Сауат ашуға арналған дидактикалық материалдар

Топ:П-305

Орындаған: Дуйсембаева Д. С.

Тексерген:Таттимбетова С. Ж.

Сауат ашу пәнінен дидактикалық материал

Ф ф дыбысы және әрпіне арналған тапсырмалар:

Сөздерде неше әріп бар екенін санмен көрсет:

Туфли Фирма Факс Физика Марафон

Сөздерді буынға бөліндер:

Фариза Фатима Фархат Фазыл

Сс дыбысы және әрпіне арналған тапсырмалар.

Жоғалған «С» әрпін орнына қойыңдар.

. . . абақ, . . . ары, қа . . . қыр, а . . . пан.

Жазылған сөздерді оқу, буындарға бөлу, дыбыстық талдау жасау, дауыссыз, дауысты дыбыстарды табу

хор хабар кітапхана асхана

хат халат шеберхана дәріхана

Көп нүктенің орнына қ немесе х әрпін қой

Ша . . . мат, ас . . . ана, . . . алам, . . . абар, . . . алық, ба . . . а

Сауат ашу пәнінен дидактикалық материалдар қатарына дидактикалық ойындарды қосуға болады:

Дидактикалық ойындар:

«Кім тапқыр?»

Мақсаты: берілген тыбыстың орныны таба білуге машықтандыру. Ойын барысында балалары зейінді болуға дағдыландыру. Түстерді тез айырып, жылдамдыққа, тапқырлыққа баулу. Достық қарым қатынасты тәрбиелеу.

Ойын шарты: тәрбиеші берілген дыбыстың сөздің басында, ортасында, соңында келетіндігін айтады. Балалар зейін қойып тыңдап, егер өтілген дыбыс сөздің басында болса, көк жалаушаны, соңында болса, қызыл түсті жалаушаны жоғары көтереді.

Мысалы: Самат, сағыз, тіс, сиыр, қасық, сабын, тас.

Басқа әріптерге де осылайша жалғастыра беруге болады.

«Қарама-қарсы сөздер»

Мақсаты:антоним сөздерді салыстыру жолымен балалардың ой-өрісін кеңейту, ойлау қабілетін дамыту, сөздік қорын қарама-қарсы сөздермен молайту, зейінділігін арттыру.

Көрнекілігі:доп, карточкалар.

Ойын шарты:тәрбиеші шеңбер бойымен тұрған балаларға кезекпен допты лақтырып антоним сөздерінің бірін айтады, ал допты ұстап алған бала тәрбиешіге кері лақтырып, айтылған сөзге қарама-қарсы сөзді айту керек.

Мысалы:тәрбиеші: «үлкен» десе, бала «кіші» деп, «биік» десе «аласа» деп жауап береді.

«Сөз ойла, тез ойла»

Мақсаты:берілген дыбысқа сөз ойлап, сөздегі дауысты, дауыссыз дыбыстарды ажырата білу. Сөздік жұмыс жүргізу арқылы баланың сөздік қорын молайту. Ойын арқылы балаларды тапқырлыққа баулу.

Көрнекі құралдар: кеспе әріптер қалтасы, текшелер салынған сандық, текшелер (дыбыстардың дауысты, дауыссыз екендігін білдіретін ерекше белгісі бар) .

Ойын барысы:тәрбиеші әріп қалтасынан кез келген бір әріпті көрсетеді. Балалар сол әріптен басталатын сөздерді айтады.

Сандыққа бірнеше текше салып қояды. Бала өз қолымен біреуін алып сол дыбыстан басталатын заттарды айтады.

Мысалы:А - болса:

Балалар: Ай, алма, алмұрт, асқабақ, т. б.

«Кім зейінді?»

Мақсаты:дауысты, дауыссыз дыбыстарды ажырата білуге үйрету. Балалардың, байқағыштық қасиеттерін дамыту.

Көрнекілігі:әр түрлі суреттер, текшелер

Ойын шарты:тәрбиеші балаларға әр-түрлі суреттер, ойыншықтар көрсетеді. Егер сол суреттің басындағы дыбыс дауысты болса, балалар қызыл текшені, дауыссыз болса, көктекшені көтереді.

Тәрбиеші балалардың іс-әрекетін мұқият бақылап, қателеспеген, ойынға белсене қатысқан балаларға жалауша, жұлдызша, не асықтар үлестіріп отырады.

Сабақтың соңында берілген заттар саналып, жеңімпаз белгіленеді.