Тас көмірді флотациялық әдіспен байыту: әдістері, реагенттері және өндірістік нәтижелері

Тас көмірді флотациялық әдіспен байыту

Орындағандар: Колхозов С. С

Мадикасимова М. С

Маратова А. М

Хамитова С. Э

Қабылдаған: аға-оқытушы Қалабаева М. Қ.

Жоспары:

І. Кіріспе.

ІІ. Негізгі бөлім.

1. Байыту процесі

2. Кен байыту әдістері

3. Флотация әдісі

4. Флотация түрлері

5. Флотация жүргізудің географиялық орны

6. Қалдықты өңдеу технологиялары

7. Тәжірибе нәтижелері

ІІІ. Қорытынды.

Кіріспе

Көмір жер қойнауында органикалық заттардың өзгеруінен пайда болған. Ол табиғи аз су жұқтырғыш зат. Көмір гравитациялық және флотациялық әдістермен байытылады. Ірілігі 300 м-ге дейін ұсатылған көмір көбіне 3классқа бөлінеді. -300+10, -10+0, 5 және -0, 5+0. Ең ірі класс ауыр орталарда байытылады. Ортаңғы класс флотация әдісімен байытылады.

Байыту процесінің жіктелуі

Флотация әдісі

Флотация- ұсақ бөлшектерден тұратын қатты фазаның компоненттерін бір-бірінен бөліп немесе сұйық фазадағы қатты бөлшектерді бөліп алу әдісі. Флотация әдісі минерал түйіршік беттерінің сулануының әртүрлілігіне негізделген. Егер беті нашар суланатын минерал түйіршігі су ішінде ауа көпіршігімен соқтығысса ол оған жабысады да, су бетіне қалқып шығады, ал жақсы суланатын түйіршіктер ауа көпіршігіне жабыспайдыдағы су ішінде қалып қояды.

Флотациялық процестің сызбасы

Флотацияның классификациясы

Егер флотациялауда кеннен бірнеше минералдар бірінен соң бірі жеке бір металды концентрат түрінде алынса, онда процесс селективті флотация деп аталады.

Егер кеннен екі не одан да көп минералдар бірге флотацияланса онда концентрат көп металды болады да, процесс коллективті флотация деп аталады.

Коллективті концентрат әрдайым бір металды концентраттарға бөлінеді. Мұндай жағдайда процесс коллективті-селективті флотация деп аталады.

Флотация әдісі дамуында оның бірнеше түрі ашылды. Ең алдымен, майлы флотация белгілі болды. Ұнтақталған кенге әртүрлі мөлшерде минералды майлар қосылып араластырылды. Беті аз суланатын минералдар түйіршіктері май түйіршіктерінің бетіне жабысып, су бетіне қалқып шығады. Осыдан соң минерал түйіршіктері май қабатымен бірге сыпырылынып алынады да майдан бөлінеді.

Егер құрғақ, ұсақ ұнтақталған кенді өте біркелкі су бетіне сепсе, су жұқтырмайтын минерал түйіршіктері қалқиды да, ал суланғыш минералдар түйіршіктері бірден батып кетеді. Бұл процесс қабыршықты флотация деп аталады.

Пульпа ішінен суланбайтын минерал түйіршіктерінен майланған жазық бетке қабырғаға жабыстырып бөліп алуға болады. Өндірісте бұл әдіс кеннен алмаз түйіршіктерін бөліп алуға қолданады. Процесс қатты қабырғамен флотациялау деп аталады.

Көбікті флотация

Су ішіне ауа көпіршіктері енгізілсе беті суланбайтын минерал түйіршіктері оның бетіне жабысады, ал суланған түйіршіктер көпіршікке жабыспай су ішінде қалып қояды. Суланбаған түйіршіктер ауа көпіршігіне жабысқан түрде бірге қалқып су бетіне шығады. Демек, флотация процесінде минералдардың бөлінуі олардың су ішінде ауа көпіршіктерінің таңдамалы жабысуына негізделген. Көбікке суланбайтын минерал жиналады да, су ішінде суланатын минерал қалады. Бұл әдіс көбікті флотация деп аталады. Көбікті флотация үш түрлі фазалардың-қатты зат, су және ауа қатысуымен жүреді.

Флотациялық реагенттер

Минералдардың табиғи сулану қасиеттерінің арасындағы айырмашылықты арттыру үшін, демек флотациялануға тиісті минералдың сулануын төмендету үшін, ал флотацияланбайтын минералдардың сулануын жоғарылату үшін арнайы химиялық заттар қолданылады, оларды флотациялық реагент деп атайды.

Флотациялық реагенттер ретінде көптеген химиялық класс топтарына жататын заттар қолданады: органикалық және анорганикалық, тұздар, қышқылдар, сілтілер және тағы басқа. Олардың атқаратын қызметтері: минерал беттерінің сулануын арттыру және төмендету, ауа көпіршіктерінің тұрақтылығын сақтау. Сулы ортада сутек не гидроксил иондарының концентрациясын реттеу.