Құқық қызметінің принциптері, негізгі функциялары және қайнар көздері

Құқық қызметінің принциптері

Құқықтың негізгі атқаратын қызметтеріне қысқаша сипаттама

Құқық қызметі - бұл құқықтың қоғамдық қатынастарды реттеудегі рөлін көрсететін құқықтық ықпадың негізгі бағыттары. Құқық қызметініңның түрлері: сыртқы (экономикалық, саяси, тәрбиелік) және ішкі (реттеуші және қорғаушы) .

Құқық қызметінің жүйесінде басты және айқындаушы орынды регулятивті қызмет алады. Құқық нормативті немесе құқық қолдану кесімдері нысанында айқындалса да, жалпы немесе нақты құқықтық қатынастарда жүзеге асса да, азаматтардың құқықтық статусын, құқық иеленуін белгілесе де, мемлекеттік органдар мен заңды тұлғалардың өкілетін анықтаса да - барлық осы нысандарда оның басты әлеуметтік міндеті - қоғамдық қатынастарды реттеу айқын көрінеді.

Құқықтың белгілері

Жалпыға міндеттілігі

Мемлекетпен байланысы

Нормативтілігі

Жүйелігі

Формальды анықтылығы

Ерікті сипаты

Құқық қызметі және қайнар көздері

«Құқық қызметі» түсінігі құқықтың міндетін де және содан пайда болатын құқықтың қоғамдық қатынастарға ықпалы бағыттарын да бір мезгілде қамтуы керек. Сондықтан да құқықтың қандай да бір қызметіның құрамын алып қарағанда, құқықтың міндеті мен оның ықпалының бағыттары арасындағы байланысты әрқашан көкейде ұстаған жөн.

Тегінде, құқық қызметі - бұл құқықтың әлеуметтік міндетін іске асыру. Ал, құқықтың әлеуметтік міндеті мен құқықтық ықпал дегеніміз не?

Құқықтың әлеуметтік міндеті қоғамдық даму қажеттіліктерінен туады және солардан құралады. Қоғамның әлеуметтік мұқтаждықтары мен қажеттіліктерін қанағаттандыру мақсатында белгілі бір қатынастарды бекітуге, реттеуге және қорғауға бағытталған заңдар жарыққа шығады.