Үлгі бойынша ұлттық киімдерді модельдеу

Сабақтың мақсаты:

1. Білімдік: оқушылардың ұлттық киімдер жайлы түсінігін кеңейту және киім үлгісін жасауға қызығушылықтарын арттыру.

2. Дамытушылық: шығармашылық ойлау қабілеттерін дамыту.

3. Тәрбиелік: оқушыларды ұлттық киім үлгісін жасауда ұқыптылыққа, эстетикалық танымға тәрбиелеу.

Сабақтың көрнекілігі және қажетті материалдар: қағаз, мата, желім, қылқалам, қарындаш, қайшы, жіп.

Еңбек нысаны: түрлі ұлттық киімдердің үлгілері, нұсқау картасы, түсті қағаз, мата, таспа, желім, қайшы.

Сабақ барысы

Жұмбақ шешу

Адамның сәнi,

Онсыз жоқ мәнi.

Дорбаға тығып, бас бағын,

Байлай салдым қос жағын.

Әшекейлi күбiнi,

Үюлi тұрған шөмеле,

Кигiздiм биiк төбеге.

Ортасы күмбез,

Жиегiн көмкерген.

Етегi желкендей,

Киiм едi ол нендей?

Сергіту сәті

Сиқырлы қамшы

Қазақ халқының ұлт ойындарының жастар арасында көп тараған және өте ертеден келе жатқан, аса сүйіп ойнайтын түрлерінің бірі - «Сиқырлы қамшы». Бұнда ойнаушылар санына шек қойылмайды. Ойынға жиналғандар қол ұстасып, дөңгелене шеңбер құрып тұрады да, араларынан біреуін ойын жүргізуші етіп тағайындайды. Жүргізуші қолына қамшыны ұстап, шеңбердің ортасына шығады да, ойын тәртібін, жолдарын түсіндіреді. Ойнаушылардың бір шетінен бастап барлығына рет қатарын білдіретін сандарын атайды. Сонан кейін жүргізуші қолындағы қамшының бір басын жерге тіреп тік ұстайды да, кез келген бір ойыншының санын атап, қамшыны қоя береді. Айталық, жүргізушінің атаған саны төртінші, бесінші, оныншы не жиырмасыншы бола ма, әйтеуір, рет саны аталған ойыншы ести салысымен жүгіріп барып қамшыны құлатпай ұстауы керек. Егер ол дауысты аңғармай я болмаса жай басар болып, дереу алмай, қамшыны құлатып алса, онда ол ортада тұрып, көптің ұйғаруымен өнер көрсетеді. Ол өлең айтып, би билеп, домбыра тартады, әйтеуір көпшілік нені талап етсе, бәрін орындауға тиісті. Ол өнерін көрсетіп болған соң қайтадан орнына барып тұрады. Егер қамшыға тез жетіп жерге құлатпай ұстап алса, онда жүргізушімен орын ауыстырады.