмірбаяны

Сэм Уолтон

1918 - 1992

Сэмюэль Мур Уолтон - американдық бизнесмен, Wal - Mart және Sam’s Club дүкендер желісінің негізін қалаушы. 1985 - 1988 жылдары Forbes журналы Сэм Уолтонды Американың ең бай адамы ретінде мойындады.

С. Уолтон 1918 жылдың 29 наурызында Кингфишер қаласында дүниеге келген. Ата - анасы фермерлер - Томас Гибсон Уолтон мен Нэн Уолтон.

1923 жылы 5 жасында Миссури штатының Спрингфилд қаласына көшіп барады. Сол жерде ол сабаққа барады.

Ұлы дағдарыс кезінде Сэм Уолтон отбасылық сүт сату бизнесіне ат салысады, оның міндетіне сиыр сауу мен сүтті сатып алушыларға жеткізіп беру болды.

7 жасында Сэм журнал сата бастайды, ал 7 - ші сыныптан бастап колледж бітіргенге дейін ол газетті үйлерге жеткізуші болып жұмыс жасайды.

Сондай - ақ, оқуда жүріп Сэм Уолтон қояндар мен көгершіндер өсіріп, оларды сататын.

Кейінірек Сэм Колумбиядағы орта мектепті аяқтайды. Бітірген соң ол Миссурия Университетіне түседі, ол жерде ол жоғарғы курстардың президенті болады.

1940 жылы Сэм оқуды аяқтауға жақын қалғанда J. C. Penneу компаниясына жұмыс істеуге шақырту алады. Сол жылдың 3 - ші шілдесінде Дес Мойнсқа көшіп барады. Ол жерде менеджер - тәжірибеші болып қызмет атқарады. Айлығы айына 75 АҚШ доллары болатын.

1942 жылы Сэм J. C. Penneу компаниясынан шығып, Тулсаға, оңтүстікке кетіп қалады.

Сол жерде ол болашақ әйелімен танысады. Есімі - Хелен Робсон.

1 жылдан кейін Оклахома штатының Клэрмор қаласында Сэм мен Хелен үйленеді.

Соғыс аяқталғаннан кейін, Уолтондар саудамен айналысуға бел буады. Сэм 25 мың АҚШ долларына дүкен сатып алады. Дүкен 1945 жылы 1 қыркүйекте жұмыс істей бастады.

Жұмыстың алғашқы жылы табыс - 105 000 АҚШ, 2 - ші жылы - 140 000 АҚШ доллары, 3 - ші жылы - 175 000 АҚШ долларын құрады.

Бесінші жылы Уолттардың дүкені 6 штаттың ішінен дүкендер желісінің көшін бастап тұрды.

1950 жылы Уолтондар отбасы Бентонвилль қалашығына көшіп келеді. Бұл кезде Уолтондарда төрт бала болатын: Боб, Джон, Джим және қыздары Элис.

Сэм Уолтон Бентонвильде «Walton’s Five and Dime» атты дүкенін ашады.

1952 жылы Сэм Фейетвиллде, 1962 жылы бауыры Бадпен бірігіп, Арканзас, Миссури, Канзас штаттарында 16 дүкен ашады. Алғашқы Вол - Март дүкені Роджерс қаласында, 1962 жылы ашылды. Ол кезде Сэм 44 - те еді.

1979 жылға қарсы Вол - Март дүкендерінің саны 230 - ға жетеді, ал олардың жылдық табысы - 1 млрд АҚШ доллары болды.

1985 - 1988 жылдары Форбс журналы Сэм Уолтонды АҚШ - тағы ең бай адам ретінде жариялады.