Социеталды бірлестік және мемлекет. Құқықтық жүйе

Социеталды бірлестік және

мемлекет.

Құқықтық жүйе

Жоспар

I. Кіріспе бөлім

II. Негізгі бөлім

1. Социеталды бірлестік пен саясат

2. Азаматтық қоғам мен мемлекет

3. Қазақстанда құқықтық мемлекет пен азаматтық қоғам құру мәселелері

III. Қорытынды бөлім

IV. Пайдаланылған әдебиеттер

Мақсаты:

Студенттерге саясат, құқықтық жүйе және азаматтық қоғам туралы толық мәлімет беріп, Қазақстанның да өзіне қажетті құндылықтарды енді игере отырып, азаматтық қоғам бағытына аяқ басуына куәгер ету.

Міндеті:

Социеталдық бірлестік пен саясаттың теориялық негіздерін анықтау; Әр түрлі жылдар аралығында жүргізілген саясатты салыстыру; Қазақстандағы құқықтық мемлекет пен азаматтық қоғам құру мәселелерін қарастырып, қорытынды жасау.

Саясат дегеніміз - қоғамдағы үлкен әлеуметтік топтар мен таптар, ұлттар мен ұлыстар, олар мен мемлекет арасындағы, қарым-қатынас барысындағы олардың өз мүдделерін қорғауға, іске асыруға, саяси билікті жеңіп алуға, сақтап қалуға бағытталған және оны қолдау тәсілдері жайлы әрекеттер жүйесі. Саясат қоғамның дұрыс қызметі және оның өмірін қамтамасыз ету үшін қажет және сол үшін пайда болған. Сондықтан саясат қоғамның қажетті әрі маңызды элементі болып табылады.

Саясаттың функциялары:

қоғамның тұтастығын қолдау және нығайту

қоғамдық тәртіп пен ұйымдасуды қамтамасыз ету

қоғамның жалпы мақсатын анықтау

құндылықтар мен игіліктерді бөлу

топтық жанжалдарды болдыртпау және оларды реттеу

әлеуметтік субъектілерді байланыстыру

Саясаттың элементтері ерекшелігі

саяси сана

саяси-құқықтық нормалар

билік институттары

билік қатынастары.

мемлекеттік билік мәселесіне байланысты

Азаматтық қоғам - саяси өкіметке тәуелсіз жұмыс істейтін және оған ықпал жасауға қабілетті әлеуметтік қатынастар мен институттар жиынтығы; дербес жеке адамдар мен әлеуметтік субъектілер қоғамдастығы. Қандай да болмасын қоғамдық мәні бар идеяларды қабылдау қашанда сұхбатты, яғни сұхбаттасушы жақтардың түрлі көзқарастарын және маңызды тепе-теңдігін білдіреді.

Мемлекет - белгілі бір аумаққа иелік етіп, сол жердегі халықтың еркін дамуына мүмкіндік беретін, қоғам табиғатынан туындайтын ортақ істерді атқаруға қажетті басқарудың жоғарғы дәрежеде ұйымдасқан жүйесі, саяси билік ұйымы. Егемендікке, заңдастырылған зорлықты пайдалануға монополияға ие және қоғамды басқаруды арнайы механизмдер (аппарат) арқылы жүзеге асыратын қоғамдағы саяси билікті ұйымдастырудың еркеше түрі, саяси жүйенің орталық институты.

Қазақстанда құқықтық мемлекет қалыптасу ісіне қазақ ұлтының тарихи ой-санасы мен саяси мәдениетінің озық үлгілері қызмет етуі шарт. Сонымен жоғарыдағы қарастырылған мәселелерді қортыта келе, азаматтық қоғам мен құқықытық мемлекет құру жолында Қазақстанда күрделі процестер жүріп жатыр деп айтуға болады. Атап айтар болсақ құндылықтарды бағалау, рухани бағдарлардың жаңа мәнге ие болуы, қоғамдық сананың трансформациялануы билікке, қоғамға, саяси жүйеге деген көзқарастарды қалыптастыруда. Бұл жағдайда авторитарлық басқару әдісінен бас тартып, азаматтық қоғам мен құқықтық мемлекет негізін құруға бағыт алған Қазақстан саяси басқару жүйесі, өз қызметінде демократиялық нормалар мен принцптерді басшылыққа алуы қажет.