Программалық жабдықтардың түрлері және программалау тілдерін топтаудың негіздері

Сервистік көмекші программалар

Программалық жабдықтар

Бұл түрлі есептерді шешуге арналған күнделікті қолданатын программалардың жиыны. Программаларды үш топқа бөлуге болады: жүйелік, қолданбалы және ЭЕМ-ға жаңа программаларды құруды қамтамасыз ететін аспаптар құралдары(инструменталды) .

Жүйелік программалық жабдықтар (ЖПЖ)

Компьютердің жұмысын басқаратын, қолданушымен компьютер арасында байланысты қамтитын, есептеуіш техниканың құралдарын біртұтас есептеу жүйеге біріктіретін және ЭЕМ-ның жұмысын тексеретін программалар . Жүйелік программаларға келесі программалар жатады:

операциялық жүйе; қөптеген сервистік(қызметшы) программалар; компьютерлердің желідегі жұмысын қамтитын программалар.

Қолданбалы программалық жабдықтар (ҚПЖ)

Бул белгілі бір мақсатта қолданатын, нақты бір жұмыс саласында есептерді шешуге арналған программалар. Мысал ретінде -бухгалтерлік есеп программаларын, ойын, оқыту программаларын келтіруге болады.

Аспаптар құралдары(инструменталды)

Бұл ЭЕМ-ға программаларды құруға немесе өзгертуге арналған программа пакеттері. Қәзіргі заманның программалау жүйелері жаңа программаларды құруға программистке күшті және ыңғайлы құралдарды ұсынады Мысал ретінде осы курста үйренетін Турбо Паскаль тілін келтіруге болады.

Программаны түрлі тәсілдер бойынша құруға болады. Оған қойылытын негізгі талап - оның сапалы және пайдаланушыға түсінікті болуында. Әдетте бұл үшін курделі информация алдын-ала тұжырымды бірнеше бөліктерге бөлініп алынады да, олардың әрқайсысына арналған жеке-жеке программа құрылады. Осыдан соң олар көмекші программалар ретінде қарастырылып түрлі тәсіл бойынша бір программаға біріктіріледі. Компьютерде есепті шешу - бұл адам мен компьютердің бірігіп жұмыс істеу нәтижесі. Бұл процесті - бірнеше тізбектелген кезеңдер ретінде қарастыруға болады.

Программалау тілдерінің даму тарихы және оларды топтау негіздері

Бірінші пайда болған программалау тілдері өте қарапайым болатын. Олардың командалары компьютерге түсінікті 1 және 0 сиволдарының тізбектерінен тұратын. Әр командаға сәйкес машиналық кодтарды жатқа білу программистке қиын болғанымен, машиналық кодтар арқылы жазылған программалар есептеу машинасының жадына көп талап коймайды. Сондықтан олар жүйелік программаларды, драйверлерді және трансляторларды құруға ыңғайлы.