Індетке қарсы шараларды жоспарлау және карантин мен шектеу шараларын ұйымдастыру

Презентация қосу

Індетке қарсы шараларды
жоспарлау және карантин мен
шектеу шараларын ұйымдастыру

Орындаған:Жадыраева Г.
Тобы:ВМ-406
Тексерген:Отарбаев Б.
Індетке қарсы шаралар

Індетке қарсы алдын алу және сауықтыру шаралары. Олардың кешенді
және жоспарлы түрде мемлекет тарапынан және адам денсаулығын
қамтамасыз ету мақсатында жүргізілуі.
Ұйымдастыру-шаруашылық,ветеринариялық-санитариялық және арнайы
шаралар. Инфекция қоздырушысының бастауы мен берілу тетіктеріне,
ауруға бейім жануарларға қатысты шаралар. Жұқпалы аурулардың
алдын алу үшін шекарадағы және мал фермаларындағы санитариялық
бақылау, әкелінген жануарларды карантиндеу.
Жануарларды иммундеу, вакциналар және олардың түрлері, иммундеу
әдістері. Жұқпалы ауруларды балау, індеттанулық, клиникалық,
патологоанатомиялық, микробиологиялық, серологиялық, аллергиялық
балау әдістері. Нозологиялық және эпизоотологиялық диагноз.
Індет ошағында жүргізілетін шаралар. Карантин және шектеу қою, алу.
Ауру және ауруға күдікті жануарларға қатысты шаралар. Індет
ошағындағы жануарларды вакциналау және фармакопрофилактика.

Ірі мал фермалары мен кешендерді індеттен қорғау. Кешендерді салу
және малмен толтыруға қойылатын санитариялық талаптар.
Кешендердің ішкі және сыртқы санитариялық аймақтары, олардағы
індетке қарсы шаралар.
Ұйымдық шаралардың тағы бір міндетті бөлігі
ветеринариялық білімді насихаттау. Тұрғындарға,
малшыларға, мал иелері мен шаруашылық
басшыларына олардың жауапкершіліктеріне сай
мал аурулары және олармен күресу жолдары
туралы түсіндіріп отыру қажет. Бұл жұмысты
ветеринария органдары жүйелі түрде көпшілік
ақпарат құралдарын пайдаланып, әңгіме,
дәрістер өткізу арқылы жүргізеді.
Мал шаруашылығындағы ұйымдастыру және
оның экономикалық тетіктері арнаулы пәндерде
(ауыл шаруашылығының экономикасы, ауыл
шаруашылығын ұйымдастыру) қарастырылады.
Ал ветеринария ісін ұйымдастыру жеке пән
ретінде оқытылады.
*Жеке және заңды тұлғалар жануарларды жаңадан келіп түсіруді,
әкелуді, сатып алуды, әкетуді, орнын ауыстыруды жоспарлау алдында
осылар туралы ветеринария саласындағы қызметті жүзеге асыратын
жергілікті атқарушы органның бөлімшелерін (бұдан әрі – ветеринариялық
бөлімшелер), ветеринария саласындағы уәкілетті орган ведомствасының
аумақтық бөлімшелері жануарларды жаңадан әкеліп түсіруді, әкелуі,
сатып алуды, әкетуді, орнын ауыстыруды жоспарлауға дейін 30 (отыз)
күнтізбелік күннен кеш емес ауызша немесе жазбаша хабарлайды.
*Ветеринариялық бөлімше жеке және заңды тұлғалардан алынған
ақпарат негізінде күнтізбелік жеті күннен асырмай тиісті әкімшілік-
аумақтық бірліктің бас мемлекеттік ветеринариялық-санитариялық
инспекторының келісімі бойынша ветеринариялық бөлімшенің басшысы
бекітетін жануарларды карантиндеудің жоспарын әзірлейді.
Ветеринариялық бөлімшемен келісілген және бекітілген жануарларды
карантиндеу жоспарының көшірмесі, бекітілген сәттен бастап 3 (үш)
жұмыс күннің ішінде тиісті ақпарат алған жеке және заңды тұлғаларға
жолданады.
* Жануарларды карантиндеу жоспарында келтірілген жануарлардың
карантиндеу шарттары және ұзақтығы, ветеринариялық өңдеумен
оларды жүргізу уақыты көрсетіле отырып, диагностикалық зерттеуге
жататын жануарлар ауруларының тізімі, ауру жануарлар, жануарлар
ауруларына күдік туындаған кездегі іс-шараларды қос алғанда,
ветеринариялық іс-шараларды орындауға жауапты тұлғалар көрсетіледі.
Жануарларды карантиндеу барысында диагностикалық
зерттеулерді жүргізуді жоспарлаған кезде бұрын жүргізілген
ветеринариялық өңдеулер, диагностикалық зерттеулердің
сенімді емес қорытындыларын алуды болдырмау мақсатында
жануарларды вакциналау, аумақты аймақтарға бөлу. Үшінші
елдерден немесе Кеден Одағына мүше елдерден және
Еуразиялық Экономикалық Кеңістігінен келтірілген
жануарларды карантиндеу барысында диагностикалық
зерттеулерді жүргізуді жоспарлаған кезде межелі орында
Шмалленберг ауруына мониторингтік диагностикалық
зерттеу жүргізу ескеріледі.
Егер алушы ел аумағында осы аурулардың профилактикасы
және /немесе жойылуы бойынша бағдарламалар жүргізілген
кезде ғана жануарлардың басқа ауруларына зерттеулер
жүргізіледі.
Карантиндік шаралар ветеринария саласында да қолданылады. Ол
кезде:
карантинге қойылған малды бөлек ұстап, сау малмен жанастырмау;
індет шыққан шаруашылықтан бірде бір мал басын, малдан
алынған шикізат өнімдерін, азықтарды, құрал-саймандарды, т.б.
сыртқа шығармау;
карантиндегі малды күтіп бағу үшін арнаулы адамдар тағайындау
шаралары жүргізіледі.
Карантиндегі малдың ыстығы күніне екі рет өлшеніп отырады.
Оларға арналған қора-жай сау мал тұратын қоралардан кемінде
жарты шақырым қашықтықта болуға тиіс. Шаруашылыққа сырттан
әкелінген әрбір мал басы туралы куәлікте келіп түскен малдың
жұқпалы аурудан сау екендігі көрсетіледі. Ветеринарлық жарғыға
сәйкес ондай малдар 30 күн бойы бақылауда болуы керек. Мал
күтіміндегі адамдар жұмысқа керекті киім-кешекпен (таза халат,
кебіс, алжапқыш, қолғап, т.б.) қамтамасыз етіледі. Бұл жабдықтар
жұмыс аяқталған соң изоляторда қалдырылады. Карантиндегі
малдың қиын өртеп жібереді немесе белгілі тәртіппен мал
қорымына апарып көміп тастайды. Өлексені ит-құсқа тастауға
болмайды. Ауру мал жатқан жер, қоралар карантин мерзімі
аяқталысымен мұқият зарарсыздандырылады.
Жаңадан келген малды карантиндеу. Шаруашылыққа шеттен
әкелінген мал табынға қосардан бұрын бір ай бойы карантинде
бөлектелініп ұсталынады. Карантин кезінде жануарлар ретті
түрде клиникалық бақылау мен лабораториялық тексеруден
өтеді. Шаруашылықта ұстау үшін жұқпалы аурулардан сау,
арасында микроб алып жүрушілері жоқ малдар ғана жіберіледі.
Карантин кезінде жануарларды індет жағдайына сәйкес кейбір
жұқпалы ауруларға қарсы егеді. Бордақылау кешендерінде
жаңадан әкелінген бұзаулардың карантиндеу мерзімі 15 күнмен
шектелінеді.
Жұқпалы аурулардан сау шаруашылықтарда сақтық шаралары
ретінде жануарлардың белгілі бір топтарын кейбір ауруларға,
негізінен созылмалы жұқпалы ауруларға, тексеріп отырады.
Ондай ауруларға сиырда бруцеллез, туберкулез, лептоспироз,
қойда бруцеллез, жұқпалы эпидидимит, хламидиялық іш тастау,
жылқыда маңқа, инфекциялық анемия, т.б. жатады.
Дауалық шаралардың ішінде сақтық дезинфекциясы мен
дератизациясының маңызы зор. Бұл екі шараны қатар жүргізген
мезетте алдымен дератизация жүргізіп, кемірушілердің
өлекселерін жинап алғаннан кейін дезинфекция жасалынады.
Шектеу іс-шараларын және карантинді белгілеу тәртібі
1. Әкімшілік-аумақтық бөлінісіне және жануарлардың жұқпалы
ауруларының таралу дәрежесіне байланысты эпизоотиялық ошақ белгіленген
аумақта жануарлардың жұқпалы аурулары пайда болған жағдайда шектеу іс-
шаралары немесе карантин белгіленеді.
2. Шектеу іс-шараларын және карантинді тиісті аумақтың бас мемлекеттік
ветеринариялық-санитариялық инспекторының ұсынысы бойынша:
1) облыстың аумағында орналасқан екі және одан көп ауданда
жануарлардың жұқпалы аурулары пайда болған жағдайда облыстың
жергілікті атқарушы органының;
2) республикалық маңызы бар қаланың, астананың аумағында
жануарлардың жұқпалы аурулары пайда болған жағдайда республикалық
маңызы бар қаланың, астананың жергілікті атқарушы органының;
3) ауданның (облыстық маңызы бар қаланың) аумағында жануарлардың
жұқпалы аурулары пайда болған жағдайда ауданның, облыстық маңызы бар
қаланың жергілікті атқарушы органының;
4) тиісті аумақта жануарлардың жұқпалы аурулары пайда болған
жағдайда аудандық маңызы бар қала, елді мекен, ауыл, ауылдық округ
әкімінің шешімімен белгіленеді.
6. Тиісті аумақтың бас мемлекеттік ветеринариялық-санитариялық
инспекторының шектеу іс-шараларын және карантинді белгілеу туралы
ұсынысы:
шектеу іс-шараларын немесе карантинді белгілеу енгізілетін әкімшілік-
аумақтық бірлікті;
шектеу іс-шараларын немесе карантинді белгілеу себептерін
(аурудың атауын), жануардың түрін көрсете отырып, ерікті нысанда
жазбаша түрде ресімделеді.
Тиісті аумақтың бас мемлекеттік ветеринариялық-санитариялық
инспекторының шектеу іс-шараларын немесе карантинді белгілеу туралы
ұсынысына инфекция ошағын Қазақстан Республикасы Ауыл
шаруашылығы министрінің 2014 жылғы 27 қарашадағы № 7-
1/618 бұйрығымен бекітілген (Нормативтік құқықтық актілерді
мемлекеттік тіркеу тізілімінде № 10021 болып тіркелген) нысан бойынша
эпизоотологиялық зерттеу актісі және ветеринариялық лаборатория
беретін сараптама актісі (сынақ хаттамасы) қоса беріледі.
Жергілікті атқарушы органның шектеу іс-шараларын және карантинді
белгілеу туралы шешімінің күшіне енгенінен кейін, бір жұмыс күні ішінде
оның көшірмесі тиісті аумақтың бас мемлекеттік ветеринариялық-
санитариялық инспекторына жолданады.
7. Шектеу іс-шараларының немесе карантиннің ұзақтығы жануарлар
ауруларының түріне, аурудың инкубациялық кезеңіне, жануарлардың
организмінде ауру қоздырушылардың сақталуына және ветеринариялық
iс-шаралар кешенін жүргізуге бай
Пайдаланған әдебиеттер:
1)Сайдулдин Т Ветеринариялық індеттану және
жануарлардың жұқпалы аурулары,Алматы-2009ж
2)Интернет желісі

Ұқсас жұмыстар

Ауру ошағын жою бойынша жоспарды қадағалау

ІНДЕТКЕ ҚАРСЫ ШАРАЛАРДЫ ЖОСПАРЛАУ

ІНДЕТКЕ ҚАРСЫ САУЫҚТЫРУ ШАРАЛАРЫ

Індет ошағы

Індет ошағының, қатер төнген аймақтың шекарасын анықтау

Жұқпалы аурулардың табиғи ошағы, құрылымы, түрлері және олардың шекарасын анықтау

БИОЛОГИЯЛЫҚ ТӨТЕНШЕ ЖАҒДАЙЛАР КЕЗІНДЕ

ИНФЕКЦИЯЛЫҚ АУРУЛАР

Топалаңды балау және індетке қарсы шараларды ұйымдастыру

Ветеринариядағы есеп және есеп беру, ветеринариялық қызметті материалды - техникалық қамтамасыз ету

Пәндер