Электр тоғы әсерінен өлген жануарларды патологиялық-анатомиялық сараптау

Қазақстан Республикасының Білім және ғылым министрлігі Жәңгір хан атындағы Батыс Қазақстан аграрлық-техникалық университеті

«Жұқпалы емес аурулар және морфология»

кафедрасы

“Патологиялық анатомия” пәнінен

Курстық жұмыс

Тақырыбы:

«Тоқтың әсерінен өлген жануарларды сараптау»

Орындаған: ВС-33 топ студенті

Қадыр А. Б

Тексерген: аға оқытушы

Сабыржанов А. У

Орал, 2014

Қазіргі уақытта жануарлар әр түрлі факторлардың әсерінен өледі. Негізгі фактор ретінде - найзағайдың тоғының әсерінен, электр тоғының әсерінен өлімге ұшырайды.

Электр тоғының әсер ету механизмі әлі толықтай зерттелген жоқ. Ағзаға өткен тоқ ішкі мүшелерге айтарлықтай зиян келтіреді.

Жануарларға найзағай, электр тоғы әсерінен болатын жарақаттарға диагноз қою қиын. Себебі жануарларда жергілікті өзгерістер жоқтың қасы. Сым тиген теріде металл қалдықтары қалып қойған жағдайда зақымданған жерді микроскопиялық әдіспен анықтайды.

Патанатомиялық өзгерістері.

Ағзадан өткен тоқ ішкі мүшелерге айтарлықтай өзгерістер тудырады. Соның ішінде өкпе және жүректе байқалады. Токтың әсерінен өлген жануарды жарып сойып көргенде ең алдымен қан құйылу белгілері байқалады. Қан құйылу ошақтары теріде, көздің, асқазанның, ішектің шырышты қабықтарында, өкпеде, жүректе және олардың үлпершектерінде, ми қабықтары мен тканінде көрінеді. Ауыз қуысында, бадамша бездерде, асқазан-ішекте, кеңірдек пен бронхтарда қан құйылу ошақтары некрозданып фибринді қабықпен қапталады. Мида ісіну белгілері, нерв және некробиоздық өзгерістер дамып, тыныс алу және қан айналу жүйесінің өзгеріске ұшыраулары байқалады.

Қораларды, мал тұратын орындарды жарықтандыру үшін қолданылатын электр тоғы жануар үшін өте қауіпті.

Кейде жоғарғы кернеулі тоқпен электр көзіне жақындамай- ақ электр жарақатын алуы мүмкін. Себебі элктр желісіне жақын тұрған кезде тоқ доғаланып барып тиеді. Электр тоғымен зақымдану жануарлардың тұяқтарын қатты басып жүргеннен де болады. Себебі жердің астымен өткізілеген тоқ тұяқпен қатты басқанда табанға тоқ беріледі.

Әр түрлі кернеудегі тоқтардың барлығынан өліп кетуге болатынын естен шығармау керек. 10 вольт төменгі кернеуі бар тоқ көзінен жарақат алып, өліп кетуі мүмкін. Жануарларды өлтіретін тоқтың күші 0, 1-0, 25 А дейін жетеді.