Ойын технологиясы

Мемлекетіміздің егемен ел ретінде шет елдермен қарым-қатынасы нығайып, беделі артып отырған кезеңде шет тілін меңгеру-бүгінгі күннің басты талабы. Шет тілін меңгеруде көптеген қиыншылықтар кездеседі. Бұл қиыншылықтарды жеңу оқушылардың пәнге деген қызығушылығын арттырады, сондықтан да сабақта немесе сабақтан тыс жұмыстарда ойын элементтерін ұйымдастырып, пайдаланудың маңызы зор.

Ойын дегеніміз -бала әрекетінің негізгі бір түрі. Ойын арқылы адам баласы белгілі бір қоғамдық тәжірибені меңгереді, өзінің психологиялық ерекшеліктерін қалыптастырады. Сондықтан әр сабақ процесінде ойындарды ұйымдастыру- сабақтың мазмұнына, мақсатына, жас ерекшеліктеріне сәйкес таңдалуы керек.

Ойынды мынадай мақсаттар қойып пайдалану керек:

1) белгілі бір қабілетті қалыптастыру;

2) белгілі бір тілдік іс-әрекетті дамыту;

3) шет тілінде екінші біреумен қарым -қатынас жасауға үйреті;

4) қажетті мүмкіндікпен психикалық қызметті дамыту;

5) білім беру;

6) тілдік материалды еске сақтау.

Ағылшын тілі сабағында дамытпалы ойындарды құру мына бағытта жүреді:

Баланың іс-әрекетінде ойын элементтері мен оқуды байланыстыру және біртіндеп қызықты, жеңіл ойындардан ойын-тапсырмалар арқылы оқу-тәрбие мәселесіне көшу;

Ойын шарты мен оқу міндетінің күрделенуі;

Берілген тапсырмаларды шешуде баланың ақыл-ой белсенділігінің күшейуі.

Оқу мен тәрбие мақсаттарының бірлігі;

Ойындарды ағылшын тілі сабақтарында қолдана отырып, мынадай тиімділіктерді көруге болады: - әрбір ойын оқушының ағылшын тілін сөздік қорын молайтады, тілдік қарым-қатынас элементтерін меңгеруін, дұрыс сөйлеу мәдениетін қалыптастыруын дамытады; -жаңа ұғымды қабылдай отырып, ақыл-ой әрекетін дамытады; -өз бетінше жұмыс істеу білуге дағдыландырады, ойлау қабілетін, ізденімпаздығын, интелектуалдық қабілетін арттырады; -қоршаған дүние туралы түсінігін кеңейтеді, нақтылай түседі; -ойнай білуге баулып, ұстанымдылыққа үйретеді

Ойын элементтері қолданудың әдіс-тәсілдері өте көп. Оларды қолдану әр пән мұғалімінің кәсіби шеберлігіне байланысты. Ойындарды жүйелі қолдану ағылшын пәніне деген оқу танымдылық қызығушылығын арттыра отырып, шығармашылық және интелектуалды қабілеті мен дұрыс тілді қарым-қатынас жасау қабілетін дамытады. Осы атқарылып жатқан істердің нәтижесі қазіргі заман талабына сай жеке тұлғаны қалыптастырып, шығармашылық қабілеті дамыған дарынды балалардың көбеюіне жасап жатқан жағдай деп ойлаймын.