Нәрестелердегі сарғаю синдромы

СӨЖ

Тақырыбы: Нәрестелердегі сарғаю синдромы

Нәрестелердегі сарғаю синдромы

Сарғаю синдромы - гипербилирубинемияның визуалды көрініс беруі (жетіліп туылған нәрестелерде - 85 мкмоль/л, шала туған нәрестелерде - 120 мкмоль/л-ден жоғары) .

Даму жолдарына қарай сарғыштықтың 3 түрін ажыратамыз:

1. Бауырлық немесе

Паренхиматозды сарғаю

-сарғыштану өт өндірілуі мен оның ішекке шығарылуының бұзылуынан дамиды.

Ол:

-бауыр жасушаларының біріншілікті бұзылыстарынан ;

-өттің ұзақ уақыт бауырда жиналуы;

-өт өндіруге қажетті ферменттердің гендік ақаларынан дамиды.

2. Механикалық немесе бауырастылық сарғыштану:

-жалпы өт өзегі ішінен бітеліп қалуынан;

-өт өзегі сыртынан қысылыр қалуынан дамиды.

3. Гемолитикалық немесе бауырүстілік сарғыштану-эритроциттердің артық ыдыракынан өт өнімдерінің көп бөлінуінен дамиды.

Бауырлық немесе Паренхиматозды сарғаю

Бауырлық синдромның ажырату диагностикасы дәрігерлік тәжірибеде қиындық тудырады, себебі, бауырлық сарғаюмен жүретін аурулар жеткілікті. Бауырлық синдромның себебі инфекциялық және инфекциялық емес болуы мүмкін.

Инфекциялық аурулардан бауырлық сарғаю вирусты гепатиттермен шақырылады. Басқа инфекциялық себептерге: инфекциялық мононуклеоз, сары қызба, лептоспироз, псевдотуберкулез, ішектік иерсиниоз, сальмонелледің ауыр формалары, листериоз, сепсис, амебиаз.

Механикалық немесе бауырастылық

Бауырастылық сарғаю билирубиннің өт жолдары арқылы шығарылуының бұзылуы, регургитациясы және билирубиннің гепатоциттерден экскрециясының төмендеуіне байланысты дамиды. Патологиялық процес бауырдан тыс магистральды өт жолдарында орналасады. Бауырастылық сарғаюда негізінен байланысқан билирубин және аз мөлшерде бос билирубин артады.

Өт жолдарының обструкциясынан кейін алғашқыда билирубиннің гепатоциттерден экскрециясы жалғасады, өт өзегіне бөлінген билирубин оның қабырғасы, өт капиллярлары, Диссе кеңістігі арқылы сіңіріледі.