Менің ұстазым

Кабылбаева Раушан Курманалиевна

Бастауыш сынып мұғалімі

Өзін-өзі тану пәнінен ашық сабақ

Сабақтың тақырыбы:

Менің ұстаздарым

Мақсаты: “Білім”, “еңбек”, “сыйластық” адамгершілік құндылықтары туралы түсініктерін кеңейту. Міндеттері: - Оқушыларға мұғалімнің, ата-ананың, үлкендердің, кітаптың өміріндегі “ұстаздары” екендігін түсіндіру - Мұғалім еңбегіне сүйіспеншілігін, кітап оқуға қызығушылықтарын арттыру: - ұстаздарды бағалауға, сыйлап-құрметтеуге тәрбиелеу. Көрнекі құралдар: үнтаспа, “жүрекше” пішіндегі ашықхат, фольга түрлі түсті қағаздар.

Мұғалім апай ақ жүрек,

Жүреді бізге бақ тілеп

Білімі ұшан теңіздей

Сөздері балдан тәттірек.

Шаттық шеңбері.

Тапсырма.

Оқушылардың сабақта алған білімдерін іс жүзінде көрсетулеріне мүмкіндік беретін мынандай тапсырмаларды беремін:

- Төменде айтылған ойларды түсіндіріңдер.

- Бұл тапсырманы берудегі мақсат-

оқушылардың мұғалім еңбегін түсініп,

бағалай білуге ықпал ету.

Тапсырманы орындай отырып гүл жасап

шығару.

Мұғалім -білім беруші

Мұғалім -көмекші

Мұғалім -қамқоршы

Мұғалім -ақылшы

Мұғалім -сенімді дос

Мұғалім - бақ тілеуші

Мұғалім - ақ жүрек

Мұғалім - әдептілікке үйретуші

Мұғалім -жақсылыққа үйретуші

Мұғалім - тәрбиелеуші

Мұғалім - мейірімділікке үйретуші

Мұғалім - имандылыққа үйретуші

“Ұстазы жақсының,

ұстамы жақсы”

Дәйексөз

Мұғалім

-Балалар, жалпы біз кімнен немесе неден, тәлім-тәрбие, өнеге алсақ, үйренсек өзімізге соларды ұстаз санаймыз. Біз ұстаздан көп нәрсе үйренеміз.

Жаздың әдемі бір күнінде, таңертең бір төре өзінің баласымен бақшаға барып, екеуі де егілген ағаштар мен гүл жапырақтарын көріп жүрді.

Мынау ағаш неліктен тіп-тік, ана біреуі неге қисық біткен? - деп сұрады баласы.

Оның себебі, балам, анау ағашты бағу-қағумен өсірген, қисық бұтақтары болса кесіп отырған. Мынау ағаш бағусыз, өз шығу қалпымен өскен, -деді атасы.

Олай болса, бағу-қағуда көп мағына бар екен ғой, -деді баласы.

Бағу-қағуда көп мағына барында шек жоқ, шырағым. Мұнан сен де әбірет (өнеге) алсаң болады. Сен жас ағашсың. Саған да күтім керек. Мен сенің қате істеріңді түзеп, пайдалы іске үйретсем, сен менің айтқанымды ұғып, орнына келтірсең, жақсы, түзік кісі болып өсерсің. Бағусыз бетіңмен кетсең, сен де мынау қисық біткен ағаштай қисық өсерсің, -деді.

Ы. Алтынсарин

Бақша ағаштары.