Натурал сандардың бөлгіштері мен еселіктері

Натурал санның бөлгіші.

Натурал санның еселігі.

15 саны 1, 3, 5, 15 сандарына қалдықсыз бөлінеді. Сондықтан 1, 3, 5, 15 сандары 15 санына бөлгіш бола алады.

Натурал сан а-ның бөлгіші деп, осы а саны қалдықсыз бөлінетін натурал санды атайды.

Мысалы: 24 санының бөлгіштері: 1, 2, 3, 4, 6, 8, 12, 24. 13 санының бөлгіштері: 1 және 13.

Кез келген натурал сан 1-ге бөлінгендіктен, 1 саны кез келген натурал санның бөлгіші болады.

Берілген натурал санның ең үлкен бөлгіші сол санның өзіне тең.

Натурал b санына еселік сан деп, сол b санына қалдықсыз бөлінетін натурал санды атайды.

5, 10, 15, 20 сандыры 5 санына еселік сандар. Мысалы: 5:5=1, 5 саны 5-тің бір еселігі. 10:5=2, 10 саны 5-тің екі еселігі. 15:5=3, 15 саны 5-тің үш еселігі.

Берілген натурал санға еселік санға еселік санды табу үшін, оны қандай да бір натурал санға көбейту керек. Кез келген натурал санның шексіз көп еселігі бар.