Отбасы және балалар құқықтары: Қазақстандағы этностық әртүрлілік пен отбасының әлеуметтік функциялары

Сабақтың тақырыбы: Отбасы және жатар.

Үй тапсырмасын тексеру.

Сұрақтаға жауап беріңдер

Қазақ жеріне қоныс тепкен түрлі этнос өкілдерінің осында келу тарихына көңіл аударыңдар.

Қазақстанды мекен еткен ұлт және этностарға сипаттама беріңдер.

Отбасындағы балалар мен ата-аналардың құқықтары. Отбасы жағдайында бала ерекше құқықтарға ие. Балалар құқықтары туралы конвенция бойынша он сегіз жасқа (кәмелетке) толмаған азаматтар бала болып есептеледі. Әр баланың отбасында өмір сүруге және тәрбиеленуге құқығы бар. Бала отбасында өз мүддесін қозғайтын кез келген мәселені талқылауға қатысуы керек. Соттасу кезінде он жасқа толған баланың пікірі ескеріледі.

Отбасы мынадай функциялар атқарады:

- бала өсіріп, тәрбиелеу арқылы ұрпақ жалғастығын қамтамасыз ету. Қоғам үнемі өзінің демографиялық өсуін қамтамасыз етуі керек. Әсіресе жері көп, халқы аз Қазақстан қоғамы үшін бүл өте өзекті мәселе болып табылады. Өйткені қазақ жерінің мол табиғи байлығын игеру, орасан үлкен аумақты қорғау, дүние жүзіндегі қуатты елге айналу үшін Қазақстан Республикасына адам керек. Келешекте Қазақстан 50 млн тұрғыны бар ірі елге айналуы керек. Сондықтан мемлекет жастардың дер кезінде отбасын құруына, бала өсіруіне мүдделі;

баланы әлеуметтенуге, екінші сөзбен айтқанда, қоғамда өмір сүруге дайындау. Баланың қоғамда бағаланатын құндылықтарды меңгеруін, білім алуын, кәсіп таңдауын, өзінің кабілеттерін пайдаланып еңбек етуін, қоғамда өмір сүруге үйренуін, алдымен, отбасы қамтамасыз етеді;

отбасы мүшелерін баспанамен, көлікпен, киіммен, тамақпен, үй заттарымен, оқуға, еңбек етуге қажетті жабдықтармен, тағы да басқа қамтамасыз ету.