ТОПТЫҚ ЖОБА IOS ОПЕРАЦИЯЛЫҚ ЖҮЙЕСІ

ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ
М.ӘУЕЗОВ АТЫНДАҒЫ ОҢТҮСТІК ҚАЗАҚСТАН МЕМЛЕКЕТТІК УНИВЕРСИТЕТІ
«АҚПАРАТТЫҚ ТЕХНОЛОГИЯЛАР ЖӘНЕ ЭНЕРГЕТИКА» ЖОҒАРЫ МЕКТЕБІ
«ЕСЕПТЕУ ТЕХНИКАСЫ ЖӘНЕ БАҒДАРЛАМАЛЫҚ ҚАМТАМАСЫЗ ЕТУ» КАФЕДРАСЫ

ТОПТЫҚ ЖОБА
IOS ОПЕРАЦИЯЛЫҚ ЖҮЙЕСІ

Орындағандар: Исақ А., Әбдіғапбар С.,
Тастанбеков Н., Рүстембек Д.
Тобы: ИП-16-6к2
Қабылдаған: Мелдебекова С.
ЖОСПАР
• Кіріспе
• iOS-тың жасалу тарихы
• iOS-тың жалпы сипаттамалары
• iOS-тың ядросы
• iOS-тың файлдық жүйесі
• iOS-тың артықшылықтары
• iOS-тың кемшіліктері
• Қорытынды
• Пайдаланылған әдебиеттер тізімі
Кіріспе
Операциялық жүйе, қысқаша ОЖ – компьютерді басқаруға арналған және
қолданбалы программалармен байланысы бар нақты программа. Операциялық жүйе –
компьютер құрылғыларының үздіксіз жұмыс істеуін ұйымдастырушы және түрлі
командаларды орындауы арқылы пайдаланушының машина жұмысын басқаруына
жеңілдік келтіруші жүйелік программалар. Оның негізгі қызметі – программалардың
бір-бірімен және сыртқы құрылғылармен өзара әрекетін ұйымдастыру, оперативті
жадты бөлу, компьютердің жұмыс істеу кезінде қате жіберілу сияқты түрлі оқиғаларды
анықтау, дискіні жұмыс істеуге дайындау, монитор мен принтердің жұмыс істеу
режимдерін орнату, пайдаланушының программасын іске қосып, оны орындау т.б.. Яғни
ОЖ – машина жұмысын басқаруға толық жеңілдік беретін жүйе.
iOS-тың жасалу тарихы
iOS (2010 жылдың 24 маусымына дейінгі атауы – iPhone OS) – американдық
Apple компаниясында құрастырылып шығарылатын мобильді операциялық жүйе.
Windows Phone және Google Android сияқты тағы да басқа операциялық жүйелерден
айырмашылығы iOS тек Apple компаниясының өнімдеріне арналған. 2007 жылы
жарық көрген. Алғашында тек iPhone және iPod touch құрылғыларына арналып
жасалынса, кейіннен iPad және Apple TV сынды құрылғыларда да жұмыс істей
бастады.
Мобильді операциялық жүйенің бірінші нұсқасы Mac OS X сияқты Unix
ядросында орнатылған. iPhone қаншалықты инновациялық болса да, оның
функционалдығы өте шектеулі болатын. Операциялық жүйенің бірінші нұсқасында
келесі функциялар орнатылды: негізгі басты интерфейс, сенсорлы экран, iPod-қа
арналған музыкалық қосымша, Safari браузері, карталар.
Сонымен қатар жаңартылымдарында келесі функциялар пайда болды: негізгі
экрандағы веб-қосымша, иконкалардың орындарының ауысуы, сенсорлы пернетақта,
iTunes Music Store.
Қысқаша айтқанда бұл операциялық жүйенің ең бірінші нұсқасында қазіргі таңда
бізге мәлім ещқандай функциялар мен қосымшалар болған жоқ, бірақ соған
қарамастан ең алғашқы сенсорлы экран адамдарды қызықтырды.
iOS-тың жалпы сипаттамалары

iOS POSIX стандартына сәйкес келетін негізгі Darwin компоненттерінің жиынтығын
пайдаланады. IOS жүйесінде төрт абстракцияның топтамасы бар: Core OS, Core Services,
Media Layer, Cocoa Touch.
iOS-ке дейін смартфондарда сенсорлық экран болмады, немесе бұл экрандар
резистивтік (стилуспен жұмыс істейтін) болды. iPhone-да сенсорлық экран
сыйымдылыққа ие болды, ол смартфонмен пайдаланушының өзара әрекетін айтарлықтай
жеңілдетті. Осылайша, сенсорлық экран iPhone үшін негізгі басқару құралы болды. iOS
1.0 жылдамдығы өте жоғары болды, ол сол уақыттағы басқа операциялық жүйелермен
бәсекелес болды.
iOS 1.0 ішіндегі бағдарламалық жасақтама пернетақтасы теруді саусақтар көмегімен
жасай алатын алғашқы толыққанды виртуалды пернетақта болды. iOS 1.0-де, файлдық
жүйе пайдаланушыдан жабық болды, бұл iPhone-ды басқа смартфондарға қарағанда
жеңілдетуге мүмкіндік берді.
iOS-тың ядросы
iOS-та XNU ядросы қолданылады. Ол Mach микроядросына негізделген және Apple
компаниясының программалық коды, сонымен қатар ОС NeXTSTEP және FreeBSD
кодтарымен қамтылған. iOS ядросы Apple macOS үстелдік операциялық жүйенің
ядросымен ұқсас болып келеді. iOS ең алғашұы нұсқаларынан бастап тек ARM
архитектуралы процессорлы планшеттік компьютерлер мен смартфондарда жұмыс
істейді.
XNU (X is Not Unix) – Apple компаниясында құрастырылған және OS X
операциялық жүйелерінде қолданылатын компьютерлік операциялық жүйенің ядросы.
XNU өзіне монолитті және микроядролардың мүмкіндіктерін біріктірген заманауи
гибридті ядро болып табылады. Қазіргі таңда XNU ядросы ARM, x86, x86-64 және
PowerPC архитектуралы процессорларда жұмыс жасай алады. XNU ядросының негізі
монолитті ядроны жеке процесс ретінде орындайтын қарапайып микроядро Mach
болып табылады.
iOS-тың файлдық жүйесі
iOS-тың файлдық жүйесі Apple компаниясы шығарған жаңа, заманауи Apple File
System (APFS) болып табылады. Бұл файлдық жүйе iOS-тың 10-шы нұсқасынан бастап
қолданыла бастады. Бұл жүйе Flash / SSD дискілерімен жұмыс істеу үшін
оңтайландырылған, сонымен қатар күшті шифрлау функциясын, көшірмені жазуды,
кеңістікті ортақ пайдалануды, файлды және қалтаны көшірмелеуді қамтиды. Ал бұл
файлдық жүйеге дейін iOS-та HFS және HFS Plus жүйелері қолданылған. APFS – бұл
жүйелерге қарағанда жылдамырақ жұмыс істейді. Сонымен қатар iOS-тың жаңа
нұсқалары мен басқа қосымшаларды жүктеу жылдамдығын арттырды.
iOS-тың артықшылықтары

1. Платформаның автоматты түрде жаңартылуы.
2. Зиянды бағдарламалық қамтамасыздардан жоғары деңгейдегі
қауіпсіздік.
3. Apple-дің жеке қызметтері: iCloud, iMessage, FaceTime, Find My iPhone
және тағы басқа қызмет түрлерін жатқызуға болады.
4. iOS бағдарламалық жасақтама әзірлеушілер үшін басымдыққа ие.
5. Мүмкіндігі шектеулі пайдаланушылар үшін арнайы қосымшалар.
6. Жоғары өнімділігі.
7. Батереяның ұзақ қызмет көрсетуі.
8. Дұрыс көпфункцияналдық.
9. Меңгерудің қарапайымдылығы.
iOS-тың кемшіліктері

1. Файлдық жүйенің жабықтылығы.
2. Пайдаланушы енгізе алатын
өзгерістердің болмауы.
3. Жадының шектеулілігі.
4. Бағдарламалардың шектеулілігі.
5. Бағасы.
Қорытынды
Байқағанымыздай Apple корпорациясы iOS-ты жасау мен дамытуға өте көп күш
салған. Егер бірінші нұсқасында тек бірнеше маңызды функциялар болса, ал соңғы
нұсқалары қарапайым қолданушы үшін көптеген жаңа пайдалы функциялар қосылған,
стильді дизайны мен қолдануға ыңғайлылығымен мінсіз операциялық жүйеге айналды.
Әрбір жаңа нұсқасымен iOS жақсару арқылы жаңа қолданушыларды өзіне тартуда.
Статистикаға сүйенсек iOS әлемдегі мобильді операциялық жүйелер арасында
танымалдылығы жағынан екінші орында. Бұл операциялық жүйенің құрастырушылары
әрбір жаңа нұсқасы арқылы пайдаланушыларға жаңа мүмкіндіктер ұсынуда.
Пайдаланылған әдебиеттер тізімі

•Астахова, И.Ф. Компьютерные науки. Деревья, операционные системы, сети
/ И.Ф. Астахова, И.К. Астанин и др. - М.: Физматлит, 2013.
•Назаров, С.В. Современные операционные системы: Учебное пособие / С.В.
Назаров, А.И. Широков. - М.: Бином, 2013.
•Таненбаум, Э. Современные операционные системы / Э. Таненбаум. - СПб.:
Питер, 2013.
•Дэйв Марк и др. Разработка приложений для iPhone, iPad и iPod touch, 2013.

Ұқсас жұмыстар

1.Операциялық жүйелер туралы жалпы түсінік. 2.Жалпы түрлері 3.Қызметтері

Операциялық жүйелер, түрлері, қызметі туралы

Операциялық жүйенің даму тарихы

ОПЕРАЦИЯЛЫҚ ЖҮ ЙЕЛЕР

Оперциялық жүйелер,түрлері,қызметі

Операциялық жүйесі

Операциялық жүйе туралы

Операциялық жүйенің стандартты қосымшалары

ОПРАЦИЯЛЫҚ ЖYЙEЛЕР

Операциялық жүйелер,түрлері,қызметі туралы ақпарат

Пәндер