Аномальді бүйректің гистоморфологиялық сипаттамасы

Марат Оспанов атындағы Батыс Қазақстан Мемлекеттік Медицина Университеті

Кафедра: Гистология Факультет: Жалпы медицина

Тақырыбы: Аномальді бүйректің гистоморфологиялық сипаттамасы

Орындаған: Жамангулов Ж. Т.

202 «Б» тобы

Тексерген: Бердалинова А. К.

Ақтөбе 2018 жыл

Жоспар:

Бүйрек туралы түсінік.

Бүйрек аномалиялары, анықтамасы, жіктелуі.

Бүйректердің санының ауытқулары

Бүйректердің орналасу ауытқулары

Бүйректердің көлемі мен құрылысының ауытқулары

Бүйректердің кистозды ауытқулары

Бүйрек - Зәр түзе отырып, қаннан шығатын бөлінділерді сүзетін, арқа жотадан төмен орналасқан, асбұршаққа ұқсас үлкен мүше. Оның жоғары полюсінде эндокрин бездері -қыртысты және ми қабатынан тұратын бүйрек асты бездері орналасқан. Адам бүйрегінің массасы-150 г. Бүйрек ұлпасы сыртқы қоңырқай түсті қыртысты қабаттан және ішкі бозғылт түсті ми затынан тұрады. Ми затында ұштары бүйрек астауына бағытталған пирамидалар орналасқан. Бүйректің ішіндегі қуыс бүйрек астауы деп аталады. Бүйректе түзілген несеп жинағыш түтікшелер арқылы астауға келіп, одан зәрағар бойымен қуыққа жиналып, зәр шығару өзегі арқылы сыртқа шығады. Бүйректің ерекшелігі қанмен жақсы қамтамасыз етілуі: бүйрек арқылы тәулігіне 1500-1700 л қан ағады. Бұл дегеніміз - әрбір 5 минут сайын қан тамырлары арқылы айналатын барлық қан бүйрек арқылы өтеді деген сөз. Осы кезде организм ұлпаларында үнемі түзілетін, тіршілік әрекетінің зиянды заттары қаннан бөлінеді.

Бүйрек - адам мен омыртқалы жануарлар организмінде несеп түзетін және оны шығаратын жұп орган. Ересек адамда әрбір бүйректің салмағы 120-200 г-дай, ұзындығы 10-12 см, ені 5-6 см, қалыңд. 3-4 см-дей болады. Бүйрек іш қуысында, омыртқа бағанасының екі жағында - соңғы кеуде омыртқасы және жоғ. бел омыртқа тұсында орналасады

Бүйректің ішкі жиегінде бүйрек қақпасы бар, сол арқылы бүйрекке артерия мен жүйке талшықтары өтеді. Қақпа бүйректің ішіне тереңдеп еніп, көлемді қуыс - бүйрек қойнауына айналады. Онда кіші, үлкен бүйрек тостағаншалары және бүйрек түбегі, қан тамырлары, жүйке талшықтары орналасады. Бүйректі майлы шандыр қабаты жауып жатады. Бүйрек беткейі қыртыс заттан, терең қабаттары - милы заттан тұрады. Қыртыс зат тұтас болып келеді, ал милы зат пирамида тәрізді 10 - 15 үшбұрышты денелерден құралған. Бүйректің анатомиялық құрылым бірлігі нефрон деп аталады. Олардың саны 1 млн-дай. Нефрон әр түрлі бүйрек өзекшелерінен түзіледі. Нефрон өзекшелерінің екі бүйректегі жалпы ұз. 100 км шамасында болады. Нефрон арқылы за алмасу процесінде пайда болатын организмге қажетсіз және зиянды заттар сыртқа шығарылады. Пирамиданың бүйрек қойнауына ашылатын ұшы бүйрек бүртігін құрайды. Осы бүртіктегі түтіктер арқылы несеп бүйрек қойнауындағы 8 - 9 кіші бүйрек тостағаншаларына құйылады. Екі-үш кіші бүйрек тостағаншалары өзара қосылып, үлкен бүйрек тостағаншаларын түзеді. Олар өзара бірігіп, бүйрек түбегін құрайды. Осы бүйрек түбегі біртіндеп жіңішкеріп, бүйрек қақпасы тұсында несепағарға жалғасып, қуыққа жиналған несеп сыртқа шығарылады. Бүйрек түбегінің қабырғасы суды, тұзды, көмірсуларын өткізеді де, қандағы белокты өткізбейді. Несепке белоктың араласуы бүйректің ауруға шалдыққаны. Организмдегі барлық қан бүйрек арқылы сүзіліп, тазарады.

Бүйректің құрылыс схемасы (сагиттальды кесіндісі) : 1 - несепағар; 2 - бүйрек венасы; 3 - бүйрек артериясы; 4 - милы заты; 5 - қыртысты заты; 6 - астауша; 7 - бүйрек пирамидалары; 8 -бүйректің үлкен тостағаншалары.

Аплазия - бұл түгелдей бір бүйректің немесе екі бүйректің түгелдей жоқ болуы. Екі бүйректің аплазиясы сирек кездесетін ауру болып табылады. Сондай ақ бір бүйректің аплазиясы бүйрек аномалияларының 4-8% құрайды. Бүйрек аплазиясы ұл балаларда қыз балаларға қарағанда2 есе аз кездеседі.

Екі еселенген бүйрек көбіне жаңа туған балаларда кездесетін аномалия. Толықтай екі еселенген бүйрек бұл екі тостағанша және астауша жүйесі, екі несепағардың екі жақтан қыққа ашылуы. Екі еселенген бүйректің негізгі себептері пиелонефрит - 24, 3 %; несеп тас ауруы - 21, 2 %; гидронефроз - 14, 6 %; туберкулез - 36 %; нефроптоз - 3, 6 %; ісік- 2, 1 % болып табылады. Қосымша бүйрек бүйрек аномалияларының ішінде ең аз кездесетіні. Оның мқлшері барынша ұлғайған. Ол тек басқа аураларды зерттеген кезде анықталуы мүмкін. Мүндай аномалия тек іш аймақта ауырсыну болуымен ерекшеленеді. Дагноз тек экскреторлы урография және ангиография, УДЗ көмегімен анықталады.

Бүйректің тамырларының аномалиялары қан айналысының немесе несептің кері сіңірілуінің бұзылысына әкеліп, гидронефроз, пиелонефрит, бүйрек тас ауруы, артериальды гипертензия, бүйректік жетіспеушілік ауруларын тудырады. Тамырлар аномалиясы артериалды және веналық болып бөлінеді. Қосалқы бүйрек артериясы кішкене диаметрлігімен ерекшеленіп, бүйректің төменгі немесе жоғарғы сегментіне бағытталады. Екі еселенген бүйрек артериясы аномалиясы кезінде бүйрек диаметрі бірдей екі бөлек артерия арқылы қанмен қамтамасыз етіледі.

Көп бүйректік артерия бүйрек дистопиясының аномалиясы кезінде кездеседі. а. бүйрек артерияларының аневризмасы

б. бүйрек артерияларының фибромускулярлы стенозы

1. Туа біткен артериовенозды жыланкоздер.

2. Туа біткен бүйрек веналарының өзгерістері:

а. оң бүйрек венасының аномалиялары:көптік веналар, ен веналарының оң бүйрек венасына құйылысы;

б. сол бүйрек венсының аномалиялары: сақина тәрізді сол бүйрек венасы, ретроаортальды сол бүйрек венасы, сол бүйрек венасының экстракавальды құйылысы.

Бүйректер санының аномалиялары:

а. Аплазия;

б. Қосарланған бүйректер - толық және аттамалы;

в. Қосымша үшінші бүйрек.

Бүйректер көлемінің аномалиялары: гипоплазия.

Бүйректер орналасуының және пішінінің аномалиялары:

1. Бүйректер дистопиясы:

а. Бір жақты ( кеуде, бел, мықын, жамбас) ;

б. Айқасқан.

2. Тұтасқан бүйректер:

а. Бір жақты ( L - тәрізді бүйрек) ;

б. Екі жақты: таға тәрізді, галет тәрізді, L және S-тәрізді бүйректер.

Бүйрек құрылымы аномалиялары:

Дисплазиялы бүйрек;

Мултикистозды бүйрек;

Бүйректер поликистозы:

а. Ересектер поликистозы;

б. Балалар поликистозы;

4. Перипельвикалды киста, тостағанша және түбекше кисталары;

5. Тостағанша - милы қабат аноиалиялары:

а. Мегакаликс;

б. Полимегакаликс;

в. Кеуекті бүйрек.

Бүйрек аномалияларының екі түрі болады. Қалыпты орындағы бүйрек дамуының аномалиялары және қалыпты дамыған бүйректің орналасуының ара қатынасының аномалиялары. Бүйрек даму барысында көп бөлікті болады, кейін жатыр ішіндегі дамудың соңғы 6 -шы аптасында өзінің қалыпты пішініне келеді.

М. Бредель бойынша бүйрек аномалиялары:

Таға тәрізді бүйрек

Бүйрек дистопиясы

Бүйрек гипоплазиясы

Кеуекті бүйрек

Поликистозды бүйрек

Солитарлы киста

Бүйрек гипоплазиясы қалыпты бүйректің кішігірім кейпін сақтайды, ол инфекцияға шалдығып, пиелонефритке, бүйрек гипертониясына ұшырайды.

Бүйрек гипоплазиясының рентген бейнесі кіші бүйректі бейнелейді, ал экскреторлық урографияда функциясының төмендігін көрсетеді.

Екі жақты бүйректер гипоплазиясында баланың жас кезінде бүйректің жеткіліксіздігімен айқындалса, бүйрек трансплантациясы ұсынылады.

Бүйрек дистопиясы ультрадыбысты тексерумен анықталады. Бүйрек дистопиясының обструкциялық себебі: бүйрек тік орналасып, оның қақпасы алдынан ашылып, несепағардың жоғарғы бөлігінде бүгілу болады.

Айқасқан бүйректер дистопиясы екі бүйрек денесі іш қуысының бір жағында жатады.

Бүйрек дистопиялары: а - S-тәрізді бүйрек; б - L-тәрізді бүйрек; в -тәрізді бүйрек; 1 - іштік аорта; 2 - төменгі қуыс венасы; 3 - несепағар; 4 - бүйрек.

Бүйрек кисталары бүйрек паренхимасында әртүрлі жағдайда пайда болады. Олардың кейбіреулері туа біткен дисплазиядан және жарақаттан болады. Кейбіреулері бүйректің милы қабатындағы созылмалы инфекциядан, ал басқалары бүйрек тостағаншалары деңгейіндегі обструкцияға байланысты болады.

Кеуекті бүйрек (ұсақ қуыстар) . Көптеген кисталы құрылымдар бүйрек пирамидасының ұшында пайда болады. Ол екі бүйректе немесе бір бүйректе кездеседі. Бүйрек жұмысында өзгеріс болмайды. Несеп жолдарының рецидивтік инфекциялық қабынуымен байқалады, ол антибиотиктермен емдеуді қажет етеді. Кеуекті бүйректі созылмалы пиелонефриттен және бүйрек туберкулезінен ажырату қажет. Экскреторлық урограммада милы қабатта көптеген ұсақ көлеңкелермен айқындалады.

Нағыз бүйрек кисталары, бүйрек ауруларынан немесе обструкциядан туындамайды және бүйрек тостағаншалары және түбікшесімен байланыссыз. Оның үш түрі болады: 1) Солитар (оқшау) киста; 2) Мультикистозды бүйрек; 3) Поликистозды бүйректер.