Адамның ішкі дүниесінің бірегейі

Қазақстан Республикасы Білім және ғылым министрлігі

Шәкәрім атындағы Семей мемлекеттік университеті

Семей 2015 жыл

Орындаған: Әбікен Д. Б.

Т-441 тобы

Адамның сыртқы бейнесі оның ішкі жан дүниесімен тығыз байланысты. Ішкі жан дүние - мінез-құлық. Дауыс көтеріп оспадарсыз сөйлесең, сыртқы бейнең қанша сұлу болып, әдемі киініп тұрсаң да жарасым таппайды. «Киіміне қарай қарсы алып, ақылына қарай шығырып салады» деген ұғым осыны меңзеп тұрған секілді. Адаммен қарым-қатынасың сөз ғой, сондықтан да айналаңнан күнделікті өмірде жақсы, жанға жағымды сөзбен дауысыңды, сөйлеу мәнеріңді түзетіп, жақсылықты бойыңа жина. Рухани байлығың - білім мен тәрбие.

Ішкі әлемнің дамуы мынадай жақтармен анықталады: 1) жаңа ойдың, сезімнің пайда болуы; 2) бар ойдың, сезімнің жоғалуы; 3) бар ойдың, сезімнің жетілуі, өркендеуі.

Әрбір адамды әлем қоршайды

табиғат қоғам

адам өнер

техника ғылым

Гераклит рух деп сананы түсінген. Осыған орай, осы екі категорияны әзірге синонимдер деп қарастыруға болады. Сананың ішкі әлем негізі болатындығын ескере отырып, ішкі әлем дамуын немесе рухани даму деп айтсақ та орынды. Әрине, бұл пікір біршама нақтылауды қажет ететіні белгілі. Осы мәселе жөніндегі білім дамуының қазіргі деңгейіне арқа сүйей отырып рух- адамды өмір сүруге құштар ететін моральдық күш, яғни ерік деп айтуға болады.

Бұл өмірде адамдардың жан-дүниесін танып-білудің, әрқайсының сана-сезімімен санаса келіп, олардың жеке-дара өзгешеліктерін түсіне білудің маңызы айрықша. Ол әрине, өзара қарым-қатынас жасау, сыйласу барысында анықталатын қасиеттер. Тек есте болатын бір жағдай, жеке адамның әртүрлі ерекшеліктерінің дамып, қалыптасуы оның өзі өмір сүріп отырған ортасына, ондағы қоғамдық қатынастарға (экономикалық, саяси) тәуелді. Өмірдің бір орында тұрмайтыны белгілі. Адамның айналасындағы жағдайлар үнемі өзгеріп отыратындықтан, оның әртүрлі психикалық өзгешеліктері де біртіндеп өзгеріске түседі. Соған қарамастан, адам тану бойынша зерттеу жүргізушілер адамның сыртқы кескін-келбеті, жүріс-тұрысы, сөйлесу, сәлемдесу әдебі, ұйықтау, отыру мәнері арқылы-ақ оның қандай мінезді, ақыл-парасатының, ерік күшінің, белсенділігінің қаншалықты екенін аңғаруға болады деп есептейді.