Витаминдердің фармакодинамикасы

Презентация қосу

ВИТАМИНДЕР
Жоспар
Кіріспе

Негізгі бөлім

Витаминдердің фармакодинамикасы.
Судар еритін витаминдердің фармакодинамикасы.
Жануар түріне қарай тағайындалуы.
Қорытынды
Пайдаланылған әдебиет
Кіріспе
Витамин — адам мен жануарлардың тіршілігіне, олардың
ағзасындағы зат алмасудың бірқалыпты болуы үшін аз мөлшерде
өте қажетті биологиялық активті органикалық қоспалар. Витамин
(латынша vіta – тіршілік) туралы ілімнің негізін 1880 жылы орыс
дәрігері Николай Лунин салды. 1912 жылы поляк дәрігері Казимеж
Функ сол кезге дейін жасалған тәжірибелер нәтижесін
қорытындылап, ғылымға дәрумен терминін енгізді. Дәрумендердің
көпшілігі ферменттердің негізгі құрамдас бөлігі болып табылады.
Ағзада үздіксіз жүріп жататын химиялық реакциялар, мысалы,
ішкен тағамның, мал азығының ыдырап, қорытылуы,
ферменттердің қызметіне байланысты. Тағамның құрамында
дәрумен жеткіліксіз болса, адам әр түрлі ауруға шалдығады.
Дәрумен жетіспеушілік, авитаминоз – күнделікті ішетін тағамда
дәрумендердің жетіспеуінен, олардың бойға сіңуінің бұзылуынан не дәрумен
синтезделуінің тежелуінен туатын аурулар. Егер адам үнемі дәрумені аз,
бірыңғай тағаммен (консервіленген, кептірілген, рафинадталған) тамақтанса,
ағзаға, негізінен көмірсулар (қант, тағы да басқа) ғана түсіп, ақуыз бен майлар
аз түссе, ал көкөніс пен жеміс-жидектер мүлдем болмаса дәрумен
жетіспеушілік дамиды. Сондай-ақ азық-түлік дұрыс сақталмаса немесе
олардан сапасыз тағам дайындалса, азық-түлік құрамындағы дәрумендер
бұзылады. Мысалы, құрамында никотин қышқылы (РР дәрумені) аз дәнді
дақылдармен ғана қоректену пеллагра ауруына, ал қауызы алынған күрішпен
және өте ұнтақталған бидай ұнынан жасалған нанмен ғана тамақтану бери-
бери сырқатына әкелуі мүмкін.Тағамда дәрумендердің жеткіліксіз болуы, адам
ағзасын әлсіретеді. Мұндай жағдайды гиповитаминоз деп атайды. Оған ауа
райының қолайсыз жағдайы, ауасы лас жерде ұзақ уақыт жұмыс істеу, сондай-
ақ гастрит, асқазан ісігі, гельминтоз, лямблиоз, тағы да басқа аурулар себеп
болады. Дәрумен жетіспеушілік болғанда ағзада зат алмасу процесі бұзылып,
оның жұқпалы ауруларға қарсы тұру қабілеті нашарлайды.
Витаминдердің фармакодинамикасы. Қазіргі кезде
витаминдік препараттардың жануар организіміне әсері
айтарлықтай дәрежеде тексеріліп, жаңарған
препараттармен толықтырылуда. Олар: Кормовит Е-25,
Капсувит Е -25, Гранувит Е, Комбинол Е, Тривит А
,Е,Д, Тетравит ,Солмивит, Авотан, Фосфотиамин,
Аквитал, Виказол, Линетол, және т.б . Витаминдер
тікелей немесе жанамалай болса да организмдегі
барлық биохимиялық құбыдыстарға қатысады. Кейбір
Витаминдер организмге қажетті заттарды түзуге , ал
кейбіреулері энергетикалық заттар есебінде қажет.
Фармакодинамика - биологиялық, терапиялық өзгерістерді
және орналасуын, әсер ету механизмін
қарастырады.Витаминдік препараттар тотығу – тотықсыздану
, карбоксилдену, амин қышқылдарының түзілуіне және тағы
басқа биологиялық құбылыстарға қатысады.Витаминдік
заттардың ферменттік құбылыстардағы маңызы өте зор.
Витаминдер өздігінен ферменттік жүйелер құрамына
кірмейді, алайда олар ферменттік құ былыстарға кофермент
түрінді қатысады.Барлық мал аурулары кезінде ,тіптен
патологиялық құбылыстың субклиникалық түрінде де
витаминдер метаболизмі бұзылады.
Көптеген витаминдік препараттар аз мөлшерде
жануарлар организімінің жалпы қорғаныс
механизмдерін күшейтеді. Сондықтанда әртүрлі
жұқпалы аурулар кезінде ең алдымен азық
құрамындағы витаминдердің мөлшерін қалыпты
деңгейге жеткізу керек, сонан соң іртүрлі дәрілік
заттар қолданады. Мысалы , тиамин асқазан
қызметін жақсартады, цианкобаламин гемопоэді ,
аскобин қышқылы фагоцитозды күшейтеді.
. Суда еритін витаминдер. В1 витамині (тиамин, аневрин,
антиполиневриттік)
Химиялық тұрғыдан В1 витамині гетероциклдік пиримидин мен
тиазол сақиналарынан тұратын құрамында азот пен күкірті бар,
кристалды түссіз зат. Формуласы төмендегідей:Бұл витаминді поляк
ғалымы К. Функ 1912 жылы ашады, 1913 жылы кристалды түрде
бөлініп алынады, ал 1936 жылы синтезделген.Тиамин жоғары
температураға, қышқылдар әсеріне төзімді, бейтарап, әсіресе
сілтілік ортада тез бұзылады.
В1 витамині ірі тартылған ұнда, қауызынан тазаланбаған күріште,
бұршақта, жаңғақта, ашытқыда, сүтте, бауырда, бүйректе, майда,
жұмыртқа сарысында көп болады. В1 витаминін жануар
организмінде ішек микрофлора бактериялары синтездейді.
Биомедициналық қызметі
Қазіргі кезде тиаминнің организмде атқаратын қызметі
жақсы зерттелген. В1 витаминінің тірі организмдерде
атқаратын қызметі оның биологиялық әрекетшіл түрі
тиаминпирофосфатқа (ТПФ) байланысты. Оның формуласы
төмендегідей:Тиаминнің тиаминпирофосфатқа айналуына
АТФ, магний ионы және тиаминкиназа ферменті
қатысады.Декарбоксилаза ферментінің құрамына
тиаминпирофосфат кофермент ретінде енеді. Бұл фермент
жануарлар мен адамдар ұлпаларында көмірсулар
ыдырағанда пайда болатын пирожүзім қышқылының тотыға
декарбоксилдену реакциясына қатысады.
В1 авитаминозының алғашқы белгілеріне тәбеттің төмендеуі ішек-
қарын қабырғаларының толқын тәрізді жиырылу қасиетінің кемуі,
мінез-құлықтың өзгеріп, еске сақтау қабілетінің төмендеуі, көзге елес
пайда болуы жатады.Тиамин авитаминозында пирожүзім
қышқылының мөлшері қанда, бұлшық ет ұлпаларында бірсыпыра
көбейеді, нерв жүйесі зақымданып, полиневрит «бери-бери» ауруы
пайда болады. «Бери-бери» ауруының белгісі бірнеше түрлі, құрғақ
«бери-бери» шеткі нерв жүйесін зақымдағанда, бұлшық еттер
тартылып, солып қалады, ауырған жердің сезіну қабілеті
нашарлайды, сал ауруы пайда болады. «Бери-беридің» істіктік
түрінде полиневрит пен қатар жүрек және қан тамырлары
зақымданып, ақыры өлімге дейін әкеледі. Бұл аурумен адамдардан
басқа құстар, иттер, егеу- құйрықтар және т.б. жануарлар да аурады.
В2 (рибофлавин, өсу витамині)
В2 витамині ең алғаш рет сүттен бөлініп алынады, сондықтан
лактофлавин деп те аталады.Рибофлавинді 1935 жылы Р. Кун химиялық
синтездеу жолымен алады.Химиялық тұрғыдан В2 витамині 5 атомды спирт
рибитолмен байланысқан метилденген гетероциклдік изоаллоксазиннен
тұратын, кристалды, қызғылт-сары түсті, табиғи пигменттер-флавиндерге
жатады.Рибофлавиннің изоаллоксазин сақинасындағы қос байланыстар
үзіліп сутек қосылған кезде сары түсті рибофлавин түссіз лейкоқосылысқа,
ал, лейкоқосылыс керекті жағдайда, керісінше, сутегіні бөле отырып сары
түсті рибофлавинге айналады:Рибофлавин суда, спиртте жақсы ериді,
қышқыл ортаға берік, қыздыруға төзімді болса да ультракүлгін сәулесінің
әсерінен тез бұзылады.В2 витаминін кейбір микроорганизмдер мен
өсімдіктер синтездейді, ал жануарлар мен адамдар организмдерінде
синтезделмейді, сондықтан рибофлавин организмге ас арқылы түседі.
Биомедициналық қызметі
Рибофлавин флавопротеид ферменттерінің коферменттері
(ФМН; ФАД) құрамына енеді. Бұл ферменттер екі типті реакци
яларды катализдейді. Біріншіден – флавопротеидтер оттегінің
қатынасуымен тура тотығу, яғни электрондар мен протондарды
субстраттан, немесе аралық метоболиттерден тасымалдау про
цесін катализдейді. Бұл топқа L- және Д-аминқышқылдарының
оксидазасы, глициноксидаза, альдегидоксидаза, моноаминокси
даза, т.б. ферменттер жатады.Екіншіден – флавопротеидтердің
биологиялық тотығу процесіндегі маңызы ерекше орын алады.
Олар сутегіні тікелей субстраттан ажыратпай, тотыққан
пиридинкоферменттерден тасымалдайды.
В2 авитаминозының белгілері
Рибофлавиннің ас арқылы жеткіліксіз түсуі
организмдегі органикалық заттардың тотығуын
нашарлатып, зат алмасу процесін, әсіресе белоктар
мен амин қышқылдарының алмасуын төмендетеді.В2
витамині авитаминозында адам шаршағыш келеді,
бұлшық еттерден әл кетеді, жүрек еті әлсірейді,
балалардың бойының өсуі тежеледі, салмақ қосуы
төмендейді, шашы түсіп (алопеция), бас терісі
қабыршақтанады (дерматит).
В3 витамині (пантотен қышқылы, антидерматиттік)
Бұл витамин 1933 жылы белгілі болды, кристалды түрде
тек 1939 жылы алынады, 1940 жылы химиялық құрылымы
анықталып жасанды түрде синтезделеді. Пантотен қышқылы
химиялық құрылымы жағынан пантой қышқылы мен β-
аланиннен түзілген дипептид: Д(+) α, g– диокси – β, β –
диметилбутирил – β- аланин:Пантотен қышқылы барлық жан-
жануар, өсімдіктер клеткалары мен микробтар құрамында
кездеседі
Биомедициналық қызметі
Пантотен қышқылы организм үшін өте қажет
күрделі органикалық зат коэнзим – А-ның (HSKоA)
құрамына енеді:Коэнзим – А организмдегі негізгі зат
алмасу процестеріне қатысады: май қышқылдарының
катаболизмі мен анаболизміне, көмірсулар мен
майлардың бір-біріне алмасуына өте қажет зат. Егер
коэнзим – А организмде жектіліксіз түзілсе, онда зат
алмасу процесі бұзылады.
В5 (РР) витамині (никотин қышқылы,
никотинамид). Никотин қышқылы және оның
амиді – никотинамид – ертеден белгілі. Бұл
витаминді ниацин немесе РР деп те атайды. Ни
котин қышқылының витаминдік қасиеті 1937
жылы анықталады.Никотин қышқылының РР деп
аталу себебі пеллаграға қарсы деген атаудың
басты әріптерінен тұрады.
В5 авитаминозының белгілері
В5 авитаминозында адамдар пеллагра ауруына
шалдығады. Пеллаграның алғашқы белгілері
төмендегідей: ішек-қарынның кілегей қабаты
қабынады, іш өтеді (диаррея), кейіннен тері
қабынып, кедір-бұдырланады (дерматит), асқынған
түрінде ми зақымданып, ойлау қабілеті төмендейді
(деменция). Бұл дертке балалар шалдыққанда
бойларының өсуі баяулап, салмағын жоғалтады,
анемияның жеңіл түрі пайда болады.
В6 (пиридоксин, антидерматиттік)
В6 витамині міндетті түрде ас құрамында болу керектігін
1934 жылы Дьерди, егеуқұйрықтылардың аяқ жағында
болатын акродиния деп аталатын ерекше дерматитті, сол
кезде белгілі болған суда еритін В1, В2 және РР
витаминдері жаза алмағаннан кейін ашты. Бұл
витамин1938 жылы ашытқылар мен бауырдан бөлініп
алынады, 1939 жылы синтезделеді.В6 витамині химиялық
құрылымы жағынан 3 – оксипиридин туындысы: 2 –
метил – 3 – окси – 4,5 – диоксиметил – пиридин екендігі
анықталады.
В12 витамині (цианкобаламин, антианемиялық)
В12 витамині басқа витаминдерден тек
химиялық құрылымының күрделігімен ғана емес,
құрамында организмге өте қажет кобальт
микроэлементінің болуымен ерекше, сондықтан
кобаламин деп аталады. В12 витаминінде кобальт
циан тобымен және координациялық байланыспен
коориндік циклдік жүйесімен байланысқан.
Биомедициналық қызметі
В12 витамині кофермент ретінде кобамид ферменттер тобы
құрамында азоттың, көмірсулардың, нуклеин қышқылдары
мен майлардың алмасуына қатысады. Метилкобаламин
кофермент ретінде енетін ферменттер метиониннің
биосинтезін жеделдетеді. 5’ – Дезоксиаденозилкобаламин
коферменті бар ферменттер сутегі атомдарын және әр түрлі
химиялық топтарды (гидроксилдік, амин, карбонил тиоэфир
т.б.) тасымалдауға қатысады.
С-витамині (аскорбин қышқылы, антискорбуттық)
С витамині орта ғасырда кең тарап, эпидемиялық
орын алған құрқұлақ – «цинга» ауруынан сақтайтын
болғандықтан антицингалық, антискорбуттық
(голланд. Скорбут – ауыздағы жаралар) деген
физиологиялық атаулар берілген.Құрқұлақ ауруының
себебі көп уақытқа дейін белгісіз болып, тек 1907-
1912 жылдары тәжірибелі түрде құрқұлақ ауруы мен
тағамда С витамині жетіспеуінің арасында тікелей
байланыс бар екендігі анықталды.
С авитаминозының белгілері
Аскорбин қышқылы адамдар, маймылдар, теңіз
шошқалары, кейбір жоғары сатыдағы құстар организмінде
синтезделмейді, сондықтан адам организміне ол тағаммен
ғана түседі.С витамині авитаминозының басты белгісі – ол
клетка аралық бекітуші, дәнекер заттардың жиналуының
нашарлауы. Бұл жағдай қан тамырлары қабырғаларының
беріктігін және дәнекер ұлпаның синтезін төмендетеді.
Витамин организмде жетіспегенде құрқұлақ ауруы пайда
болады, қан азаяды, ішек зақымданады, ет пен теріге қан
кетеді, бауыр мен сүйектер де өзгеріске ұшырайды.
3. Жануар түріне қарай тағайындалуы.
Тиаминді бұлшық етке мынандай мөлшерде тағайындайды. Сиырға 0,5- 1,6 г,
шошқаға 0,4- 0,6 г, иттерге 0,02-0,2г.
Емдік мақсатта рибофловинге бай азықтар беріледі. Ал профилактикалық мақсатта
ривофловиндік премикстер беріледі. Ішкізу мөлшері : иттерге 0,005- 0,2г, шошқаларға
0,01-0 ,06г .
Никотин қышқылын бұлшық етке 0,0002- 0,0006 г, ішкізу қүшін жылқыға 0,1 0,4г,
сиырға 0,2-0,5г, шошқаға 0,03- 0,08г, иттерге 0,005- 0,05 г.
Пиридоксинді бұлшық етке сиырларға 0,1- 0,8 г, шошқаға 0,06-0,2г, иттерге 0,04-0,2г.
Фолий қышқылын ішке және бұлшық етке 0,1- 0,2 мг/кг.
Цианкобаламинді шошқаларға ішкізуге 0,5-1г, итке 0,2-0,5мг.
Аскорбин қышқылын вена тамырға сиырларға 0,5-2,0г, жылқыға 0,5-1,5г, иттерге 0,03-
0,08г: ішкізуге сиырға 0,7-4,0г, қойға 0,2-1,0г, шошқаға 0,3-0,6г, иттерге 0,07-2,0г,
түлкілер мен ақ түлкілерге 0,05-0,1г, сусар мен құндыздарға 0,005-0,05г
тағайындалады.
Қорытынды

Мал азығында табиғи витаминдер аз ғана мөлшерде және бос немесе
байланысқан күйінде кездеседі. Қазipгi келе витаминдiк препараттардың
(заттардын) төрт тобы белгiлі: азыктық заттардағы витаминдер, таза
витамин (өсімдiктерден белiнin aлынғaн), әртүрлі микроорганизмдер
бөлінетiн витаминдер, жасанды жoлмен альнған витаминдер тобы.
Сондыктан да олар өте баяу әрі ұзақ уaкыт сіңіріліп, организмдегi
биохимиялық құбылыстардың жүруін қамтамacыз етедi.Таза витаминдер
өсімдіктерден бөлініп алынатындықтан олардың организмдегі
фармакодинамикасын толық зерттеуге , әрі оларды дәл мөлшерлеуге
болады.
Кейбір микроорганизмдер жануарлар организімі үшінөте құнды
витаминдік заттар бөліп шығаратыны белгілі. Қазіргі кезде қолдынылып
жүрген витаминдік препараттардың өнімділігін арттыруға және
витаминдер биосинтезін біршама өзгертуге мүмкіншілік туып отыр.Қазіргі
кезде витаминдерді осындай әдіспен алу өндірістік жолға қойылған және
оның болашағы зор деп күтілуде.
Назарларыңызға
рахмет!!!

Ұқсас жұмыстар

Емдік мөлшері

Тыныс алу жүйесі бұзылыстарында қолданылатын фитотерапия

Глутамин қыщқылының алынуы

Фармакологиялық әсері

Витаминдердің адам ағзасы үшін маңызы

Майда еритін витаминдер. Витаминдердің маңызы

Витаминдер. Витаминдердің адам ағзасы үшін маңызы

Мал организмінде майда еритін витаминдердің биомедициналық қасиеттері

Витаминдердің фармакологиялық үйлесімсіздігі

Витаминдер және оларға ұқсас заттар

Пәндер