Интернеттің құрылымы, қосылу тәсілдері және негізгі протоколдар мен қосымшалар

Интернетке алғашқы саяхат

Екі немесе одан да көп желілерді байланыстыру кезінде желіаралық байланыс құрылады. Қазірде бүкіл әлемде жүз мыңдаған үлкен және кіші желілер жұмыс істейді. Осылайша бір - бірімен байланысқан миллиондаған компьютерден құралған ақпараттық өріс құрылды. Осы ақпараттық кеңістікті Интернет деп атайды.

Жиырмасыншы ғасырдың аяғында пайда болған Интернет қазір жер шарының әр түкпірін байланыстырып сан алуан адамдарды, елдер мен құрлықтарды біріктіріп отыр.

Интернет желісіне қалай қосылуға болады?

Интернет желісіне қосылу үшін компьютерге модем керек. Модем дегеніміз - бұл компьютерге телефон желісі және сымдары арқылы мәлімет алмасуға мүмкіндік беретін құрылғы. Модем арқылы қосылым жасау үшін компьютерге иесіне лайықты эпровайдер тауып Интернетте жұмыс істеуге келісімге отыруға болады.

Планетамыздың кез келген нүктесiндегi ауа райын, ақпараттық агенттiктiң соңғы жаnалықтарын бiлгiңiз келсе Интернет жaрдем беруге aзiр. Шалғай елдерге сапар шексеңiз сiзге қажет елмен, қаламен, қонақ үймен таныса аласыз. Интернеттен ғалым да, бизнесмен де, компьютерлiк ойын әуесқойы да, бәрi-бәрi қажет ақпарат таба алады. Интернет күнделiктi тұрмыс пен жұмыстың айнымас құралына

айналып еледi.

IP (Internet Protocol) - мәліметтерді оны алушының адресі көрсетілген шағын тақырыптары бар бірнеше бөліктерге немесе дестелерге бөлетін желіаралық хаттама

TCP/IP - Интернет желісіне қосылған компьютерлер арасында ақпарат алмасуды қамтамасыз ететін мєліметтерді бір жүйеге келтіру ережелері немесе оларды құрастыру хаттамасы.

TCP (Transmission Control Protocol) - мәліметті жөнелту ісін басқаратын хаттама, ол жілідегі ақпарат дестелерін дұрыс жеткізу үшін жауапты болып саналады

Интернеттiң негiзгi қосымшалары

E-mail (Electronic Mail) -электрондық почта. Желі тұтынушылары арасында мәлімет алмасу ісін жүзеге асыратын қызмет жүйесі. Ол арнайы почта программалары көмегімен жүзеге асырылады, мысал ретінде, Outlook Express программасын атауға болады. Оның көмегімен сіз санаулы минуттар ішінде хабарды жеткізе аласыз. Ол үшін клавиатурада тиісті хабар мәтінін теріп, белгілі электрондық адреске жіберсеңіз болғаны. Осынау тәсілдеме арқылы достарыңызбен, әріптестеріңізбен араласуға болады.